ਲੁਧਿਆਣਾ ਦੇ ਦੁੱਗਰੀ ਇਲਾਕੇ ਵਿੱਚ ਸਥਿਤ ਕਰਨੈਲ ਸਿੰਘ ਨਗਰ ਫੇਜ਼-3 ਵਿੱਚ ਅੱਜ ਸਵੇਰੇ ਚੋਰੀ ਦੀ ਘਟਨਾ ਵਾਪਰੀ। ਚੋਰ ਲੇਨ ਨੰਬਰ 14 ਦੇ ਇੱਕ ਘਰ ਵਿੱਚ ਦਾਖਲ ਹੋਏ ਅਤੇ ਲੱਖਾਂ ਰੁਪਏ ਦੇ ਗਹਿਣੇ ਅਤੇ ਨਕਦੀ ਲੈ ਕੇ ਫਰਾਰ ਹੋ ਗਏ। ਪਰਿਵਾਰ ਦਾ ਦਾਅਵਾ ਹੈ ਕਿ ਲਗਭਗ 20 ਤੋਂ 30 ਲੱਖ ਰੁਪਏ ਦਾ ਨੁਕਸਾਨ ਹੋਇਆ ਹੈ। ਉਨ੍ਹਾਂ ਨੇ ਘਰ ਵਿੱਚੋਂ 3 ਤੋਂ 4 ਲੱਖ ਰੁਪਏ ਨਕਦੀ ਅਤੇ 25 ਤੋਂ 30 ਤੋਲੇ ਸੋਨਾ ਚੋਰੀ ਕਰ ਲਿਆ।
ਪੀੜਤ ਰਾਜਿੰਦਰ ਸ਼ਰਮਾ ਨੇ ਦੱਸਿਆ ਕਿ ਸੀਸੀਟੀਵੀ ਫੁਟੇਜ ਮੁਤਾਬਕ ਚੋਰ ਅੱਜ ਸਵੇਰੇ 4:20 ਵਜੇ ਗਲੀ ਵਿੱਚ ਦਾਖਲ ਹੋਏ। ਦੋ ਬਦਮਾਸ਼ਾਂ ਨੇ ਇਸ ਵਾਰਦਾਤ ਨੂੰ ਅੰਜਾਮ ਦਿੱਤਾ। ਇੱਕ ਘਰ ਵਿੱਚ ਦਾਖਲ ਹੋਇਆ ਜਦੋਂ ਕਿ ਦੂਜੇ ਨੇ ਗਲੀ ਵਿਚ ਘੁੰਮ ਕੇ ਰੇਕੀ ਕੀਤੀ। ਰਾਜਿੰਦਰ ਮੁਤਾਬਕ ਉਸਦੇ ਵੱਡੇ ਪੁੱਤਰ ਦੀ ਮੰਗਣੀ ਹੋਈ ਸੀ ਅਤੇ ਹੁਣ ਉਹ ਵਿਆਹ ਦੀਆਂ ਤਿਆਰੀਆਂ ਕਰ ਰਹੇ ਸਨ।
ਉਸ ਨੇ ਦੱਸਿਆ ਕਿ ਉਸ ਦੀ ਪਤਨੀ ਦੇ ਗਹਿਣੇ ਅਤੇ ਵਿਆਹ ਲਈ ਬਣਾਏ ਗਏ ਗਹਿਣੇ ਸਾਰੇ ਇਕੱਠੇ ਰੱਖੇ ਹੋਏ ਸਨ। ਬਾਕੀ ਸਾਰੇ ਹੇਠਾਂ ਸੁੱਤੇ ਹੋਏ ਸਨ। ਮੇਰੀ ਪਤਨੀ ਅਤੇ ਪੁੱਤਰ ਉੱਪਰ ਸੌਂ ਰਹੇ ਸਨ। ਇੱਕ ਸਕਿਓਰਿਟੀ ਗਾਰਡ ਵੀ ਰੱਖਿਆ ਹੋਇਆ ਸੀ ਇਸ ਲਈ ਅਸੀਂ ਨਿਸ਼ਚਿੰਤ ਸੀ ਪਰ ਫਿਰ ਵੀ ਚੋਰੀ ਫਿਰ ਹੋ ਗਈ।
ਉਸ ਨੇ ਕਿਹਾ ਕਿ ਚੋਰ ਉਸ ਦੀ ਜਿੰਦਗੀ ਭਰ ਦੀ ਕਮਾਈ ਲੈ ਗਏ। ਗਲੀ ਵਿੱਚ ਪਹਿਲਾਂ ਵੀ ਕਈ ਚੋਰੀਆਂ ਹੋਈਆਂ ਸਨ, ਜਿਸ ਕਾਰਨ ਉਨ੍ਹਾਂ ਨੇ ਇੱਕ ਗਾਰਡ ਨੂੰ ਨੌਕਰੀ ‘ਤੇ ਰੱਖਿਆ ਸੀ। ਪੁਲਿਸ ਹੁਣ ਗਾਰਡ ਤੋਂ ਪੁੱਛਗਿੱਛ ਕਰ ਰਹੀ ਹੈ। ਚੋਰਾਂ ਨੇ ਗਾਰਡ ਨੂੰ ਦੱਸਿਆ ਕਿ ਉਹ ਉੱਥੇ ਟੈਂਟ ਲਗਾਉਣ ਲਈ ਆਏ ਸਨ ਕਿਉਂਕਿ ਗੁਆਂਢ ਵਿੱਚ ਇੱਕ ਵਿਆਹ ਸੀ।
ਇਹ ਘਟਨਾ ਸੀਸੀਟੀਵੀ ਵਿੱਚ ਵੀ ਕੈਦ ਹੋ ਗਈ। ਚੋਰ ਸਵੇਰੇ-ਸਵੇਰੇ ਗੁਆਂਢੀਆਂ ਦੇ ਮਕਾਨ ਵੱਲੋਂ ਘਰ ਵਿਚ ਦਾਖਲ ਹੋਏ ਤੇ ਅਲਮਾਰੀ ਤੇ ਦਰਾਜਾਂ ਵਿਚ ਰੱਖੇ ਗਹਿਣੇ ਤੇ ਨਕਦੀ ਕੱਢੀ।
ਇਹ ਵੀ ਪੜ੍ਹੋ : ਫ਼ਰੀਦਕੋਟ ’ਚ 3 ਸਕੂਲ-ਕਾਲਜਾਂ ਨੂੰ ਮਿਲੀ ਬੰਬ ਨਾਲ ਉਡਾਉਣ ਦੀ ਧਮਕੀ, ਪਈਆਂ ਭਾਜੜਾਂ
ਪਰਿਵਾਰ ਅਤੇ ਆਸ-ਪਾਸ ਲੱਗੇ ਸੀਸੀਟੀਵੀ ਕੈਮਰਿਆਂ ਦੀ ਜਾਂਚ ਤੋਂ ਪਤਾ ਲੱਗਾ ਕਿ ਇਸ ਅਪਰਾਧ ਵਿੱਚ ਦੋ ਲੋਕ ਸ਼ਾਮਲ ਸਨ। ਇੱਕ ਦੋਸ਼ੀ ਘਰ ਦੇ ਬਾਹਰ ਖੜ੍ਹਾ ਰਹਿ ਕੇ ਨਿਗਰਾਨੀ ਕਰ ਰਿਹਾ ਸੀ, ਜਦੋਂ ਕਿ ਦੂਜਾ ਚੋਰੀ ਕਰਨ ਲਈ ਅੰਦਰ ਸੀ।
ਘਟਨਾ ਦੀ ਜਾਣਕਾਰੀ ਮਿਲਣ ‘ਤੇ ਦੁੱਗਰੀ ਥਾਣੇ ਦੀ ਪੁਲਿਸ ਮੌਕੇ ‘ਤੇ ਪਹੁੰਚੀ। ਸਬ-ਇੰਸਪੈਕਟਰ ਸੁਖਦੇਵ ਰਾਜ ਮੁਤਾਬਕ ਉਨ੍ਹਾਂ ਨੇ ਇਲਾਕੇ ਤੋਂ ਸੀਸੀਟੀਵੀ ਫੁਟੇਜ ਜ਼ਬਤ ਕਰ ਲਈ ਹੈ ਅਤੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਫੁਟੇਜ ਦੇ ਆਧਾਰ ‘ਤੇ, ਦੋਸ਼ੀ ਦੀ ਪਛਾਣ ਕਰਕੇ ਜਲਦੀ ਹੀ ਗ੍ਰਿਫ਼ਤਾਰ ਕਰ ਲਿਆ ਜਾਵੇਗਾ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
