ਅਰਬਪਤੀ ਐਲਨ ਮਸਕ ਹੁਣ ਆਪਣਾ ਵੱਖਰਾ ਸ਼ਹਿਰ ਬਣਾਉਣ ਦੀ ਤਿਆਰੀ ਕਰ ਰਹੇ ਹਨ। ਰਿਪੋਰਟਾਂ ਮੁਤਾਬਕ ਮਸਕ ਨਾਲ ਜੁੜੀਆਂ ਇਕਾਈਆਂ ਅਤੇ ਉਨ੍ਹਾਂ ਦੀਆਂ ਕੰਪਨੀਆਂ ਟੈਕਸਾਸ ‘ਚ ਹਜ਼ਾਰਾਂ ਏਕੜ ਜ਼ਮੀਨ ਖਰੀਦ ਰਹੀਆਂ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਇੱਥੇ ਜੋ ਟਾਊਨ ਬਣਾਇਆ ਜਾਵੇਗਾ, ਉੱਥੇ ਮਸਕ ਦੀਆਂ ਕੰਪਨੀਆਂ ਦੇ ਕਰਮਚਾਰੀ ਰਹਿਣਗੇ ਅਤੇ ਕੰਮ ਕਰਨਗੇ। ਰਿਪੋਰਟ ਵਿੱਚ ਦੱਸਿਆ ਗਿਆ ਹੈ ਕਿ ਆਸਟਿਨ ਨੇੜੇ ਹੁਣ ਤੱਕ 3500 ਏਕੜ ਜ਼ਮੀਨ ਖਰੀਦੀ ਜਾ ਚੁੱਕੀ ਹੈ। ਮਸਕ ਜਿਸ ਸ਼ਹਿਰ ਨੂੰ ਇੱਥੇ ਵਸਾਉਣ ਲਈ ਕੰਮ ਕਰ ਰਹੇ ਹਨ, ਉਸ ਦਾ ਨਾਂ ‘ਸਨੇਲਬਰੁੱਕ’ ਹੋਵੇਗਾ।
ਮੀਡੀਆ ਰਿਪੋਰਟਾਂ ਵਿਚ ਜ਼ਮੀਨੀ ਰਿਕਾਰਡ ਅਤੇ ਕੰਪਨੀ ਦੇ ਅੰਦਰੂਨੀ ਸੰਚਾਰ ਦੇ ਆਧਾਰ ‘ਤੇ ਕਸਬੇ ਬਾਰੇ ਕਈ ਜਾਣਕਾਰੀਆਂ ਦਿੱਤੀਆਂ ਗਈਆਂ ਹਨ। ਇਸ ਮੁਤਾਬਕ ਐਲਨ ਮਸਕ ਚਾਹੁੰਦੇ ਹਨ ਕਿ ਉਨ੍ਹਾਂ ਦੀਆਂ ਕੰਪਨੀਆਂ ਬੋਰਿੰਗ ਕੋ, ਟੇਸਲਾ ਅਤੇ ਸਪੇਸਐਕਸ ਦੇ ਕਰਮਚਾਰੀ ਇੱਥੇ ਰਹਿਣ। ਇਸ ਕਸਬੇ ਵਿੱਚ ਨਵੇਂ ਮਕਾਨਾਂ ਦਾ ਕਿਰਾਇਆ ਮਾਰਕੀਟ ਰੇਟ ਤੋਂ ਘੱਟ ਹੋਵੇਗਾ। ਦੱਸ ਦੇਈਏ ਕਿ ਆਸਟਿਨ ਵਿੱਚ ਇਹਨਾਂ ਸਾਰੀਆਂ ਕੰਪਨੀਆਂ ਦੀਆਂ ਵੱਡੀਆਂ ਉਤਪਾਦਨ ਸਹੂਲਤਾਂ ਹਨ, ਇਸੇ ਕਰਕੇ ਇਸ ਸ਼ਹਿਰ ਦੇ ਨੇੜੇ ਇੱਕ ਨਵਾਂ ਸ਼ਹਿਰ ਸਥਾਪਤ ਕਰਨ ਦਾ ਇਰਾਦਾ ਹੈ।
ਰਿਪੋਰਟ ਮੁਤਾਬਕ ਮਸਕ 100 ਤੋਂ ਵੱਧ ਘਰ ਬਣਾਉਣ ਦਾ ਇਰਾਦਾ ਰੱਖਦੇ ਹਨ। ਇਸ ਦੇ ਨਾਲ ਹੀ ਕਸਬੇ ਵਿੱਚ ਸਵੀਮਿੰਗ ਪੂਲ ਅਤੇ ਆਊਟਡੋਰ ਸਪੋਰਟਸ ਏਰੀਆ ਵੀ ਮੁਹੱਈਆ ਕਰਵਾਇਆ ਜਾਵੇਗਾ। ਇਸ ਤੋਂ ਪਹਿਲਾਂ 2020 ਵਿੱਚ, ਮਸਕ ਨੇ ਘੋਸ਼ਣਾ ਕੀਤੀ ਸੀ ਕਿ ਉਹ ਕੈਲੀਫੋਰਨੀਆ ਤੋਂ ਟੇਸਲਾ ਦੇ ਹੈੱਡਕੁਆਰਟਰ ਅਤੇ ਆਪਣੀ ਨਿੱਜੀ ਰਿਹਾਇਸ਼ ਨੂੰ ਸ਼ਿਫਟ ਕਰਨਗੇ। ਇਸ ਦੇ ਨਾਲ ਹੀ 2022 ਵਿੱਚ ਟੇਸਲਾ ਨੇ ਆਸਟਿਨ ਵਿੱਚ ਇੱਕ ਨਵੀਂ ਗੀਗਾਫੈਕਟਰੀ ਨਿਰਮਾਣ ਸਹੂਲਤ ਖੋਲ੍ਹੀ, ਜਦੋਂਕਿ ਸਪੇਸਐਕਸ ਅਤੇ ਦਿ ਬੋਰਿੰਗ ਕੰਪਨੀ ਕੋਲ ਟੈਕਸਾਸ ਵਿੱਚ ਵੀ ਇਹ ਸਹੂਲਤਾਂ ਹਨ।
ਇਹ ਵੀ ਪੜ੍ਹੋ : 165 ਕਿਲੋ ਭਾਰ ਘਟਾ ਕੇ ਬੰਦੇ ਨੇ ਦੁਨੀਆ ਨੂੰ ਕੀਤਾ ਹੈਰਾਨ, ਡਾਕਟਰ ਨੇ ਕਿਹਾ ਸੀ, ‘ਤੁਰਦਾ-ਫਿਰਦਾ ਬੰਬ’!
ਦੱਸਿਆ ਜਾ ਰਿਹਾ ਹੈ ਕਿ ਐਲਨ ਮਸਕ ਦੀ ਟੀਮ ਨੇ ਇਸ ਟਾਊਨ ਨੂੰ ਬਾਸਟਰੋਪ ਕਾਊਂਟੀ ‘ਚ ਸ਼ਾਮਲ ਕਰਨ ‘ਤੇ ਵੀ ਚਰਚਾ ਕੀਤੀ ਹੈ। ਹਾਲਾਂਕਿ, ਕਾਉਂਟੀ ਨੇ ਕਿਹਾ ਕਿ ਉਨ੍ਹਾਂ ਨੂੰ ਇਸ ਸਬੰਧੀ ਕੋਈ ਅਰਜ਼ੀ ਨਹੀਂ ਮਿਲੀ ਹੈ। ਦੂਜੇ ਪਾਸੇ ਇਹ ਵੀ ਖ਼ਬਰ ਹੈ ਕਿ ਮਸਕ ਦੀ ਮਨਮਾਨੀ ਕਾਰਨ ਇੱਕ ਵਾਰ ਫਿਰ ਮੈਨੇਜਰਾਂ ਨੂੰ ਨੌਕਰੀ ਤੋਂ ਹੱਥ ਧੋਣੇ ਪਏ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਮਸਕ ਨੇ ਪ੍ਰਬੰਧਕਾਂ ਨੂੰ ਆਪਣੀ ਟੀਮ ਦੇ ਸਰਵੋਤਮ ਕਰਮਚਾਰੀਆਂ ਦੀ ਸੂਚੀ ਦੇਣ ਲਈ ਕਿਹਾ ਸੀ। ‘ਬੌਸ’ ਦੇ ਨਿਰਦੇਸ਼ਾਂ ‘ਤੇ ਪ੍ਰਬੰਧਕਾਂ ਨੇ ਆਪਣੀ ਟੀਮ ਦੇ ਬਿਹਤਰੀਨ ਕਰਮਚਾਰੀਆਂ ਦੀ ਚੋਣ ਕਰਕੇ ਉਨ੍ਹਾਂ ਨੂੰ ਸੂਚੀ ਸੌਂਪੀ। ਇਹ ਸੂਚੀ ਮਿਲਣ ਤੋਂ ਬਾਅਦ ਮਸਕ ਨੇ ਮੈਨੇਜਰਾਂ ਨੂੰ ਨੌਕਰੀ ਤੋਂ ਕੱਢ ਦਿੱਤਾ।
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
