ਗਾਇਕਾ ਸੁਨੰਦਾ ਸ਼ਰਮਾ ਆਪਣੇ ਮੋਹਾਲੀ ਕੰਸਰਟ ਦੌਰਾਨ ਪਹਿਲੀ ਵਾਰ ਆਪਣੀ ਮਾਂ ਨੂੰ ਸਟੇਜ ‘ਤੇ ਲੈ ਕੇ ਆਈ। ਉਸ ਨੇ ਆਪਣੀ ਮਾਂ ਨੂੰ ਦਰਸ਼ਕਾਂ ਦੇ ਮੋਬਾਈਲ ਫੋਨ ਦੀਆਂ ਫਲੈਸ਼ਲਾਈਟਾਂ ਦੀ ਰੌਸ਼ਨੀ ਦਿਖਾਈ ਅਤੇ ਕਿਹਾ ਕਿ “ਮੰਮੀ, ਮੈਂ ਇਹ ਹਰ ਰੋਜ਼ ਕਰਦੀ ਹਾਂ। ਦੇਖੋ, ਇਹ ਬਹੁਤ ਸੁੰਦਰ ਹੈ।”
ਸੁਨੰਦਾ ਆਪਣੀ ਮਾਂ ਨੂੰ ਆਪਣੇ ਨਾਲ ਸਟੇਜ ‘ਤੇ ਦੇਖ ਕੇ ਬਹੁਤ ਭਾਵੁਕ ਅਤੇ ਖੁਸ਼ ਸੀ। ਉਸ ਨੇ ਪ੍ਰਸ਼ੰਸਕਾਂ ਦਾ ਧੰਨਵਾਦ ਕੀਤਾ ਅਤੇ ਕਿਹਾ ਕਿ ਉਹ ਬਹੁਤ ਖੁਸ਼ਕਿਸਮਤ ਮਹਿਸੂਸ ਕਰ ਰਹੀ ਹੈ ਕਿ ਉਸ ਨੂੰ ਆਪਣੀ ਮਾਂ ਨੂੰ ਇਹ ਨਜ਼ਾਰਾ ਦਿਖਾਉਣ ਦਾ ਮੌਕਾ ਮਿਲਿਆ।
ਦੱਸ ਦੇਈਏ ਕਿ ਗਾਇਕਾ ਸੁਨੰਦਾ ਸ਼ਰਮਾ ਬੁੱਧਵਾਰ ਰਾਤ ਨੂੰ ਮੋਹਾਲੀ ਦੇ ਇੱਕ ਕਾਲਜ ਵਿੱਚ ਆਯੋਜਿਤ “ਪਰਿਵਰਤਨ 2K26: ਹੈਰੀਟੇਜ ਟੂ ਹੋਰਾਈਜ਼ਨ” ਫੈਸਟ ਵਿੱਚ ਪ੍ਰਦਰਸ਼ਨ ਕਰ ਰਹੀ ਸੀ।
ਗਾਇਕਾ ਸੁਨੰਦਾ ਸ਼ਰਮਾ ਨੇ ਕਿਹਾ ਕਿ “ਚੰਗਾ ਸਾਰੇ ਲੋਕ ਜ਼ਰਾ ਆਪਣੇ ਫੋਨ ਦੀ ਫਲੈਸ਼ਲਾਈਟ ਆਨ ਕਰੋ। ਮੈਨੂੰ ਇਨ੍ਹਾਂ ਨੂੰ ਵਿਖਾਉਣਾ ਹੈ ਕਿ ਇਥੋਂ ਕਿਹੋ ਜਿਹਾ ਨਜ਼ਾਰਾ ਦਿਸਦਾ ਹੈ। ਓਏ ਹੋਏ, ਓਏ ਹੋਏ! ਇੱਕ ਵਾਰ ਦੇਖੋ। ਕਿਨਾ ਖੂਬਸੂਰਤ ਹੈ। ਸ਼ੁਕਰੀਆ ਸ਼ੁਕਰੀਆ, ਸ਼ਕਰੀਆ।
ਸਿੰਗਰ ਅੱਗੇ ਕਹਿੰਦੀ ਹੈ, ਓਹ ਮਾਏ ਗੌਡ, ਮੈਂ ਬਹੁਤ ਖੁਸ਼ਨਸੀਬ ਹਾਂ ਕਿ ਮੈਂ ਇਨ੍ਹਾਂ ਨੂੰ ਇਹ ਨਜ਼ਾਰਾ ਦਿਖਾ ਸਕੀ। ਦੇਖੋ, ਕਿੰਨਾ ਸੁੰਦਰ ਹੈ। ਮੰਮੀ ਮੇਰਾ ਕੰਮ ਇਹੀ ਹੈ। ਮੈਂ ਰੋਜ਼ ਇਹੀ ਕਰਦੀ ਹਾਂ। ਠੀਕ ਹੈ ਬਸ ਕੁਝ ਗਾਣੇ ਗਾਉਣ ਦਿਓ। ਚਲੋ, ਤੁਹਾਡਾ ਸਾਰਿਆਂ ਦਾ ਬਹੁਤ-ਬਹੁਤ ਸ਼ੁਕਰੀਆ।
ਇਹ ਵੀ ਪੜ੍ਹੋ : 36 ਘੰਟੇ ਚੱਲੀ ED ਦੀ ਰੇਡ ਖਤਮ, ‘ਆਪ’ ਵਿਧਾਇਕਾ ਅਮਨਦੀਪ ਕੌਰ ਨੇ ਕੀਤਾ ਵੱਡਾ ਖੁਲਾਸਾ
ਪ੍ਰੋਗਰਾਮ ਦੌਰਾਨ ਸੁਨੰਦਾ ਆਪਣੇ ਪਾਲਤੂ ਡੌਗ ਚੀਚੀ ਬਾਬਾ ਨੂੰ ਆਪਣੀ ਗੋਦੀ ਵਿੱਚ ਲੈ ਕੇ ਸਟੇਜ ‘ਤੇ ਪਹੁੰਚੀ। ਉਸ ਨੇ ਦਰਸ਼ਕਾਂ ਤੋਂ ਪੁੱਛਿਆ ਕਿ ਕੀ ਉਹ ਚੀਚੀ ਬਾਬਾ ਨੂੰ ਜਾਣਦੇ ਹਨ। ਇਸ ‘ਤੇ ਭੀੜ ਨੇ ਸ਼ੋਰ ਮਚਾ ਕੇ ਪ੍ਰਤੀਕਿਰਿਆ ਦਿੱਤੀ।
ਸੁਨੰਦਾ ਨੇ ਮਜ਼ਾਕੀਆ ਅੰਦਾਜ਼ ਵਿਚ ਕਿਹਾ ਕਿ ਚੀਚੀ ਬਾਬਾ ਸਿਰਫ ਕੁੜੀਆਂ ਵੱਲ ਦੇਖ ਰਿਹਾ ਹੈ, ਕਿਉਂਕਿ ਕੁੜੀਆਂ ਇਸੇ ਵੱਲ ਮੌਜੂਦ ਹਨ। ਉਨ੍ਹਾਂ ਦੀ ਇਸ ਗੱਲ ‘ਤੇ ਦਰਸ਼ਕਾਂ ਨੇ ਹੂਟਿੰਗ ਕੀਤੀ। ਸੁਨੰਦਾ ਦੇ ਇਹ ਦੋਵੇਂ ਖਾਸ ਪਲ ਆਕਰਸ਼ਣ ਦਾ ਕੇਂਦਰ ਰਹੇ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
