ਮਹਿਲਾ ਟੀ-20 ਵਰਲਡ ਕੱਪ ਦਾ ਫਾਈਨਲ ਇੰਗਲੈਂਡ ਤੇ ਆਸਟ੍ਰੇਲੀਆ ਦੇ ਵਿਚ ਲਾਰਡਸ ਵਿਚ ਖੇਡਿਆ ਜਾਵੇਗਾ। ਮੇਜ਼ਬਾਨ ਇੰਗਲੈਂਡ ਇਕ ਵਾਰ 2009 ਵਿਚ ਤੇ ਆਸਟ੍ਰੇਲੀਆ 6 ਵਾਰ ਇਹ ਟੂਰਨਾਮੈਂਟ ਜਿੱਤ ਚੁੱਕੀ ਹੈ। ਖਾਸ ਗੱਲ ਹੈ ਕਿ ਦੋਵੇਂ ਟੀਮਾਂ ਪੂਰੇ ਟੂਰਨਾਮੈਂਟ ਵਿਚ ਅਜੇ ਤੱਕ ਅਜੇਤੂ ਰਹੀਆਂ ਹਨ। ਇੰਗਲੈਂਡ ਤੇ ਆਸਟ੍ਰੇਲੀਆ 6-6 ਮੈਚ ਜਿੱਤ ਕੇ ਫਾਈਨਲ ਵਿਚ ਪਹੁੰਚੀਆਂ ਹਨ।
ਦੋਵੇਂ ਟੀਮਾਂ ਦੇ ਵਿਚ ਹੁਣ ਤੱਕ 45 ਟੀ-20 ਇੰਟਰਨੈਸ਼ਨਲ ਮੈਚ ਖੇਡੇ ਗਏ ਹਨ। ਇਨ੍ਹਾਂ ਵਿਚ ਆਸਟ੍ਰੇਲੀਆ ਨੇ 23 ਤੇ ਇੰਗਲੈਂਡ ਨੇ 21 ਮੈਚ ਜਿੱਤੇ ਹਨ ਤੇ ਇਕ ਮੈਚ ਬੇਨਤੀਜਾ ਰਿਹਾ ਹੈ। ਮਹਿਲਾ ਟੀ-20 ਵਰਲਡ ਕੱਪ ਵਿਚ ਦੋਵਾਂ ਦੇ ਵਿਚ 7 ਮੁਕਾਬਲੇ ਹੋਏ ਹਨ। ਇਨ੍ਹਾਂ ਵਿਚ ਆਸਟ੍ਰੇਲੀਆ ਨੇ 5 ਤੇ ਇੰਗਲੈਂਡ ਨੇ 2 ਮੈਚ ਜਿੱਤੇ ਹਨ। ਦੋਵੇਂ ਟੀਮਾਂ ਚੌਥੀ ਵਾਰ ਵਰਲਡ ਕੱਪ ਫਾਈਨਲ ਵਿਚ ਆਹਮੋ-ਸਾਹਮਣੇ ਹੋਣਗੀਆਂ। ਇਸ ਤੋਂ ਪਹਿਲਾਂ 2012, 2014 ਤ 2018 ਦੇ ਵਿਚ ਫਾਈਨਲ ਆਸਟ੍ਰੇਲੀਆ ਨੇ ਜਿੱਤੇ ਸੀ। ਹਾਲਾਂਕਿ ਇੰਗਲੈਂਡ ਦੇ ਲਾਰਡਸ ਵਿਚ ਖੇਡੇ ਚਾਰੋਂ ਟੀ-20 ਇੰਟਰਨੈਸ਼ਨਲ ਜਿੱਤੇ ਹਨ।
ਆਸਟ੍ਰੇਲੀਆ ਨੇ ਗਰੁੱਪ ਸਟੇਜ ਵਿਚ ਸਾਊਥ ਅਫਰੀਕਾ, ਬੰਗਲਾਦੇਸ਼, ਨੀਦਰਲੈਂਡ, ਪਾਕਿਸਤਾਨ ਤੇ ਭਾਰਤ ਨੂੰ ਹਰਾਇਆ। ਇਸ ਦੇ ਬਾਅਦ ਸੈਮੀਫਾਈਨਲ ਵਿਚ ਵੈਸਟਇੰਡੀਜ਼ ਨੂੰ ਵਿਕਟਾਂ ਤੋਂ ਮਾਤ ਦੇ ਕੇ ਫਾਈਨਲ ਵਿਚ ਜਗ੍ਹਾ ਬਣਾਈ। ਦੂਜੇ ਪਾਸੇ ਇੰਗਲੈਂਡ ਨੇ ਸ਼੍ਰੀਲੰਕਾ, ਆਇਰਲੈਂਡ, ਸਕਾਟਲੈਂਡ, ਵੈਸਟਇੰਡੀਜ਼ ਤੇ ਨਿਊਜ਼ੀਲੈਂਡ ਨੂੰ ਹਰਾਇਆ। ਸੈਮੀਫਾਈਨਲ ਵਿਚ ਉਸ ਨੇ ਸਾਊਥ ਅਫਰੀਕਾ ਨੂੰ 40 ਦੌੜਾਂ ਤੋਂ ਹਰਾ ਕੇ ਖਿਤਾਬੀ ਮੁਕਾਬਲਾ ਜਿੱਤਿਆ।
ਆਸਟ੍ਰੇਲੀਆ ਲਈ ਸਭ ਤੋਂ ਵੱਡਾ ਸਵਾਲ ਆਲਰਾਊਂਡਰ ਏਲਿਸ ਪੇਰੀ ਦੀ ਫਿਟਨੈੱਸ ਹੈ। ਵੈਸਟਇੰਡੀਜ਼ ਦੇ ਖਿਲਾਫ ਸੈਮੀਫਾਈਨਲ ਵਿਚ ਉਹ ਰਿਟਾਇਰਡ ਹਰਡ ਹੋ ਗਈ ਸੀ। ਹਾਲਾਂਕਿ ਫਾਈਨਲ ਤੋਂ ਪਹਿਲਾਂ ਉਨ੍ਹਾਂ ਨੇ ਨੈਟਸ ਵਿਚ ਪ੍ਰੈਕਟਿਸ ਕੀਤੀ। ਇੰਗਲੈਂਡ ਨੂੰ ਵੀ ਸੈਮੀਫਾਈਨਲ ਤੋਂ ਪਹਿਲਾਂ ਰਾਹਤ ਮਿਲੀ ਸੀ। ਕਪਤਾਨ ਨੈਟ ਸਿਵਰ-ਬ੍ਰੰਟ ਸੱਟ ਤੋਂ ਉਭਰਦੇ ਹੀ ਸਾਊਥ ਅਫਰੀਕਾ ਖਿਲਾਫ 47 ਗੇਂਦਾਂ ਵਿਚ 75 ਦੌੜਾਂ ਦੀ ਮੈਚ ਜਿਤਾਊ ਪਾਰੀ ਖੇਡੀ ਸੀ।
ਇਹ ਵੀ ਪੜ੍ਹੋ : ਇੱਕ-ਦੂਜੇ ਦੇ ਹੋਏ ਆਮਿਰ ਖਾਨ ਤੇ ਗੌਰੀ ਸਪ੍ਰੈੱਟ: ਮੁੰਬਈ ‘ਚ ਕੀਤਾ ਵਿਆਹ, ਨਵੇਂ ਜੋੜੇ ਦੀ ਪਹਿਲੀ ਤਸਵੀਰ ਆਈ ਸਾਹਮਣੇ
ਲਾਰਡਸ ਦੀ ਪਿਚ ਇਸ ਵਰਲਡ ਕੱਪ ਵਿਚ ਤੇਜ਼ ਗੇਂਦਬਾਜ਼ਾਂ ਲਈ ਸਭ ਤੋਂ ਮਦਦਗਾਰ ਰਹੀ ਹੈ। ਇਥੇ ਨਵੀਂ ਗੇਂਦ ਨਾਲ ਸੀਮ ਮੂਵਮੈਂਟ ਤੇ ਉਛਾਲ ਦੋਵੇਂ ਦੇਖਣ ਨੂੰ ਮਿਲੇ ਹਨ। ਤੇਜ਼ ਗੇਂਦਬਾਜ਼ਾਂ ਦੀ ਇਕੋਨਾਮੀ ਪੂਰੇ ਟੂਰਨਾਮੈਂਟ ਵਿਚ ਸਭ ਤੋਂ ਬੇਹਤਰ ਰਹੀ ਹੈ। ਹਾਲਾਂਕਿ ਇਸ ਮੈਦਾਨ ‘ਤੇ ਆਸਟ੍ਰੇਲੀਆ ਨੇ ਗਰੁੱਪ ਸਟੇਜ ਵਿਚ ਭਾਰਤ ਖਿਲਾਫ 171 ਦੌੜਾਂ ਦਾ ਵਰਲਡ ਕੱਪ ਵਿਚ ਸਭ ਤੋਂ ਵੱਡਾ ਟਾਰਗੈੱਟ ਹਾਸਲ ਕੀਤਾ ਸੀ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
