ਲੁਧਿਆਣਾ ਵਿੱਚ ਆਰਥਿਕ ਤੰਗੀ ਤੇ ਕਰਜੇ ਨਾਲ ਜੂਝ ਰਹੇ ਬਜ਼ੁਰਗ ਬੰਦੇ ਦੀ ਕਿਸਮਤ 24 ਘੰਟਿਆਂ ਵਿਚ ਬਦਲ ਗਈ ਤੇ ਉਹ ਰਾਤੋ-ਰਾਤ ਲਖਪਤੀ ਬਣ ਗਿਆ। ਰਾਜਸਥਾਨ ਦੇ ਜੋਧਪੁਰ ਦੇ ਰਹਿਣ ਵਾਲੇ ਭੋਜਰਾਜ (61) ਨੇ ਲੁਧਿਆਣਾ ਵਿਚ 15 ਲੱਖ ਰੁਪਏ ਦੀ ਲਾਟਰੀ ਦਾ ਇਨਾਮ ਜਿੱਤਿਆ ਹੈ। ਲੁਧਿਆਣਾ ਵਿੱਚ ਪੱਥਰ ਮਿਸਤਰੀ ਵਜੋਂ ਕੰਮ ਕਰਨ ਵਾਲੇ ਭੋਜਰਾਜ ਨੇ ਸਿਰਫ 50 ਰੁਪਏ ਵਿੱਚ ਲਾਟਰੀ ਟਿਕਟ ਖਰੀਦੀ ਸੀ।
ਭੋਜਰਾਜ ਦਾ ਪਰਿਵਾਰ ਵੱਡਾ ਹੈ। ਉਸਦੇ ਸੱਤ ਬੱਚੇ ਹਨ, ਪੰਜ ਮੁੰਡੇ ਅਤੇ ਦੋ ਕੁੜੀਆਂ। ਚਾਰ ਵਿਆਹੇ ਹੋਏ ਹਨ, ਜਦੋਂ ਕਿ ਤਿੰਨ ਕੁਆਰੇ ਹਨ। ਭੋਜਰਾਜ ਨੇ ਆਪਣੀਆਂ ਦੋ ਧੀਆਂ ਦੇ ਵਿਆਹ ਅਤੇ ਘਰੇਲੂ ਖਰਚਿਆਂ ਨੂੰ ਪੂਰਾ ਕਰਨ ਲਈ ਇੱਕ ਵੱਡਾ ਬੈਂਕ ਲੋਨ ਲਿਆ ਸੀ। ਉਸ ਉੱਤੇ ਕੁੱਲ 25 ਲੱਖ ਰੁਪਏ ਦਾ ਕਰਜ਼ਾ ਸੀ।
ਦਿਨ-ਰਾਤ ਪੱਥਰ ਪੀਸ ਕੇ ਅਤੇ ਚਿਣਾਈ ਕਰਕੇ ਬਜ਼ੁਰਗ ਭੋਜਰਾਜ ਆਪਣੇ ਪਰਿਵਾਰ ਦਾ ਪੇਟ ਭਰਨ ਲਈ ਮੁਸ਼ਕਿਲ ਦਾ ਸਾਹਮਣਾ ਕਰ ਰਿਹਾ ਸੀ। ਇਸ ਮਾਮੂਲੀ ਆਮਦਨ ਨਾਲ ਆਪਣੇ ਵੱਡੇ ਬੈਂਕ ਕਰਜ਼ੇ ਦਾ ਭੁਗਤਾਨ ਕਰਨਾ ਲਗਭਗ ਨਾਮੁਮਕਿਨ ਸੀ, ਜਿਸ ਕਾਰਨ ਪੂਰਾ ਪਰਿਵਾਰ ਭਾਰੀ ਮਾਨਸਿਕ ਤਣਾਅ ਵਿੱਚ ਰਹਿ ਰਿਹਾ ਸੀ।
ਭੋਜਰਾਜ ਅਕਸਰ ਯੂਟਿਊਬ ਅਤੇ ਸੋਸ਼ਲ ਮੀਡੀਆ ‘ਤੇ ਲਾਟਰੀ ਜਿੱਤਣ ਵਾਲੇ ਲੋਕਾਂ ਦੀਆਂ ਵੀਡੀਓਜ਼ ਦੇਖਦਾ ਸੀ। ਵੀਡੀਓਜ਼ ਨੇ ਇੱਕ ਉਮੀਦ ਜਗਾਈ ਕਿ ਸ਼ਾਇਦ ਉਸਦੀ ਗਰੀਬੀ ਦੂਰ ਹੋ ਸਕਦੀ ਹੈ। ਇਸ ਵਿਸ਼ਵਾਸ ਨਾਲ ਉਸਨੇ ਪਿਛਲੇ ਦੋ ਮਹੀਨਿਆਂ ਤੋਂ ਨਿਯਮਿਤ ਤੌਰ ‘ਤੇ ਲਾਟਰੀ ਟਿਕਟਾਂ ਖਰੀਦਣੀਆਂ ਸ਼ੁਰੂ ਕਰ ਦਿੱਤੀਆਂ। ਉਸ ਨੇ ਪਹਿਲਾਂ ਪੰਜ ਤੋਂ ਸੱਤ ਵਾਰ ਆਪਣੀ ਕਿਸਮਤ ਅਜ਼ਮਾ ਲਈ ਸੀ, ਪਰ ਹਰ ਵਾਰ ਨਿਰਾਸ਼ਾ ਹੱਥ ਲੱਗੀ।
ਇਹ ਵੀ ਪੜ੍ਹੋ : ਲੁਧਿਆਣਾ : ਮੋਬਾਈਲ ਸਨੈਚਿੰਗ ਦੀ ਸ਼ਿਕਾਇਤ ਦਰਜ ਕਰਾਉਣ ਨਿਕਲੇ ਨੌਜਵਾਨ ਦਾ ਬੇਰਹਿਮੀ ਨਾਲ ਕਤਲ
ਅਖੀਰ ਵਿੱਚ 4 ਜੂਨ ਨੂੰ ਉਸਨੇ ਲੁਧਿਆਣਾ ਦੇ ਮਸ਼ਹੂਰ ਗਾਂਧੀ ਬ੍ਰਦਰਜ਼ ਤੋਂ ਸਿਰਫ 50 ਰੁਪਏ ਵਿੱਚ ਇੱਕ ਟਿਕਟ ਖਰੀਦੀ। ਅਗਲੇ ਹੀ ਦਿਨ 5 ਜੂਨ ਦੀ ਸ਼ਾਮ ਨੂੰ ਜਦੋਂ ਲਾਟਰੀ ਦੇ ਰਿਜਲਟ ਆਏ, ਤਾਂ ਭੋਜਰਾਜ ਦਾ ਨੰਬਰ ਜੇਤੂ ਨੰਬਰ ਸੀ। 50 ਰੁਪਏ ਦੀ ਟਿਕਟ ‘ਤੇ 25 ਲੱਖ ਰੁਪਏ ਦਾ ਇਨਾਮ ਉਸ ਦੇ ਨਾਂ ਹੋ ਚੁੱਕਾ ਸੀ।
ਲਾਟਰੀ ਜਿੱਤਣ ਤੋਂ ਬਾਅਦ ਭੋਜਰਾਜ ਦੀਆਂ ਅੱਖਾਂ ਵਿੱਚ ਹੰਝੂ ਆ ਗਏ। ਉਹ ਆਪਣੀਆਂ ਭਵਿੱਖ ਦੀਆਂ ਯੋਜਨਾਵਾਂ ਦੱਸਦਿਆਂ ਭਾਵੁਕ ਹੋ ਗਿਆ। ਉਸਨੇ ਕਿਹਾ ਕਿ “ਮੇਰੇ ਸਿਰ ਕੁੱਲ 25 ਲੱਖ ਰੁਪਏ ਦਾ ਕਰਜ਼ਾ ਹੈ। ਦਿਨ-ਰਾਤ ਮਿਹਨਤ ਕਰਨ ਤੋਂ ਬਾਅਦ ਵੀ ਵਿਆਜ ਚੁਕਾਉਣਾ ਮੁਸ਼ਕਲ ਸੀ। ਹੁਣ, 15 ਲੱਖ ਰੁਪਏ ਦੀ ਇਸ ਵੱਡੀ ਰਕਮ ਨਾਲ, ਮੈਂ ਪਹਿਲਾਂ ਬੈਂਕ ਦਾ ਕਰਜ਼ਾ ਚੁਕਾਵਾਂਗਾ।”
ਉਸਨੇ ਕਿਹਾ ਕਿ “ਮੈਂ ਆਪਣੇ ਪਰਿਵਾਰ ਨੂੰ ਇਸ ਭਾਰੀ ਮਾਨਸਿਕ ਤਣਾਅ ਅਤੇ ਕਰਜ਼ੇ ਤੋਂ ਮੁਕਤ ਕਰਨਾ ਚਾਹੁੰਦਾ ਹਾਂ। ਇਹ ਪੈਸਾ ਰੱਬ ਦੇ ਕਿਸੇ ਵਰਦਾਨ ਤੋਂ ਘੱਟ ਨਹੀਂ ਹੈ, ਜਿਸਨੇ ਮੈਨੂੰ ਬੁਢਾਪੇ ਵਿੱਚ ਸਹਾਰਾ ਦਿੱਤਾ ਹੈ।”
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
