ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅੱਜ ਪੰਜਾਬ ਤੇ ਚੰਡੀਗੜ੍ਹ ਦੇ ਦੌਰੇ ‘ਤੇ ਹਨ। ਇਸ ਦੌਰਾਨ ਉਹ 12,070 ਕਰੋੜ ਤੋਂ ਵੱਧ ਪ੍ਰਾਜੈਕਟਾਂ ਦਾ ਨੀਂਹ ਪੱਥਰ ਤੇ ਉਦਘਾਟਨ ਕਰਨਗੇ। ਚੰਡੀਗੜ੍ਹ ਵਿਚ PM ਦੁਪਹਿਰ ਲਗਭਗ ਸਵਾ 1 ਵਜੇ ਆਉਣਗੇ। ਫਿਰ ਇਥੇ 2 ਕਰੋੜ ਰੁਪਏ ਦੇ ਏਸੀ ਟੈਂਟ ਵਿਚ ਰੈਲੀ ਕਰਨਗੇ। ਉਹ ਇਥੇ 45 ਮਿੰਟ ਰੁਕਣਗੇ।
ਪੀਐੱਮ ਆਪਣੇ ਸਪੈਸ਼ਲ ਜਹਾਜ਼ ਤੋਂ ਲਗਭਗ ਸਵਾ ਇਕ ਵਜੇ ਚੰਡੀਗੜ੍ਹ ਏਅਰਪੋਰਟ ਪਹੁੰਚਣਗੇ। ਉਥੋਂ ਏਅਰਫੋਰਸ ਏਰੀਆ ਵਿਚ ਉਨ੍ਹਾਂ ਦਾ ਜਹਾਜ਼ ਲੈਂਡ ਕਰੇਗਾ। ਉਥੋਂ ਉਹ ਸਿੱਧੇ ਪੰਜਾਬ ਇੰਜੀਨੀਅਰਿੰਗ ਕਾਲਜ (PEC) ਪਹੁੰਚਣਗੇ। ਪੀਜੀਆਈ ਚੰਡੀਗੜ੍ਹ ਵਿਖੇ ਪੀਐੱਮ ਮੋਦੀ ‘ਐਡਵਾਂਸਡ ਮਦਰ ਐਂਡ ਚਾਈਲਡ ਸੈਂਟਰ’ ਦਾ ਵੀ ਉਦਘਾਟਨ ਕਰਨਗੇ। ਵੈਨਿਊ ਅੰਦਰ ਪਾਣੀ ਦੀ ਬੋਤਲ ਸਣੇ ਕਿਸੇ ਵੀ ਤਰ੍ਹਾਂ ਦੀ ਚੀਜ਼ ਲਿਜਾਣ ਦੀ ਇਜਾਜ਼ਤ ਨਹੀਂ ਹੈ। ਐਂਟਰੀ ਤੋਂ ਪਹਿਲਾਂ ਹਰ ਵਿਅਕਤੀ ਦੀ ਜਾਂਚ ਹੋਵੇਗੀ।
ਇਸ ਦੇ ਨਾਲ ਹੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਜਲੰਧਰ ਕੈਂਟ ਰੇਲਵੇ ਸਟੇਸ਼ਨ ਸਣੇ 4 ਮੁੜ ਵਿਕਸਿਤ ਰੇਲਵੇ ਸਟੇਸ਼ਨਾਂ ਦਾ ਕਰਨਗੇ ਉਦਘਾਟਨ। ਦੁਪਿਹਰ 3.30 ਵਜੇ ਜਲੰਧਰ ਦੇ PAP ਮੈਦਾਨ ਵਿਚ ਬਣਾਏ ਗਏ ਵਿਸ਼ੇਸ਼ ਹੈਲੀਪੈਡ ‘ਤੇ ਹੈਲੀਕਾਪਟਰ ਲੈਂਡ ਕਰਨਗੇ। ਸਖਤ ਸੁਰੱਖਿਆ ਵਿਚ ਸੜਕ ਰਸਤੇ ਤੋਂ ਜਲੰਧਰ ਕੈਂਟ ਰੇਲਵੇ ਸਟੇਸ਼ਨ ਪਹੁੰਚਣਗੇ। ਦੁਪਹਿਰ 3.55 ਵਜੇ 110 ਸਾਲ ਪੁਰਾਣੇ ਮੁੜ ਵਿਕਸਿਤ ਜਲੰਧਰ ਕੈਂਟ ਰੇਲਵੇ ਸਟੇਸ਼ਨ ਦੀ ਨਵੀਂ ਇਮਾਰਤ ਦਾ ਉਦਘਾਟਨ ਕਰਨਗੇ। ਸ਼ਾਮ 4.30 ਵਜੇ ਰੇਲਵੇ ਸਟੇਸ਼ਨ ਦੇ ਬਾਹਰ ਬਣਾਏ ਗਏ ਵਾਟਰਪਰੂਫ ਪੰਡਾਲ ਵਿਚ ਪਹੁੰਚਣਗੇ ਜਿਥੇ ਭਾਜਪਾ ਨੇਤਾ ਤੇ ਵਰਕਰ ਉਨ੍ਹਾਂ ਦਾ ਸਵਾਗਤ ਕਰਨਗੇ।
ਇਹ ਵੀ ਪੜ੍ਹੋ : ਸੋਨਮ ਵਾਂਗਚੁਕ ਨੂੰ ਬਣਾਇਆ ਜਾਵੇ ਦੇਸ਼ ਦਾ ਸਿੱਖਿਆ ਮੰਤਰੀ, ਅਰਵਿੰਦ ਕੇਜਰੀਵਾਲ ਨੇ ਚੁੱਕੀ ਮੰਗ
ਸ਼ਾਮ 4.30 ਵਜੇ ਤੋਂ 5.15 ਵਜੇ ਜਨਸਭਾ ਨੂੰ ਸੰਬੋਧਨ ਕਰਨਗੇ। ਇਸ ਦੌਰਾਨ 5470 ਕਰੋੜ ਰੁਪਏ ਤੋਂ ਵਧ ਦੀ ਸਖਤ ਤੇ ਰੇਲ ਸਰੰਚਨਾ ਯੋਜਨਾਵਾਂ ਦਾ ਨੀਂਹ ਪੱਥਰ ਰੱਖਣਗੇ। ਇਸਦੇ ਬਾਅਦ 5.15 ਵਜੇ ਜਨਸਭਾ ਖਤਮ ਹੋਣ ਦੇ ਬਾਅਦ ਕਾਫਲਾ ਵਾਪਸ ਹੈਲੀਪੇਡ ਲਈ ਰਵਾਨਾ ਹੋਵੇਗਾ ਤੇ ਪ੍ਰਧਾਨ ਮੰਤਰੀ ਦਿੱਲੀ ਲਈ ਰਵਾਨਾ ਹੋਣਗੇ।
ਵੀਡੀਓ ਲਈ ਕਲਿੱਕ ਕਰੋ -:
