ਕੇਂਦਰ ਸਰਕਾਰ ਆਨਲਾਈਨ ਗੇਮਿੰਗ ਖਿਲਾਫ ਸਖਤ ਕਦਮ ਚੁੱਕਣ ਜਾ ਰਹੀ ਹੈ। ਸਰਕਾਰ ਤਿੰਨ ਤਰ੍ਹਾਂ ਦੀਆਂ ਆਨਲਾਈਨ ਗੇਮਾਂ ‘ਤੇ ਪਾਬੰਦੀ ਲਗਾਉਣ ਦੀ ਤਿਆਰੀ ਕਰ ਰਹੀ ਹੈ। ਸਰਕਾਰ ਨੇ ਆਨਲਾਈਨ ਗੇਮਿੰਗ ‘ਤੇ ਪਾਬੰਦੀ ਨੂੰ ਲੈ ਕੇ ਇਕ ਫਰੇਮਵਰਕ ਤਿਆਰ ਕੀਤਾ ਹੈ। ਜੇਕਰ ਅਜਿਹੀਆਂ ਗੇਮਿੰਗ ‘ਤੇ ਪਾਬੰਦੀ ਲਗਾਈ ਜਾਂਦੀ ਹੈ ਤਾਂ ਸੱਟੇਬਾਜ਼ਾਂ ਦਾ ਨੁਕਸਾਨ ਹੋ ਸਕਦਾ ਹੈ।
ਕੇਂਦਰੀ ਸੂਚਨਾ ਤਕਨਾਲੋਜੀ ਰਾਜ ਮੰਤਰੀ ਰਾਜੀਵ ਚੰਦਰਸ਼ੇਖਰ ਨੇ ਇਕ ਬਿਆਨ ‘ਚ ਕਿਹਾ, ”ਅਸੀਂ ਆਨਲਾਈਨ ਗੇਮਿੰਗ ਨੂੰ ਲੈ ਕੇ ਪਹਿਲੀ ਵਾਰ ਇਕ ਫਰੇਮਵਰਕ ਤਿਆਰ ਕੀਤਾ ਹੈ, ਜਿਸ ‘ਚ ਅਸੀਂ ਦੇਸ਼ ‘ਚ 3 ਤਰ੍ਹਾਂ ਦੀਆਂ ਗੇਮਿੰਗ ਦੀ ਇਜਾਜ਼ਤ ਨਹੀਂ ਦੇਵਾਂਗੇ। ਪਹਿਲੀ ਗੇਮ ਜਿਸ ‘ਚ ਸੱਟੇਬਾਜ਼ੀ ਸ਼ਾਮਲ ਹੈ। ਦੂਸਰਾ ਜੇਕਰ ਕੋਈ ਨੁਕਸਾਨ ਕਰ ਸਕਦਾ ਹੈ, ਤੀਜਾ ਨਸ਼ਾ… ਜੇਕਰ ਇਹਨਾਂ ਵਿੱਚੋਂ ਕੋਈ ਵੀ ਕਾਰਕ ਪਾਇਆ ਜਾਂਦਾ ਹੈ ਤਾਂ ਇਸ ‘ਤੇ ਪਾਬੰਦੀ ਲਗਾ ਦਿੱਤੀ ਜਾਵੇਗੀ। ਹਾਲ ਹੀ ‘ਚ ਆਨਲਾਈਨ ਗੇਮਿੰਗ ਐਪ ਰਾਹੀਂ ਧਰਮ ਪਰਿਵਰਤਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਯੂਪੀ ਪੁਲਿਸ ਨੇ ਮਹਾਰਾਸ਼ਟਰ ਦੇ ਰਾਏਗੜ੍ਹ ਤੋਂ ਸ਼ਾਹਨਵਾਜ਼ ਖਾਨ ਨਾਮ ਦੇ ਇੱਕ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ ਹੈ, ਜੋ ਆਨਲਾਈਨ ਗੇਮਿੰਗ ਐਪ ਰਾਹੀਂ ਬੱਚਿਆਂ/ਨੌਜਵਾਨਾਂ ਦੇ ਧਰਮ ਪਰਿਵਰਤਨ ਦਾ ਕਥਿਤ ਰੈਕੇਟ ਚਲਾ ਰਿਹਾ ਸੀ। ਦੋਸ਼ ਹੈ ਕਿ ਮੌਲਵੀ ਸਮੇਤ ਦੋ ਲੋਕਾਂ ਨੇ ਆਨਲਾਈਨ ਗੇਮ ਦੀ ਆੜ ‘ਚ 17 ਸਾਲਾ ਲੜਕੇ ਦਾ ਨਾ ਸਿਰਫ ਧਰਮ ਪਰਿਵਰਤਨ ਕਰਵਾਇਆ, ਸਗੋਂ ਉਸ ਨੂੰ ਪੰਜ ਵਾਰ ਨਮਾਜ਼ ਵੀ ਪੜ੍ਹਾਉਣ ਲਈ ਕਿਹਾ।
ਵੀਡੀਓ ਲਈ ਕਲਿੱਕ ਕਰੋ -:
“ਦੌੜ ‘ਚ ਤੂਫਾਨ ਵਾਂਗ ਧੱਕ ਪਾਉਣ ਵਾਲਾ athlete, ਈ-ਰਿਕਸ਼ਾ ਚਲਾਉਣ ਲਈ ਹੋਇਆ ਮਜ਼ਬੂਰ, CM Mann ਤੱਕ ਪਹੁੰਚਾ ਦਿਓ”
ਪੁਲਿਸ ਸੂਤਰਾਂ ਦਾ ਕਹਿਣਾ ਹੈ ਕਿ ਸ਼ਾਹਨਵਾਜ਼ ਮਕਸੂਦ ਖਾਨ ਵੀ ਇਸ ਗੇਮ ਦਾ ਡਿਵੈਲਪਰ ਸੀ, ਉਹ ਚੱਲਦੀ ਗੇਮ ਦੇ ਵਿਚਕਾਰ ਸਟੈਗ ਲਗਾ ਦਿੰਦਾ ਸੀ, ਜਿਸ ਨਾਲ ਬੱਚਿਆਂ ਨੂੰ ਨਵੀਆਂ ਚੁਣੌਤੀਆਂ ਮਿਲਦੀਆਂ ਸਨ ਅਤੇ ਉਹ ਗੇਮ ਹਾਰ ਜਾਂਦੇ ਸਨ। ਸ਼ਾਹਨਵਾਜ਼ ਹਮੇਸ਼ਾ ਆਪਣੀ ਰੈਂਕਿੰਗ ਨੂੰ ਸਿਖਰ ‘ਤੇ ਰੱਖਦਾ ਸੀ, ਇਸ ਲਈ ਬੱਚੇ ਉਸ ਨਾਲ ਗੱਲਬਾਤ ਕਰਦੇ ਸਨ ਅਤੇ ਉਸ ਤੋਂ ਖੇਡ ਦੀਆਂ ਨਵੀਆਂ ਤਕਨੀਕਾਂ ਬਾਰੇ ਪੁੱਛਦੇ ਸਨ। ਇਸ ਦੌਰਾਨ ਉਹ ਉਨ੍ਹਾਂ ਨੂੰ ਇਸਲਾਮ ਬਾਰੇ ਪ੍ਰਭਾਵਿਤ ਕਰਦਾ ਸੀ। ਉਹ ਕਹਿੰਦਾ ਸੀ ਕਿ ਤੁਸੀਂ ਕੁਰਾਨ ਪੜ੍ਹੋਗੇ ਤਾਂ ਹੀ ਜਿੱਤੋਗੇ।
