ਅਮਰੀਕਾ ਵਿਚ 7ਵੀਂ ਕਲਾਸ ਦੇ ਵਿਦਿਆਰਥੀ ਨੇ ਹੈਰਾਨ ਕਰ ਦੇਣ ਵਾਲਾ ਕਾਰਨਾਮਾ ਕੀਤਾ ਹੈ। ਬੱਸ ਤੋਂ ਘਰ ਜਾਣ ਦੌਰਾਨ ਉਸ ਦਾ ਡਰਾਈਵਰ ਬੇਹੋਸ਼ ਹੋ ਗਿਆ ਜਿਸ ਦੇ ਬਾਅਦ ਲੜਕੇ ਨੇ ਫੁਰਤੀ ਦਿਖਾਉਂਦੇ ਹੋਏ ਬੱਸ ਨੂੰ ਰੋਕਿਆ।
ਘਟਨਾ ਅਮਰੀਕਾ ਦੇ ਮਿਸ਼ੀਗਨ ਦੀ ਹੈ ਜਿਸ ਦਾ ਵੀਡੀਓ ਦੁਨੀਆ ਭਰ ਵਿਚ ਵਾਇਰਲ ਹੋ ਰਿਹਾ ਹੈ। ਵਾਰੇਨ ਕੰਸੋਲਿਡੇਟੇਡ ਸਕੂਲ ਵੱਲੋਂ ਜਾਰੀ ਵੀਡੀਓ ਵਿਚ ਦਿਖ ਰਿਹਾ ਹੈ ਕਿ ਡਰਾਈਵਰ ਦਾ ਸਿਰ ਤੇਜ਼ ਨਾਲ ਹਿਲ ਰਿਹਾ ਹੈ ਤੇ ਬਾਅਦ ਵਿਚ ਇਕ ਪਾਸੇ ਵੱਲ ਝੁਕ ਜਾਂਦਾ ਹੈ।
ਘਟਨਾ ਦੇ ਕੁਝ ਹੀ ਦੇਰ ਬਾਅਦ ਵਿਦਿਆਰਥੀ ਡਿਲਨ ਰੀਵਸ ਕੈਮਰੇ ਦੇ ਫਰੇਮ ਵਿਚ ਦਿਖਦਾ ਹੈ ਤੇ ਸਟੀਅਰਿੰਗ ਵ੍ਹੀਲ ਨੂੰ ਫੜ ਲੈਂਦਾ ਹੈ। ਉੁਹ ਬੱਸ ਨੂੰ ਬ੍ਰੇਕ ਜ਼ਰੀਏ ਸੁਰੱਖਿਅਤ ਰੋਕਣ ਵਿਚ ਸਫਲ ਰਿਹਾ। ਸੁਪਰੀਡੈਂਟ ਰਾਬਰਟ ਲਿਵਰਨਾਇਸ ਮੁਤਾਬਕ ਇਸ ਦੌਰਾਨ ਬੱਸ ਟ੍ਰੈਫਿਕ ਨਾਲ ਟਕਰਾਉਣ ਵਾਲੀ ਸੀ ਬੱਸ ਨੂੰ ਰੋਕਦੇ ਹੀ ਉਸ ਨੇ ਕਿਹਾ ਕੋਈ 911 (ਐਮਰਜੈਂਸੀ ਨੰਬਰ) ‘ਤੇ ਕਾਲ ਕਰੋ ਤੇ ਬਾਕੀ ਬੱਚਿਆਂ ਨੂੰ ਸ਼ਾਂਤ ਰਹਿਣ ਨੂੰ ਕਿਹਾ।
ਜਿਸ ਦੌਰਾਨ ਇਹ ਘਟਨਾ ਵਾਪਰੀ ਉਸ ਸਮੇਂ ਬੱਸ ਵਿਚ 66 ਲੋਕ ਮੌਜੂਦ ਸਨ। ਘਟਨਾ ਦੌਰਾਨ ਬਾਕੀ ਬੱਚੇ ਡਰ ਨਾਲ ਚੀਕਣ ਲੱਗੇ। ਲਿਵਰਨਾਇਸ ਮੁਤਾਬਕ ਡਾਈਵਰ ਨੇ ਐਮਜੈਂਸੀ ਸਿਗਨਲ ਭੇਜ ਕੇ ਦੱਸ ਦਿੱਤਾ ਸੀ ਕਿ ਉਹ ਠੀਕ ਮਹਿਸੂਸ ਨਹੀਂ ਕਰ ਰਿਹਾ ਤੇ ਗੱਡੀ ਨੂੰ ਰੋਕ ਦੇਵੇਗਾ। 7ਵੀਂ ਵਿਚ ਪੜ੍ਹਨ ਵਾਲਾ ਵਿਦਿਆਰਥੀ ਡਿਲਨ ਡਰਾਈਵਰ ਦੇ ਪਿੱਛੇ ਦੀ 5ਵੀਂ ਲਾਈਨ ਵਿਚ ਬੈਠਾ ਸੀ। ਇਸ ਦੇ ਬਾਵਜੂਦ ਚਾਲਕ ਦੇ ਬੇਹੋਸ਼ ਹੋਣ ਦੇ ਕੁਝ ਹੀ ਸਕਿੰਟਾਂ ਵਿਚ ਉਹ ਅੱਗੇ ਆ ਗਿਆ। ਵੀਡੀਓ ਵਿਚ ਦੇਖਿਆ ਜਾ ਸਕਦਾ ਹੈ ਕਿ ਉਸ ਨੇ ਸਟੀਅਰਿੰਗ ਨੂੰ ਫੜਿਆ ਹੋਇਆ ਹੈ ਤੇ ਗੱਡੀ ਨੂੰ ਬ੍ਰੇਕ ਲਗਾ ਰਿਹਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“12 ਵੀ ਪਾਸ ਜੱਟ ਨੇ SHARE MARKET ‘ਚ ਪਾਈ ਧੱਕ , ਇੱਕ ਦਿਨ ‘ਚ ਕਮਾ ਲੈਂਦਾ ਲੱਖਾਂ ਰੁਪਏ ! “
