ਭਾਰਤੀ ਮਹਿਲਾ ਕ੍ਰਿਕਟ ਟੀਮ ਦੀ ਸਪਿਨਰ ਸ਼੍ਰੀ ਚਰਣੀ ਨੇ ਇਤਿਹਾਸ ਰਚ ਦਿੱਤਾ ਹੈ। 21 ਸਾਲਾ ਖੱਬੇ ਹੱਥ ਦੀ ਸਪਿਨਰ, ਜਿਸਨੇ ਸਿਰਫ਼ ਇੱਕ ਸਾਲ ਪਹਿਲਾਂ ਹੀ ਆਪਣਾ ਅੰਤਰਰਾਸ਼ਟਰੀ ਡੇਬਿਊ ਕੀਤਾ ਸੀ, ਹੁਣ ਆਈਸੀਸੀ ਮਹਿਲਾ ਟੀ20 ਅੰਤਰਰਾਸ਼ਟਰੀ ਗੇਂਦਬਾਜ਼ੀ ਰੈਂਕਿੰਗ ਵਿੱਚ ਦੁਨੀਆ ਦੀ ਨੰਬਰ 1 ਗੇਂਦਬਾਜ਼ ਬਣ ਗਈ ਹੈ।
ਸ਼੍ਰੀ ਚਰਣੀ ਨੇ ਇੰਗਲੈਂਡ ਦੀ ਸਪਿਨਰ ਲਿੰਸੀ ਸਮਿਥ ਨੂੰ ਪਛਾੜ ਕੇ ਇਹ ਮੁਕਾਮ ਹਾਸਲ ਕੀਤਾ ਹੈ। ਮਹਿਲਾ ਟੀ20 ਵਿਸ਼ਵ ਕੱਪ 2026 ਵਿੱਚ ਉਸ ਦੇ ਪ੍ਰਭਾਵਸ਼ਾਲੀ ਪ੍ਰਦਰਸ਼ਨ ਦਾ ਸ਼ਾਨਦਾਰ ਇਨਾਮ ਮਿਲਿਆ ਹੈ। ਟੂਰਨਾਮੈਂਟ ਵਿੱਚ ਲਗਾਤਾਰ ਵਿਕਟਾਂ ਲੈਣ ਵਾਲੀ ਚਰਣੀ ਇਸ ਵੇਲੇ ਸਭ ਤੋਂ ਸਫਲ ਗੇਂਦਬਾਜ਼ਾਂ ਵਿੱਚੋਂ ਇੱਕ ਹੈ।
ਸ਼੍ਰੀ ਚਰਣੀ ਨੇ ਆਈਸੀਸੀ ਮਹਿਲਾ ਟੀ20 ਵਿਸ਼ਵ ਕੱਪ 2026 ਵਿੱਚ ਤਿੰਨ ਮੈਚਾਂ ਵਿੱਚ 10 ਵਿਕਟਾਂ ਲਈਆਂ ਹਨ। ਆਂਧਰਾ ਪ੍ਰਦੇਸ਼ ਦੀ ਰਹਿਣ ਵਾਲੀ, ਸ਼੍ਰੀ ਚਰਣੀ ਨੇ ਜੂਨ 2025 ਵਿੱਚ ਭਾਰਤ ਲਈ ਆਪਣਾ ਟੀ20 ਅੰਤਰਰਾਸ਼ਟਰੀ ਡੇਬਿਊ ਕੀਤਾ ਸੀ।
ਆਪਣੇ ਡੇਬਿਊ ਦੇ ਸਿਰਫ਼ ਇੱਕ ਸਾਲ ਦੇ ਅੰਦਰ ਨੰਬਰ 1 ਰੈਂਕਿੰਗ ‘ਤੇ ਪਹੁੰਚਣਾ ਉਸ ਦੇ ਕਰੀਅਰ ਦੀਆਂ ਸਭ ਤੋਂ ਵੱਡੀਆਂ ਪ੍ਰਾਪਤੀਆਂ ਵਿੱਚੋਂ ਇੱਕ ਮੰਨਿਆ ਜਾਂਦਾ ਹੈ। ਮਹਿਲਾ ਟੀ-20 ਵਿਸ਼ਵ ਕੱਪ 2026 ਵਿੱਚ ਸ਼੍ਰੀ ਚਰਣੀ ਨੇ ਆਪਣੀ ਸਟੀਕ ਲਾਈਨ ਅਤੇ ਲੰਬਾਈ ਅਤੇ ਸ਼ਾਨਦਾਰ ਸਪਿਨ ਨਾਲ ਬੱਲੇਬਾਜ਼ਾਂ ਨੂੰ ਲਗਾਤਾਰ ਪਰੇਸ਼ਾਨ ਕੀਤਾ ਹੈ।
ਇਹ ਵੀ ਪੜ੍ਹੋ : BJP ਲੀਡਰ ਮਨੋਰੰਜਨ ਕਾਲੀਆ ਬੇਹੋਸ਼ ਹੋ ਕੇ ਡਿੱਗੇ, ਜਲੰਧਰ ‘ਚ ਪ੍ਰੋਗਰਾਮ ਦੌਰਾਨ ਅਚਾਨਕ ਵਿਗੜੀ ਤਬੀਅਤ
ਉਸ ਦੀ ਪ੍ਰਭਾਵਸ਼ਾਲੀ ਗੇਂਦਬਾਜ਼ੀ ਨੇ ਭਾਰਤ ਨੂੰ ਕਈ ਮਹੱਤਵਪੂਰਨ ਮੈਚ ਜਿੱਤਣ ਵਿੱਚ ਮਦਦ ਕੀਤੀ ਹੈ, ਅਤੇ ਉਹ ਹੁਣ ਦੁਨੀਆ ਦੀ ਨੰਬਰ 1 ਟੀ-20 ਗੇਂਦਬਾਜ਼ ਬਣ ਗਈ ਹੈ। ਸ਼੍ਰੀ ਚਰਣੀ ਨੇ ਭਾਰਤ ਲਈ 23 ਟੀ-20 ਅੰਤਰਰਾਸ਼ਟਰੀ ਮੈਚਾਂ ਵਿੱਚ 38 ਵਿਕਟਾਂ ਲਈਆਂ ਹਨ।
ਆਈਸੀਸੀ ਮਹਿਲਾ ਟੀ-20 ਅੰਤਰਰਾਸ਼ਟਰੀ ਗੇਂਦਬਾਜ਼ ਰੈਂਕਿੰਗ (23 ਜੂਨ, 2026)
- ਸ਼੍ਰੀ ਚਰਣੀ (ਭਾਰਤ) – 753 ਰੇਟਿੰਗ ਅੰਕ
- ਚਾਰਲੀ ਡੀਨ (ਇੰਗਲੈਂਡ) – 733 ਰੇਟਿੰਗ ਅੰਕ
- ਲਿੰਸੇ ਸਮਿਥ (ਇੰਗਲੈਂਡ) – 726 ਰੇਟਿੰਗ ਅੰਕ
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
