ਹਰਿਆਣਾ ਦੇ ਅੰਬਾਲਾ, ਕੁਰੂਕਸ਼ੇਤਰ ਅਤੇ ਯਮੁਨਾਨਗਰ ਵਿਚ ਪੁਲਿਸ ਨੇ ‘ਆਪ੍ਰੇਸ਼ਨ ਪ੍ਰਹਾਰ’ ਮੁਹਿੰਮ ਚਲਾਈ ਹੈ। ਅੰਬਾਲਾ ਦੇ ਆਈਜੀ ਸ਼ਿਵਾਸ ਕਬੀਰਾਜ ਦੀ ਅਗਵਾਈ ਹੇਠ ਗਠਿਤ 77 ਟੀਮਾਂ ਨੇ ਸਵੇਰੇ 4 ਵਜੇ ਕਿਸੇ ਨਾ ਕਿਸੇ ਤਰੀਕੇ ਨਾਲ ਅਪਰਾਧ ਨਾਲ ਜੁੜੇ 50 ਅਪਰਾਧੀਆਂ ਦੇ ਟਿਕਾਣਿਆਂ ‘ਤੇ ਛਾਪੇਮਾਰੀ ਕੀਤੀ। ਇਸ ਦੌਰਾਨ ਪੁਲਿਸ ਨੂੰ ਵੱਡੀ ਕਾਮਯਾਬੀ ਮਿਲੀ ਹੈ।
ਪੁਲਿਸ ਨੇ ਲਾਰੈਂਸ ਗੈਂਗ, ਅਮਨ ਸੋਨਕਰ, ਭੁੱਪੀ ਰਾਣਾ, ਅਮਨ ਬਾਂਡ ਸਮੇਤ ਕਈ ਹੋਰ ਗੈਂਗ ਨਾਲ ਸਬੰਧਤ 7 ਬਦਮਾਸ਼ਾਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਇੰਨਾ ਹੀ ਨਹੀਂ ਪੁਲਸ ਨੇ ਨਾਜਾਇਜ਼ ਹਥਿਆਰਾਂ ਸਮੇਤ ਲੱਖਾਂ ਰੁਪਏ ਦੀ ਨਕਦੀ ਅਤੇ ਵਿਦੇਸ਼ੀ ਕਰੰਸੀ ਵੀ ਬਰਾਮਦ ਕੀਤੀ ਹੈ। ਗ੍ਰਹਿ ਮੰਤਰੀ ਅਨਿਲ ਵਿੱਜ ਅਤੇ ਪੁਲਿਸ ਡਾਇਰੈਕਟਰ ਜਨਰਲ ਪੀਕੇ ਅਗਰਵਾਲ ਨੇ ਵੀ ਪੁਲਿਸ ਦੀ ਇਸ ਮੁਹਿੰਮ ਦੀ ਸ਼ਲਾਘਾ ਕੀਤੀ ਹੈ। ਪੁਲਿਸ ਨੇ 5 ਦੇਸੀ ਪਿਸਤੌਲ, 1 ਪਿਸਤੌਲ, 3 ਚਾਕੂ, 1 ਤਲਵਾਰ, 1 ਖਾਲੀ ਮੈਗਜ਼ੀਨ, 19 ਟਰਾਪ, 9 ਖਾਲੀ ਟਰਾਪ, 62 ਮੋਬਾਈਲ, 11 ਸਿਮ ਕਾਰਡ, 40.89 ਲੱਖ ਦੀ ਨਕਦੀ, 262 ਅਮਰੀਕੀ ਡਾਲਰ, 46 ਵਿਦੇਸ਼ੀ ਸਿੱਕੇ, ਡੀਵੀਆਰ, 1 ਹਾਰਡ ਡਿਸਕ, 3 ਲੈਪਟਾਪ, ਦਸਤਾਵੇਜ਼, ਬੈਂਕ ਪਾਸਬੁੱਕ ਅਤੇ ਚੈੱਕਬੁੱਕ, ਪੈਨ ਕਾਰਡ, ਡੈਬਿਟ, ਕ੍ਰੈਡਿਟ ਕਾਰਡ ਅਤੇ ਗਹਿਣੇ ਵੀ ਬਰਾਮਦ ਕੀਤੇ ਗਏ ਹਨ।
ਵੀਡੀਓ ਲਈ ਕਲਿੱਕ ਕਰੋ -:
“ਪੰਜਾਬ ਦੀ ਆਹ ਕੁੜੀ ਨੇ ਬੁਲਟ ‘ਤੇ ਘੁੰਮਿਆ ਸਾਰਾ ‘India’, ਹੁਣ ਬੁਲਟ ‘ਤੇ ਚੱਲੀ ਐ ਇੰਗਲੈਂਡ ! “
ਪੁਲਸ ਨੇ ਵਿਸ਼ਾਲ ਸੋਨਕਰ ਦੇ ਭਰਾ ਆਕਾਸ਼, ਅਮਨ ਸੋਨਕਰ ਅਤੇ ਭੁੱਪੀ ਰਾਣਾ ਗੈਂਗ ਦੇ ਮੈਂਬਰ ਨੂੰ ਦੇਸੀ ਕੱਟੇ ਸਮੇਤ ਗ੍ਰਿਫਤਾਰ ਕੀਤਾ ਹੈ।
ਇਸੇ ਕੜੀ ‘ਚ ਕੁਰੂਕਸ਼ੇਤਰ ‘ਚ 12 ਸ਼ੱਕੀਆਂ ਦੀ ਪਛਾਣ ਕਰਕੇ ਛਾਪੇਮਾਰੀ ਕੀਤੀ ਗਈ। ਪੁਲਿਸ ਨੇ ਲਾਰੈਂਸ ਗੈਂਗ ਦੇ ਸਰਗਨਾ ਪਿੰਡ ਜੰਡੇੜੀ ਦੇ ਰਹਿਣ ਵਾਲੇ ਗੌਰਵ ਕੁਮਾਰ ਨੂੰ ਦੇਸੀ ਚਾਕੂ ਸਮੇਤ ਕਾਬੂ ਕਰ ਲਿਆ। ਦੂਜੇ ਬਦਮਾਸ਼ ਸਵਿੰਦਰ ਨੂੰ ਇੱਕ ਦੇਸੀ ਪਿਸਤੌਲ ਅਤੇ ਦੋ ਜਿੰਦਾ ਰੌਂਦ ਸਮੇਤ ਕਾਬੂ ਕੀਤਾ ਗਿਆ। ਇੰਨਾ ਹੀ ਨਹੀਂ ਪੰਜਾਬ ਦੇ ਪਿੰਡ ਪੰਡਰਾ ਦੇ ਰਹਿਣ ਵਾਲੇ ਮੋਸਟ ਵਾਂਟੇਡ ਇਨਾਮੀ ਅਪਰਾਧੀ ਧੰਨਾ ਨੂੰ ਪਿਹੋਵਾ ਤੋਂ ਕਾਬੂ ਕੀਤਾ ਗਿਆ।
ਯਮੁਨਾਨਗਰ ‘ਚ ਪੁਲਸ ਨੇ 15 ਟੀਮਾਂ ਬਣਾ ਕੇ 15 ਸ਼ੱਕੀਆਂ ਦੇ ਟਿਕਾਣਿਆਂ ‘ਤੇ ਛਾਪੇਮਾਰੀ ਕੀਤੀ। ਪੁਲਸ ਨੇ 3 ਬਦਮਾਸ਼ਾਂ ਨੂੰ ਗ੍ਰਿਫਤਾਰ ਕੀਤਾ ਹੈ।
