ਅੱਜ ਦੇ ਸਮੇਂ ਵਿੱਚ ਪੈਸਾ ਕਮਾਉਣਾ ਕੋਈ ਔਖਾ ਕੰਮ ਨਹੀਂ ਹੈ। ਇੱਥੇ ਬਹੁਤ ਸਾਰੀਆਂ ਅਜੀਬ ਨੌਕਰੀਆਂ ਹਨ, ਜਿਸ ਨੂੰ ਕਰਨ ਦੇ ਬਦਲੇ ਤੁਹਾਨੂੰ ਚੰਗੀ ਤਨਖਾਹ ਮਿਲਦੀ ਹੈ। ਇਹੀ ਕਾਰਨ ਹੈ ਕਿ ਜਦੋਂ ਵੀ ਅਜਿਹੀ ਨੌਕਰੀ ਚਰਚਾ ਵਿੱਚ ਆਉਂਦੀ ਹੈ ਤਾਂ ਤੁਰੰਤ ਵਾਇਰਲ ਹੋ ਜਾਂਦੀ ਹੈ। ਹੁਣ ਇਸ ਤਰ੍ਹਾਂ ਦੀ ਨੌਕਰੀ ਸੁਰਖੀਆਂ ਵਿੱਚ ਹੈ, ਜਿੱਥੇ ਤੁਹਾਨੂੰ ਸਿਰਫ਼ ਇੱਕ ਪਰੀਆਂ ਵਾਂਗ ਤਿਆਰ ਹੋਣਾ ਹੈ ਤੇ ਇਸ ਦੇ ਲਈ ਤੁਹਾਨੂੰ ਲੱਖਾਂ ਰੁਪਏ ਮਿਲਣਗੇ।
ਅਸੀਂ ਸਾਰੇ ਬਚਪਨ ਤੋਂ ਹੀ ਕੋਈ ਨਾ ਕੋਈ ਕਾਰਟੂਨ ਕਿਰਦਾਰ ਪਸੰਦ ਕਰਦੇ ਹਾਂ ਅਤੇ ਹਰ ਕੋਈ ਆਪਣੇ ਮਨਪਸੰਦ ਕਾਰਟੂਨ ਕਿਰਦਾਰਾਂ ਵਾਂਗ ਤਿਆਰ ਹੋਣਾ ਚਾਹੁੰਦੇ ਹਨ। ਲਾਸ ਏਂਜਲਸ ਦੀ ਰਹਿਣ ਵਾਲੀ 27 ਸਾਲਾ ਮਾਇਆ ਬ੍ਰਾਊਨ ਦਾ ਵੀ ਅਜਿਹਾ ਹੀ ਕ੍ਰੇਜ਼ ਹੈ, ਜਿਸ ਕਾਰਨ ਉਸ ਨੇ ਆਪਣੇ ਇਸ ਕ੍ਰੇਜ਼ ਨੂੰ ਕੰਮ ਵਿਚ ਬਦਲ ਲਿਆ ਅਤੇ ਅੱਜ ਉਹ ਇਸ ਤੋਂ ਚੰਗੀ ਕਮਾਈ ਕਰ ਰਹੀ ਹੈ। ਇੱਕ ਵੈਬਸਾਈਟ ਦੀ ਰਿਪੋਰਟ ਮੁਤਾਬਕ ਉਸਨੂੰ ਬਚਪਨ ਤੋਂ ਹੀ ਡਿਜ਼ਨੀ ਦੇ ਕਿਰਦਾਰ ਇੰਨਾ ਪਸੰਦ ਸਨ ਕਿ ਜਦੋਂ ਉਹ ਹਾਈ ਸਕੂਲ ਵਿੱਚ ਸੀ, ਉਸਨੇ ਸੋਚਿਆ ਕਿ ਇੱਕ ਦਿਨ ਉਹ ਇੱਕ ਪ੍ਰੋਫੈਸ਼ਨਲ ਪ੍ਰਿੰਸੇਜ਼ ਬਣ ਜਾਏ। ਸਕੂਲ ਵਿੱਚ ਫੈਂਸੀ ਡਰੈੱਸ ਮੁਕਾਬਲਿਆਂ ਦੌਰਾਨ ਉਹ ਰਾਜਕੁਮਾਰੀ ਵਾਂਗ ਤਿਆਰ ਹੋ ਕੇ ਜਾਂਦੀ ਸੀ।
ਹੁਣ ਉਸਨੇ ਇਸ ਸ਼ੌਕ ਨੂੰ ਆਪਣੇ ਜਨੂੰਨ ਵਿੱਚ ਬਦਲ ਲਿਆ ਹੈ, ਫਰਵਰੀ 2022 ਵਿੱਚ ਮਾਇਆ ਨੇ ਇੱਕ ਅਜਿਹਾ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ ਜਿੱਥੇ ਉਸਨੂੰ ਰਾਜਕੁਮਾਰੀਆਂ ਵਾਂਗ ਤਿਆਰ ਹੋਣਾ ਪੈਂਦਾ ਹੈ ਅਤੇ ਪਰੀ ਵਾਂਗ ਬੱਚਿਆਂ ਦੀਆਂ ਪਾਰਟੀਆਂ ਵਿੱਚ ਜਾਣਾ ਪੈਂਦਾ ਹੈ ਅਤੇ ਉਹਨਾਂ ਦਾ ਮਨੋਰੰਜਨ ਕਰਨਾ ਹੁੰਦਾ ਹੈ। ਇਸ ਕੰਮ ਲਈ ਉਹ ਕਦੇ ਅਲਾਦੀਨ ਕਾਰਟੂਨ ਦੀ ਜੈਸਮੀਨ ਬਣ ਜਾਂਦੀ ਹੈ ਅਤੇ ਕਦੇ ਮੋਆਨਾ ਦਾ ਰੂਪ ਧਾਰ ਲੈਂਦੀ ਹੈ। ਇਸ ਕੰਮ ਲਈ ਤਿਆਰ ਹੋਣ ਵਿਚ ਕਰੀਬ ਇਕ ਘੰਟਾ ਲੱਗਦਾ ਹੈ, ਫਿਰ ਉਹ ਪਰੀਆਂ ਵਰਗੀ ਲੱਗਦੀ ਹੈ।
ਇਹ ਵੀ ਪੜ੍ਹੋ : Online ਕਲਾਸ ਜੁਆਇਨ ਕਰਨਾ ਪਿਆ ਮਹਿੰਗਾ! ਬੰਦੇ ਦੇ ਖਾਤੇ ‘ਚੋਂ ਨਿਕਲੇ ਗਏ 64 ਲੱਖ ਰੁਪਏ
ਰਿਪੋਰਟ ਮੁਤਾਬਕ ਉਹ 1 ਘੰਟੇ ‘ਚ 8 ਹਜ਼ਾਰ ਰੁਪਏ ਤੋਂ ਜ਼ਿਆਦਾ ਕਮਾ ਲੈਂਦੀ ਹੈ। ਉਹ ਇੱਕ ਦਿਨ ਵਿੱਚ ਦੋ ਪਾਰਟੀਆਂ ਵਿੱਚ ਸ਼ਾਮਲ ਹੁੰਦੀ ਹੈ। ਮਾਇਆ ਦਾ ਕਹਿਣਾ ਹੈ ਕਿ ਇਸ ਕੰਮ ਵਿਚ ਉਹ ਬੱਚਿਆਂ ਨਾਲ ਸਮਾਂ ਬਿਤਾਉਂਦੀ ਹੈ ਅਤੇ ਉਨ੍ਹਾਂ ਨਾਲ ਖੇਡਦੀ ਹੈ। ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਮਾਇਆ ਨੇ ਕਿਹਾ ਕਿ ਇਹ ਤਜਰਬਾ ਬਹੁਤ ਖਾਸ ਹੈ ਕਿਉਂਕਿ ਉਹ ਬੱਚੇ ਵੀ ਜੋ ਡਿਜ਼ਨੀਲੈਂਡ ਨਹੀਂ ਜਾ ਸਕਦੇ ਹਨ, ਉਹ ਵੀ ਇਸ ਨੂੰ ਦੇਖ ਸਕਦੇ ਹਨ।
ਵੀਡੀਓ ਲਈ ਕਲਿੱਕ ਕਰੋ -:
