Hyundai Motor India ਭਾਰਤ ਵਿੱਚ ਬਣੀ ਪਹਿਲੀ ਇਲੈਕਟ੍ਰਿਕ ਕਾਰ ਲਿਆਉਣ ਜਾ ਰਹੀ ਹੈ। ਕੰਪਨੀ ਦਾ ਟੀਚਾ ਸਾਲ 2030 ਤੱਕ ਪੰਜ ਮੇਡ ਇਨ ਇੰਡੀਆ ਹੁੰਡਈ EV ਲਾਂਚ ਕਰਨ ਦਾ ਹੈ। ਪਹਿਲੀ ਮੇਡ ਇਨ ਇੰਡੀਆ Hyundai EV ਸਾਲ 2025 ‘ਚ ਭਾਰਤੀ ਬਾਜ਼ਾਰ ‘ਚ ਐਂਟਰੀ ਕਰੇਗੀ। ਕੋਰੀਅਨ ਕਾਰ ਨਿਰਮਾਣ ਕੰਪਨੀ ਚੇਨਈ ਦੇ ਨੇੜੇ ਤਾਮਿਲਨਾਡੂ ਵਿੱਚ ਇੱਕ ਕਾਰ ਨਿਰਮਾਣ ਯੂਨਿਟ ਸਥਾਪਤ ਕਰੇਗੀ। ਇਸ ਤੋਂ ਇਲਾਵਾ ਕੰਪਨੀ ਈਵੀ ਚਾਰਜਿੰਗ ਸਟੇਸ਼ਨਾਂ ਦੀ ਗਿਣਤੀ ਵਧਾਉਣ ‘ਤੇ ਵੀ ਧਿਆਨ ਦੇ ਰਹੀ ਹੈ।
India HyundaiEV launch 2025
ਹੁੰਡਈ ਮੋਟਰ ਇੰਡੀਆ ਦੀ ਪਹਿਲੀ ਮੇਡ ਇਨ ਇੰਡੀਆ ਇਲੈਕਟ੍ਰਿਕ ਕਾਰ ਕ੍ਰੇਟਾ EV ਹੋ ਸਕਦੀ ਹੈ। ਇਸ ਕਾਰ ਨੂੰ ਕਈ ਵਾਰ ਟੈਸਟਿੰਗ ਦੌਰਾਨ ਦੇਖਿਆ ਜਾ ਚੁੱਕਾ ਹੈ। Hyundai Creta ਕੰਪਨੀ ਦੇ ਪ੍ਰਸਿੱਧ ਮਾਡਲਾਂ ਵਿੱਚੋਂ ਇੱਕ ਹੈ। ਇਸ ਦੇ ਨਾਲ ਹੀ Creta EV ਵੀ ਬਿਹਤਰ ਸਾਬਤ ਹੋ ਸਕਦੀ ਹੈ। ਇਸ ਕਾਰ ਦੇ ਸਪੈਸੀਫਿਕੇਸ਼ਨ ਬਾਰੇ ਅਜੇ ਤੱਕ ਕੋਈ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ। ਪਰ ਹੁੰਡਈ ਦੀ ਇਹ ਇਲੈਕਟ੍ਰਿਕ ਕਾਰ ਸਿੰਗਲ ਚਾਰਜਿੰਗ ‘ਚ 400 ਤੋਂ 500 ਕਿਲੋਮੀਟਰ ਦੀ ਰੇਂਜ ਦੇ ਸਕਦੀ ਹੈ। ਭਾਰਤੀ ਬਾਜ਼ਾਰ ‘ਚ ਇਲੈਕਟ੍ਰਿਕ ਕਾਰਾਂ ਦੀ ਮੰਗ ਵਧਦੀ ਨਜ਼ਰ ਆ ਰਹੀ ਹੈ। ਹੁੰਡਈ ਦੇ ਨਾਲ, Kia ਭਾਰਤ ਵਿੱਚ ਮੇਡ ਇਨ ਇੰਡੀਆ ਇਲੈਕਟ੍ਰਿਕ ਕਾਰ ਵੀ ਲਾਂਚ ਕਰੇਗੀ। Kia Seltos EV ਨੂੰ ਵੀ ਟੈਸਟਿੰਗ ਦੌਰਾਨ ਦੇਖਿਆ ਗਿਆ ਹੈ। ਹੁੰਡਈ ਅਤੇ ਕੀਆ ਦੋਵਾਂ ਕੰਪਨੀਆਂ ਦੀਆਂ ਇਲੈਕਟ੍ਰਿਕ ਕਾਰਾਂ ਵਿੱਚ ਬਿਹਤਰ ਪਾਵਰਟ੍ਰੇਨਾਂ ਦੀ ਵਰਤੋਂ ਕੀਤੀ ਜਾ ਸਕਦੀ ਹੈ। ਨਾਲ ਹੀ, ਇਹ ਕਾਰਾਂ ਸ਼ਕਤੀਸ਼ਾਲੀ ਬੈਟਰੀ ਪੈਕ ਦੇ ਨਾਲ ਮਾਰਕੀਟ ਵਿੱਚ ਆ ਸਕਦੀਆਂ ਹਨ।
Hyundai Creta EV ਅਤੇ Kia Seltos EV ਦੋਵੇਂ 20 ਲੱਖ ਰੁਪਏ ਤੋਂ 30 ਲੱਖ ਰੁਪਏ ਦੀ ਰੇਂਜ ਵਿੱਚ ਆ ਸਕਦੇ ਹਨ। ਇਹ ਕਾਰ ਭਾਰਤੀ ਬਾਜ਼ਾਰ ‘ਚ ਮੌਜੂਦ ਇਲੈਕਟ੍ਰਿਕ ਕਾਰਾਂ ਨੂੰ ਜ਼ਬਰਦਸਤ ਮੁਕਾਬਲਾ ਦੇ ਸਕਦੀ ਹੈ। ਮੌਜੂਦਾ ਸਮੇਂ ‘ਚ ਟਾਟਾ, MG ਵਰਗੀਆਂ ਕਈ ਵੱਡੀਆਂ ਕੰਪਨੀਆਂ ਦੀਆਂ ਇਲੈਕਟ੍ਰਿਕ ਕਾਰਾਂ ਭਾਰਤੀ ਬਾਜ਼ਾਰ ‘ਚ ਉਪਲਬਧ ਹਨ।
ਵੀਡੀਓ ਲਈ ਕਲਿੱਕ ਕਰੋ -:
