ਬਾਦਾਮ ਦਾ ਦੁੱਧ ਹੁਣੇ ਜਿਹੇ ਡੇਅਰੀ ਪ੍ਰੋਡਕਟ ਦੇ ਬਦਲ ਵਜੋਂ ਕਾਫੀ ਫੇਮਸ ਹੋਇਆ ਹੈ। ਇਸ ਦੇ ਸੁਆਦ ਤੇ ਮਲਾਈਦਾਰ ਬਨਾਵਟ ਕਾਰਨ ਇਸ ਨੂੰ ਪਸੰਦ ਕੀਤਾ ਜਾਂਦਾ ਹੈ ਕਿਉਂਕਿ ਬਾਦਾਮ ਨੂੰ ਬਹੁਤ ਹੀ ਹੈਲਦੀ ਮੇਵਾ ਮੰਨਿਆ ਜਾਂਦਾ ਹੈ। ਇਸ ਲਈ ਦੁੱਧ ਨੂੰ ਵੀ ਜ਼ਿਆਦਾ ਫਾਇਦਾ ਦੇਣ ਵਾਲਾ ਮੰਨਿਆ ਜਾਂਦਾ ਹੈ। ਪਰ ਕੀ ਅਸਲ ਵਿਚ ਬਾਦਾਮ ਦਾ ਦੁੱਧ ਓਨਾ ਹੀ ਫਾਇਦੇਮੰਦ ਹੁੰਦਾ ਹੈ ਜਿੰਨਾ ਦੱਸਿਆ ਜਾਂਦਾ ਹੈ? ਚੱਲੋ ਜਾਣਦੇ ਹਾਂ।
ਬਾਦਾਮ ਦਾ ਦੁੱਧ ਘਰ ‘ਤੇ ਬਣਾਉਣਾ ਕਾਫੀ ਆਸਾਨ ਹੈ। ਬਾਦਾਮ ਨੂੰ ਪਾਣੀ ਨਾਲ ਪੀਸਕੇ, ਛਾਣ ਕੇ ਬੋਤਲ ਵਿਚ ਭਰ ਕੇ ਰੱਖਿਆ ਜਾ ਸਕਦਾ ਹੈ। ਹਾਲਾਂਕਿ ਦੁਕਾਨਾਂ ‘ਤੇ ਮਿਲਣ ਵਾਲਾ ਬਾਦਾਮ ਦਾ ਦੁੱਧ ਟੁੱਟੇ ਤੇ ਬੇਕਾਰ ਹੋਏ ਬਾਦਾਮਾਂ ਤੋਂ ਬਣਾਇਆ ਜਾਂਦਾ ਹੈ। ਇਸ ਵਿਚ ਅਸਲ ਵਿਚ ਕੁਝ ਹੀ ਬਾਦਾਮ ਹੁੰਦੇ ਹਨ ਤੇ ਬਾਕੀ ਮਿਲਾਵਟ ਵਿਚ ਕੈਨੋਲਾ ਤੇਲ, ਹਾਈ ਫੁਕਟੋਜ ਕਾਰਨ ਸਿਰਪ ਤੇ ਕੁਝ ਫਲੇਵਰ ਮਿਲਾਏ ਜਾਂਦੇ ਹਨ। ਇਸ ਨੂੰ ਵੇਚਣ ਲਈ ਇਸ ਦੀ ਕੀਮਤ ਕਾਫੀ ਜ਼ਿਆਦਾ ਰੱਖੀ ਜਾਂਦੀ ਹੈ। ਬਾਦਾਮ ਵਿਚ ਆਕਸਾਲੇਟ ਹੁੰਦਾ ਹੈ ਜੋ ਗਾਊਟ ਤੇ ਜੋੜਾਂ ਵਿਚ ਦਰਦ ਦਾ ਕਾਰਨ ਬਣ ਸਕਦਾ ਹੈ। ਜ਼ਿਆਦਾ ਆਕਸਾਲੇਟ ਰਿਚ ਡਾਇਟ ਲੈਣ ‘ਤੇ ਸਕਿਨ ਵਿਚ ਕ੍ਰਿਸਟਲ ਬਣ ਸਕਦੇ ਹਨ। ਇਸ ਲਈ ਕਈ ਡਾਕਟਰ ਬਾਦਾਮ ਦੇ ਦੁੱਧ ਦੀ ਸਲਾਹ ਨਹੀਂ ਦਿੰਦੇ।
ਬਾਦਾਮ ਦੇ ਦੁੱਧ ਨੂੰ ਕਦੇ-ਕਦੇ ਡੇਅਰੀ ਦੇ ਹੈਲਦੀ ਵਿਕਲਪ ਵਜੋਂ ਦੱਸਿਆ ਜਾਂਦਾ ਹੈ ਪਰ ਇਸ ਵਿਚ ਗਾਂ ਦੇ ਦੁੱਧ ਵਿਚ ਪਾਏ ਜਾਣ ਵਾਲੇ ਨੈਚੁਰਲ ਮਿਨਰਲਸ ਵਰਗੇ ਕੈਲਸ਼ੀਅਮ, ਪ੍ਰੋਟੀਨ ਤੇ ਵਿਟਾਮਿਨ ਬੀ-12 ਨਹੀਂ ਹੁੰਦੇ। ਕੁਝ ਬ੍ਰਾਂਡ ਇਨ੍ਹਾਂ ਪੌਸ਼ਕ ਤੱਤਾਂ ਨੂੰ ਮਿਲਾਉਂਦੇ ਹਨ ਪਰ ਕੁਝ ਵਿਚ ਵਾਧੂ ਚੀਨੀ ਤੇ ਪ੍ਰਿਜਰਵੇਟਿਵ ਹੁੰਦੇ ਹਨ, ਜੋ ਹੈਲਥ ਬੈਨੀਫਿਟਸ ਨੂੰ ਘੱਟ ਕਰ ਦਿੰਦੇ ਹਨ। ਬਦਾਮ ਇੱਕ ਆਮ ਐਲਰਜੀਨ ਹੈ, ਇਸ ਲਈ ਜਿਨ੍ਹਾਂ ਲੋਕਾਂ ਨੂੰ ਅਖਰੋਟ ਤੋਂ ਐਲਰਜੀ ਹੈ ਉਨ੍ਹਾਂ ਨੂੰ ਸਾਵਧਾਨੀ ਨਾਲ ਬਦਾਮ ਦੇ ਦੁੱਧ ਦੀ ਵਰਤੋਂ ਕਰਨੀ ਚਾਹੀਦੀ ਹੈ। ਗੰਭੀਰ ਐਲਰਜੀ ਵਾਲੇ ਲੋਕਾਂ ਲਈ ਉਤਪਾਦਨ ਪ੍ਰਕਿਰਿਆ ਦੌਰਾਨ ਕ੍ਰਾਸ ਕਟੈਮਿਨੇਸ਼ਨ ਵੀ ਖਤਰਨਾਕ ਹੋ ਸਕਦਾ ਹੈ। ਇਸ ਲਈ ਉਨ੍ਹਾਂ ਲਈ ਬਾਦਾਮ ਦਾ ਦੁੱਧ ਸਭ ਤੋਂ ਚੰਗਾ ਬਦਲ ਨਹੀਂ ਹੋ ਸਕਦਾ।
ਹਾਲਾਂਕਿ ਬਾਦਾਮ ਦੇ ਦੁੱਧ ਦੇ ਕੁਝ ਫਾਇਦੇ ਵੀ ਹਨ। ਇਹ ਸੁਭਾਵਕ ਤੌਰ ਤੋਂ ਲੈਕਟੋਜ ਫ੍ਰੀ ਹੁੰਦਾ ਹੈ। ਇਸ ਲਈ ਜਿਹੜੇ ਲੋਕਾਂ ਨੂੰ ਡੇਅਰੀ ਪ੍ਰੋਡਕਟਸ ਤੋਂ ਐਲਰਜੀ ਹੈ ਜਾਂ ਫਿਰ ਜਿਨ੍ਹਾਂ ਦੀ ਬਾਡੀ ਲੈਕਟੋਜ ਨੂੰ ਅਬਜ਼ਾਰਵ ਨਹੀਂ ਕਰ ਪਾਉਂਦੇ, ਉਹ ਇਸ ਦਾ ਇਸਤੇਮਾਲ ਕਰ ਸਕਦੇ ਹਨ। ਬਾਦਾਮ ਦਾ ਦੁੱਧ ਕੈਲੋਰੀ ਤੇ ਸੈਚੂਰੇਟਿਡ ਫੈਟ ਵਿਚ ਘੱਟ ਹੋਣ ਕਾਰਨ ਭਾਰ ਕੰਟਰੋਲ ਕਰਨ ਤੇ ਦਿਲ ਨੂੰ ਹੈਲਦੀ ਰੱਖਣ ਵਿਚ ਮਦਦ ਕਰਦਾ ਹੈ।
ਜ਼ਿਆਦਾਤਰ ਡੇਅਰੀ ਫ੍ਰੀ ਮਿਲਕ ਵਿਟਾਮਿਨ ਡੀ ਨਾਲ ਰਿਚ ਹੁੰਦੇ ਹਨ। ਇਨ੍ਹਾਂ ਦਾ ਇਸਤੇਮਾਲ ਬੇਕਿੰਗ, ਪਕਾਉਣ ਤੇ ਡ੍ਰਿੰਕਸ ਵਿਚ ਕੀਤਾ ਜਾ ਸਕਦਾ ਹੈ। ਇਹ ਉਨ੍ਹਾਂ ਲੋਕਾਂ ਲਈ ਮਦਦਗਾਰ ਹੈ ਜੋ ਜਾਨਵਰਾਂ ਦਾ ਦੁੱਧ ਨਹੀਂ ਪੀ ਸਕਦੇ ਹਨ ਜਾਂ ਨਹੀਂ ਪੀਣਾ ਚਾਹੁੰਦੇ ਹਨ। ਇਸ ਵਿਚ ਅਕਸਰ ਰੈਗੂਲਰ ਦੁੱਧ ਦੀ ਤੁਲਨਾ ਵਿਚ ਘੱਟ ਕੈਲੋਰੀ ਹੁੰਦੀ ਹੈ।
ਇਹ ਵੀ ਪੜ੍ਹੋ : ਕਿਸਾਨਾਂ ਦੇ ਸਮਰਥਨ ‘ਚ ਆਏ ਸਚਿਨ ਪਾਇਲਟ, ਕਿਹਾ-‘ਕੇਂਦਰ ਕਿਸਾਨਾਂ ਨਾਲ ਗੱਲਬਾਤ ਕਰਕੇ ਸਮੱਸਿਆ ਦਾ ਕੱਢੇ ਹੱਲ ‘
ਬਾਦਾਮ ਦੁੱਧ ਇਕ ਹੈਲਦੀ ਬਦਲ ਹੋ ਸਕਦਾ ਹੈ ਪਰ ਇਹ ਪੋਸ਼ਣ ਦੇ ਮਾਮਲੇ ਵਿਚ ਡੇਅਰੀ ਦੁੱਧ ਦਾ ਪੂਰਾ ਰਿਪਲੇਸਮੈਂਟ ਨਹੀਂ ਹੈ। ਇਹ ਘੱਟ ਕੈਲੋਰੀ ਵਾਲਾ ਹੁੰਦਾ ਹੈ ਤੇ ਲੈਕਟੋਜ ਫ੍ਰੀ ਹੁੰਦਾ ਹੈ ਜੋ ਕੁਝ ਲੋਕਾਂ ਲਈ ਫਾਇਦੇਮੰਦ ਹੋ ਸਕਦਾ ਹੈ। ਹਾਲਾਂਕਿ ਇਹ ਮਹੱਤਵਪੂਰਨ ਹੈ ਕਿ ਤੁਸੀਂ ਬਾਦਾਮ ਦੇ ਦੁੱਧ ਦੇ ਪੋਸ਼ਣ ਸਬੰਧੀ ਜਾਣਕਾਰੀ ਨੂੰ ਸਮਝੋ ਤੇ ਇਸ ਨੂੰ ਆਪਣੀ ਡਾਇਟ ਵਿਚ ਸ਼ਾਮਲ ਕਰਨ ਤੋਂ ਪਹਿਲਾਂ ਕਿਸੇ ਡਾਕਟਰ ਜਾਂ ਡਾਇਟ ਐਕਸਪਰਟ ਤੋਂ ਸਲਾਹ ਲਓ।
ਵੀਡੀਓ ਲਈ ਕਲਿੱਕ ਕਰੋ –
“ਖੁਸ਼ਖਬਰੀ ! ਕੈਨੇਡਾ ਦੇ Student Visa ‘ਚ ਬਦਲਾਅ ਤੋਂ ਬਾਅਦ ਵੀ ਆਸਾਨੀ ਨਾਲ ਜਾ ਸਕਦੇ ਓ ਕੈਨੇਡਾ !”
