ਗੈਸ ਤੇ ਐਸੀਡਿਟੀ ਦੀ ਸਮੱਸਿਆ ਬਹੁਤ ਆਮ ਹੈ। ਜ਼ਿਆਦਾਤਰ ਲੋਕ ਕਦੇ ਨਾ ਕਦੇ ਇਨ੍ਹਾਂ ਪ੍ਰੇਸ਼ਾਨੀਆਂ ਨਾਲ ਜੂਝਦੇ ਹਨ। ਕਈ ਵਾਰ ਲੋਕ ਗੈਸ-ਐਸੀਡਿਟੀ ਤੋਂ ਰਾਹਤ ਪਾਉਣ ਲਈ ਕੋਲਡ ਡ੍ਰਿੰਕ ਪੀਣਾ ਪਸੰਦ ਕਰਦੇ ਹਨ। ਜ਼ਿਆਦਾਤਰ ਲੋਕ ਮੰਨਦੇ ਹਨ ਕਿ ਕੋਲਡ ਡ੍ਰਿੰਕਸ ਪੀਣ ਨਾਲ ਗੈਸ-ਐਸੀਡਿਟੀ ਤੋਂ ਤੁਰੰਤ ਰਾਹਤ ਮਿਲ ਜਾਵੇਗੀ। ਦਰਅਸਲ ਕੋਲਡ ਡ੍ਰਿੰਕ ਪੀਣ ਦੇ ਬਾਅਦ ਡਕਾਰ ਆਉਂਦੀ ਹੈ ਤੇ ਲੋਕ ਇਸ ਨੂੰ ਰਾਹਤ ਮੰਨ ਲੈਂਦੇ ਹਨ। ਜੇਕਰ ਤੁਸੀਂ ਵੀ ਅਜਿਹਾ ਕਰਦੇ ਹੋ ਤਾਂ ਸਾਵਧਾਨ ਹੋਣ ਦੀ ਲੋੜ ਹੈ। ਹੈਲਥ ਮਾਹਿਰਾਂ ਦੀ ਮੰਨੀਏ ਤਾਂ ਕੋਲਡ ਡ੍ਰਿੰਕ ਗੈਸ-ਐਸੀਡਿਟੀ ਤੋਂ ਰਾਹਤ ਨਹੀਂ ਦਿੰਦੀ ਕਿਉਂਕਿ ਉਸ ਵਿਚ ਕੁਝ ਵੀ ਫਾਇਦੇਮੰਦ ਨਹੀਂ ਹੁੰਦਾ। ਇਸ ਨਾਲ ਸਮੱਸਿਆ ਵਧ ਜ਼ਰੂਰ ਸਕਦੀ ਹੈ।
ਡਾਕਟਰਾਂ ਮੁਤਾਬਕ ਗੈਸ ਤੇ ਐਸੀਡਿਟੀ ਤੋਂ ਰਾਹਤ ਪਾਉਣ ਲਈ ਕੋਲਡ ਡ੍ਰਿੰਕਸ ਨਹੀਂ ਪੀਣੀ ਚਾਹੀਦੀ। ਦਰਅਸਲ ਇਨ੍ਹਾਂ ਡ੍ਰਿੰਕਸ ਵਿਚ ਹੱਦ ਤੋਂ ਵੱਧ ਸ਼ੂਗਰ ਤੇ ਕਾਰਬਨ ਡਾਈਆਕਸਾਈਡ ਹੁੰਦੀ ਹੈ। ਇਸ ਵਿਚ ਕਈ ਤਰ੍ਹਾਂ ਦੇ ਐਸਿਡ, ਫਲੇਵਰਸ ਤੇ ਹੋਰ ਕੈਮੀਕਲਸ ਵੀ ਮਿਲਾਏ ਜਾਂਦੇ ਹਨ ਜਿਸ ਦਾ ਸੇਵਨ ਕਰਨਾ ਪੇਟ ਤੇ ਲੀਵਰ ਲਈ ਠੀਕ ਨਹੀਂ ਹੁੰਦਾ ਹੈ। ਲੰਬੇ ਸਮੇਂ ਤੱਕ ਕੋਲਡ ਡ੍ਰਿੰਕਸ ਦਾ ਸੇਵਨ ਗੈਸ ਤੇ ਐਸੀਡਿਟੀ ਦੀ ਸਮੱਸਿਆ ਨੂੰ ਵਧਾ ਸਕਦਾ ਹੈ। ਇਸ ਤੋਂ ਇਲਾਵਾ ਇਸ ਨਾਲ ਫੈਟੀ ਲੀਵਰ ਦੀ ਪ੍ਰੇਸ਼ਾਨੀ ਵੀ ਹੋ ਸਕਦੀ ਹੈ।
ਐਸੀਡਿਟੀ ਉਦੋਂ ਹੁੰਦੀ ਹੈ ਜਦੋਂ ਪੇਟ ਵਿਚ ਜਿਆਦਾ ਐਸਿਡ ਬਣਦਾ ਹੈ ਜੋ ਛਾਤੀ ਵਿਚ ਜਲਨ ਦਾ ਕਾਰਨ ਬਣਦਾ ਹੈ। ਇਹ ਗੈਸਟ੍ਰੋਇਸੋਫੇਜੀਅਲ ਰਿਫਲਕਸ ਬੀਮਾਰੀ ਦਾ ਰੂਪ ਵੀ ਲੈ ਸਕਦਾ ਹੈ ਜਿਥੇ ਪੇਟ ਦਾ ਐਸਿਡ ਗਲੇ ਤੱਕ ਆ ਜਾਂਦਾ ਹੈ। ਗੈਸ ਦੀ ਸਮੱਸਿਆ ਉਦੋਂ ਹੁੰਦੀ ਹੈ ਜਦੋਂ ਪੇਟ ਵਿਚ ਹਵਾ ਜਾਂ ਗੈਸ ਜਮ੍ਹਾ ਹੋ ਜਾਂਦੀ ਹੈ ਜਿਸ ਨਾਲ ਸੋਜਿਸ਼ ਤੇ ਅਸੁਵਿਧਾ ਹੁੰਦੀ ਹੈ। ਇਹ ਦੋਵੇਂ ਸਮੱਸਿਆਵਾਂ ਖਾਣ-ਪੀਣ, ਤਣਾਅ ਜਾਂ ਗਲਤ ਆਦਤਾਂ ਨਾਲ ਜੁੜੀਆਂ ਹੁੰਦੀਆਂ ਹਨ। ਕੋਲਡ ਡ੍ਰਿੰਕ ਵਿਚ ਮੌਜੂਦ ਕਾਰਬੋਨੇਸ਼ਨ ਤੇ ਐਸੀਡਿਕ ਤੱਤ ਇਨ੍ਹਾਂ ਸਮੱਸਿਆਵਾਂ ਨੂੰ ਘੱਟ ਕਰਨ ਦੀ ਬਜਾਏ ਵਧਾ ਸਕਦੇ ਹਨ। ਕਾਰਬੋਨੇਟੇਡ ਡ੍ਰਿੰਕਸ ਪੇਟ ਵਿਚ ਬੁਲਬੁਲੇ ਬਣਾਉਂਦੀ ਹੈ ਜੋ ਦਬਾਅ ਵਧਾ ਕੇ ਐਸਿਡ ਨੂੰ ਉਪਰ ਵੱਲ ਧਕੇਲ ਸਕਦੀ ਹੈ।
ਡਾਕਟਰ ਕਹਿੰਦੇ ਹਨ ਕਿ ਰੈਗੂਲਰ ਕੋਲਡ ਡ੍ਰਿੰਕ ਪੀਣ ਨਾਲ ਪਾਚਣ ਪ੍ਰਣਾਲੀ ਵਿਗੜ ਸਕਦੀ ਹੈ। ਐਸਿਡ ਲੈਵਲ ਵਧ ਸਕਦਾ ਹੈ। ਗੈਸ ਤੇ ਬਲੋਟਿੰਗ ਵਰਗੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ। ਸ਼ੂਗਰੀ ਡ੍ਰਿੰਕਸ ਅਪਸੈਟ ਸਟਮਕ ਲਈ ਕੋਈ ਮਦਦ ਨਹੀਂ ਕਰਦੀ ਹੈ ਸਗੋਂ ਕਈ ਬੀਮਾਰੀਆਂ ਨੂੰ ਬਦਤਰ ਬਣਾ ਸਕਦੀ ਹੈ। ਮਾਹਿਰ ਸਲਾਹ ਦਿੰਦੇ ਹਨ ਕਿ ਗੈਸ ਤੇ ਐਸੀਡਿਟੀ ਤੋਂ ਰਾਹਤ ਪਾਉਣ ਲਈ ਕੋਲਡ ਡ੍ਰਿੰਕਸ ਦੀ ਬਜਾਏ ਸਾਦਾ ਪਾਣੀ, ਹਰਬਲ ਟੀਮ, ਜਿੰਜਰ ਟੀ, ਲੋ ਫੈਟ ਮਿਲਕ ਜਾਂ ਨਾਨ-ਐਸੀਡਿਕ ਜੂਸ ਪੀਓ। ਇਸ ਤੋਂ ਇਲਾਵਾ ਆਪਣੇ ਲਾਈਫ ਸਟਾਈਲ ਵਿਚ ਸੁਧਾਰ ਕਰੋ। ਦਿਨ ਵਿਚ ਛੋਟੇ-ਛੋਟੇ ਮੀਲਸ ਲਓ ਤੇ ਤਣਾਅ ਘੱਟ ਕਰੋ। ਜੇਕਰ ਸਮੱਸਿਆ ਜ਼ਿਆਦਾ ਹੈ ਤਾਂ ਡਾਕਟਰ ਨੂੰ ਮਿਲ ਕੇ ਜਾਂਚ ਕਰਾਓ।
ਵੀਡੀਓ ਲਈ ਕਲਿੱਕ ਕਰੋ -:
