ਭਾਰਤ ਵਿੱਚ ਹਰ ਰੋਜ਼ ਨਵੇਂ ਤਰੀਕਿਆਂ ਨਾਲ ਧੋਖਾਧੜੀ ਕੀਤੀ ਜਾ ਰਹੀ ਹੈ। ਕਦੇ ਨਿਵੇਸ਼ ਦੇ ਨਾਂ ‘ਤੇ ਅਤੇ ਕਦੇ ਕਸਟਮਰ ਕੇਅਰ ਦੇ ਨਾਂ ‘ਤੇ। ਹੁਣ ਧੋਖਾਧੜੀ ਦਾ ਨਵਾਂ ਤਰੀਕਾ ਸਾਹਮਣੇ ਆਇਆ ਹੈ। ਆਨਲਾਈਨ ਕਲਾਸ ਵਿੱਚ ਸ਼ਾਮਲ ਹੋਣਾ ਇੱਕ ਵਿਅਕਤੀ ਨੂੰ ਇੰਨਾ ਮਹਿੰਗਾ ਪਿਆ ਹੈ ਕਿ ਉਸਨੇ ਕਦੇ ਸੋਚਿਆ ਵੀ ਨਹੀਂ ਹੋਵੇਗਾ। ਵਿਅਕਤੀ ਦਾ 64 ਲੱਖ ਰੁਪਏ ਦਾ ਨੁਕਸਾਨ ਹੋਇਆ ਹੈ।
ਆਨਲਾਈਨ ਧੋਖਾਧੜੀ ਦਾ ਇਹ ਤਾਜ਼ਾ ਮਾਮਲਾ ਵਿਸ਼ਾਲਕਸ਼ੀ ਨਗਰ (ਵਿਸ਼ਾਖਾਪਟਨਮ) ਦਾ ਹੈ ਅਤੇ ਇਹ ਧੋਖਾਧੜੀ WhatsApp ਰਾਹੀਂ ਕੀਤੀ ਗਈ ਹੈ। ਰਿਪੋਰਟ ਮੁਤਾਬਕ ਪੀੜਤ ਵਿਅਕਤੀ ਸਟਾਕ ਐਕਸਚੇਂਜ ਨਾਂ ਦੇ ਵ੍ਹਾਟਸਐਪ ਗਰੁੱਪ ਦਾ ਮੈਂਬਰ ਸੀ ਅਤੇ ਇਸੇ ਗਰੁੱਪ ਤੋਂ ਉਸ ਨੂੰ ਸਟਾਕ ਮਾਰਕੀਟ ਵਿੱਚ ਸਰਟੀਫਿਕੇਸ਼ਨ ਅਤੇ ਟਰੇਨਿੰਗ ਕਲਾਸਾਂ ਲਈ ਇੱਕ ਹੋਰ ਗਰੁੱਪ ਵਿੱਚ ਸ਼ਾਮਲ ਕੀਤਾ ਗਿਆ ਸੀ।
ਇਸ ਦੌਰਾਨ ਪੀੜਤ ਤੋਂ ਸਕਿਓਰਿਟੀ ਦੇ ਨਾਂ ‘ਤੇ ਪੈਸੇ ਮੰਗੇ ਗਏ ਅਤੇ ਨਿਵੇਸ਼ ਵੀ ਇਹ ਕਹਿ ਕੇ ਕਰਾਇਆ ਗਿਆ ਕਿ ਦੁੱਗਣਾ ਰਿਟਰਨ ਮਿਲੇਗਾ। ਕਰੀਬ 64 ਲੱਖ ਰੁਪਏ ਨਿਵੇਸ਼ ਕਰਨ ਤੋਂ ਬਾਅਦ ਪੀੜਤ ਨੂੰ ਅਹਿਸਾਸ ਹੋਇਆ ਕਿ ਉਸ ਨਾਲ ਧੋਖਾ ਹੋਇਆ ਹੈ। ਇਸ ਤੋਂ ਬਾਅਦ ਉਸ ਨੇ ਇਸ ਦੀ ਸ਼ਿਕਾਇਤ ਪੁਲਿਸ ਨੂੰ ਕੀਤੀ।
ਇਹ ਵੀ ਪੜ੍ਹੋ : ਰੂਸ ‘ਚ ਫ਼ਸੇ ਪੰਜਾਬੀਆਂ ਨੂੰ ਲਿਆਉਣ ਦੀਆਂ ਕੋਸ਼ਿਸ਼ਾਂ ਸ਼ੁਰੂ, ਮਾਨ ਸਰਕਾਰ ਨੇ ਰਸ਼ੀਆ ਨੂੰ ਲਿਖੀ ਚਿੱਠੀ
ਹਰ ਰੋਜ਼ ਸਰਕਾਰ ਵੱਖ-ਵੱਖ ਚੈਨਲਾਂ ਰਾਹੀਂ ਲੋਕਾਂ ਨੂੰ ਸਕੈਮਾਂ ਬਾਰੇ ਚੇਤਾਵਨੀ ਦੇ ਰਹੀ ਹੈ ਪਰ ਲੋਕ ਨਹੀਂ ਸੁਣ ਰਹੇ। ਪਹਿਲਾਂ ਘੱਟ ਪੜ੍ਹੇ-ਲਿਖੇ ਲੋਕ ਹੀ ਸਕੈਮ ਦਾ ਸ਼ਿਕਾਰ ਹੁੰਦੇ ਸਨ ਪਰ ਆਨਲਾਈਨ ਦੁਨੀਆ ‘ਚ ਸਿਰਫ ਪੜ੍ਹੇ-ਲਿਖੇ ਲੋਕ ਹੀ ਇਸ ਦਾ ਸ਼ਿਕਾਰ ਹੋ ਰਹੇ ਹਨ। ਸਰਕਾਰ ਵਾਰ-ਵਾਰ ਕਹਿ ਰਹੀ ਹੈ ਕਿ ਕਿਸੇ ਅਣਜਾਣ ਲਿੰਕ ‘ਤੇ ਕਲਿੱਕ ਨਾ ਕਰੋ ਅਤੇ ਆਪਣੇ ਫੋਨ ‘ਤੇ ਕੋਈ ਐਪ ਡਾਊਨਲੋਡ ਨਾ ਕਰੋ। ਪੈਸਾ ਲਗਾਉਣ ਦੀ ਗਲਤੀ ਨਾ ਕਰੋ ਪਰ ਲੋਕ ਸਰਕਾਰ ਦੀਆਂ ਗੱਲਾਂ ਨੂੰ ਨਜ਼ਰਅੰਦਾਜ਼ ਕਰਕੇ ਫਿਰ ਘਪਲਿਆਂ ਦਾ ਸ਼ਿਕਾਰ ਹੋ ਰਹੇ ਹਨ।
ਵੀਡੀਓ ਲਈ ਕਲਿੱਕ ਕਰੋ -:
