ਲੁਧਿਆਣਾ ਵਿਚ ਚੋਰਾਂ ਨੇ ਫਿਲਮੀ ਸੀਨ ਵਾਂਗ ਬੱਸ ਸਟੈਂਡ ਡਿਪੂ ਦੇ ਠੀਕ ਸਾਹਮਣੇ ਪਾਰਕਿੰਗ ਤੋਂ PRTC ਦੀ ਬੱਸ ਚੋਰੀ ਕਰ ਲਈ। ਅਗਲੇ ਦਿਨ ਇਹ ਬੱਸ ਸ਼ਹਿਰ ਤੋਂ ਲਗਭਗ 21 ਕਿਲੋਮੀਟਰ ਦੂਰ ਇੱਟਾਂ ‘ਤੇ ਖੜ੍ਹੀ ਮਿਲੀ। ਚੋਰਾਂ ਨੇ ਬਹੁਤ ਹੀ ਤੱਸਲੀ ਨਾਲ ਬੱਸ ਦੇ ਟਾਇਰ, ਬੈਟਰੀਆਂ ਤੇ ਹੋਰ ਕੀਮਤੀ ਸਾਮਾਨ ਕੱਢ ਲਿਆ। ਪੂਰੀ ਵਾਰਦਾਤ ਸੀਸੀਟੀਵੀ ਕੈਮਰੇ ਵਿਚ ਕੈਦ ਹੋ ਗਈ।
ਬੱਸ ਦੇ ਡਰਾਈਵਰ ਨੇ ਦੱਸਿਆ ਕਿ ਸੀਸੀਟੀਵੀ ਫੁਟੇਜ ਵਿਚ ਸਾਫ ਦਿਖਾਈ ਦੇ ਰਿਹਾ ਹੈ ਕਿ ਇਕ ਬਲੈਕੋ ਪਿਕਅੱਪ ਪਾਰਕਿੰਗ ਕੋਲ ਆ ਕੇ ਰੁਕਦੀ ਹੈ। ਇਸ ਵਿਚ 7 ਤੋਂ 8 ਲੋਕ ਸਵਾਰ ਹਨ। ਚੋਰ ਲਗਭਗ 2 ਘੰਟੇ ਤੱਕ ਉਥੇ ਹੀ ਬੈਠੇ ਰਹਿੰਦੇ ਹਨ ਤੇ ਰੇਕੀ ਕਰਦੇ ਹਨ। ਰਾਤ 2 ਵਜੇ ਕੇ 20 ਮਿੰਟ ‘ਤੇ ਜਦੋਂ ਸੜਕਾਂ ‘ਤੇ ਪੂਰੀ ਤਰ੍ਹਾਂ ਸੰਨਾਟਾ ਹੋ ਜਾਂਦਾ ਹੈ ਤਾਂ ਉਹ ਬੱਸ ਨੂੰ ਪਾਰਕਿੰਗ ਤੋਂ ਬਾਹਰ ਕੱਢਦੇ ਹਨ। ਹੈਰਾਨੀ ਦੀ ਗੱਲ ਹੈ ਕਿ ਗੇਟ ‘ਤੇ ਨਾ ਹੀ ਕੋਈ ਐਂਟਰੀ ਹੋਈ ਤੇ ਨਾ ਹੀ ਕਿਸੇ ਨੇ ਉਨ੍ਹਾਂ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ। ਅੱਗੇ ਚੱਲ ਕੇ ਜਗਰਾਓਂ ਪੁਲ ਦੇ ਕੋਲ ਇਕ ਆਟੋ ਤੇ ਇਕ ਸਕੂਟੀ ਇਸ ਬੱਸ ਨੂੰ ਐਸਕਾਰਟ ਕਰਨ ਲਈ ਪਹੁੰਚ ਜਾਂਦੇ ਹਨ। ਸਕੂਟੀ ਬੈਕ ਕਰਕੇ ਬੱਸ ਦੇ ਅੱਗੇ-ਅੱਗੇ ਚੱਲਣ ਲਗਦੀ ਹੈ ਤੇ ਦੇਖਦੇ ਹੀ ਦੇਖਦੇ ਬੱਸ ਸੜਕ ਤੋਂ ਗਾਇਬ ਹੋ ਜਾਂਦੀ ਹੈ।
ਇਹ ਕੋਈ ਮਾਮਲੂੀ ਚੋਰੀ ਨਹੀਂ ਹੈ। ਜਿਸ ਬੱਸ ਨੂੰ ਨਿਸ਼ਾਨਾ ਬਣਾਇਆ ਗਿਆ ਉਹ BS-VI (Phase 2-6) ਟੌਪ ਮਾਡਲ ਬੱਸ ਸੀ। ਇਸ ਹਾਈ ਟੈੱਕ ਗੱਡੀ ਦਾ ਸਿਸਟਮ ਇੰਨਾ ਐਡਵਾਂਸ ਹੁੰਦਾ ਹੈ ਕਿ ਇਸ ਨੂੰ ਕੋਈ ਵੀ ਆਮ ਚੋਰ ਬਿਨਾਂ ਚਾਬੀ ਦੇ ਸਟਾਰਟ ਨਹੀਂ ਕਰ ਸਕਦਾ।
ਬੱਸ ਡਰਾਈਵਰ ਮੁਤਾਬਕ ਚੋਰਾਂ ਨੇ ਸਟਾਰਟਿੰਗ ਸਵਿੱਚ ਦੀਆਂ ਤਾਰਾਂ ਤੋੜ ਕੇ ਗੱਡੀ ਨੂੰ ਡਾਇਰੈਕਟ ਸਟਾਰਟ ਕੀਤਾ। ਬੱਸ ਨੂੰ ਇਸ ਤਰ੍ਹਾਂ ਲੈ ਕੇ ਜਾਣਾ ਕਿਸੇ ਅਜਿਹੇ ਵਿਅਕਤੀ ਦਾ ਕੰਮ ਹੋ ਸਕਦਾ ਹੈ ਜਿਸ ਨੂੰ ਬੱਸ ਦੇ ਸਿਸਟਮ ਤੇ ਵਾਇਰਿੰਗ ਬਾਰੇ ਪੂਰੀ ਜਾਣਕਾਰੀ ਹੋਵੇ। ਅਗਲੀ ਸਵੇਰੇ 7.30 ਵਜੇ ਜਦੋਂ ਬੱਸ ਦਾ ਡਰਾਈਵਰ ਆਪਣੀ ਡਿਊਟੀ ‘ਤੇ ਪਹੁੰਚਿਆ ਤਾਂ ਬੱਸ ਨੂੰ ਪਾਰਕਿੰਗ ਤੋਂ ਗਾਇਬ ਦੇਖ ਕੇ ਉਸ ਦੇ ਹੋਸ਼ ਉਡ ਗਏ। ਉਸ ਨੇ ਬੱਸ ਦੀ ਭਾਲ ਸ਼ੁਰੂ ਕੀਤੀ। ਕੁਝ ਘੰਟਿਆਂ ਦੀ ਮੁਸ਼ੱਕਤ ਦੇ ਬਾਅਦ ਪਤਾ ਲੱਗਾ ਕਿ ਚੌਕੀਮਾਨ ਟੋਲ ਪਲਾਜ਼ਾ ਤੋਂ ਲਗਭਗ 2 ਕਿਲੋਮੀਟਰ ਪਿੱਛੇ ਢੱਟ ਪਿੰਡ ਦੇ ਕੋਲ ਬੱਸ ਖੜ੍ਹੀ ਹੈ।
ਇਹ ਵੀ ਪੜ੍ਹੋ : ਦਿੱਲੀ ‘ਚ 5 ਮੰਜ਼ਿਲਾ ਇਮਾਰਤ ਡਿੱਗੀ, ਮਲਬੇ ‘ਚ ਫਸੇ ਹਨ ਕਈ ਵਿਦਿਆਰਥੀ, ਬਚਾਅ ਕਾਰਜ ਜਾਰੀ
ਜਦੋਂ ਲੋਕ ਮੌਕੇ ‘ਤੇ ਪਹੁੰਚੇ ਤਾਂ ਦੇਖਿਆ ਕਿ ਬੱਸ ਇੱਟਾਂ ਦੇ ਸਹਾਰੇ ਖੜ੍ਹੀ ਸੀ। ਚੋਰਾ ਨੇ ਬੱਸ ਦੇ ਟਾਇਰ, ਦੋਵੇਂ ਬੈਟਰੀਆਂ ਤੇ ਸਟਾਰਟਿੰਗ ਦੀਆਂ ਤਾਰਾਂ ਕੱਢ ਲਈਆਂ ਸਨ। ਵਾਰਦਾਤ ਦੇ ਬਾਅਦ PRTC ਸਟਾਫ ਥਾਣੇ ਦੇ ਚੱਕਰ ਕੱਟ ਰਿਹਾ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ ਸੀਸੀਟੀਵੀ ਦੇ ਆਧਾਰ ‘ਤੇ ਉਸ ਬਲੈਰੋ ਦਾ ਨੰਬਰ ਕੱਢ ਲਿਆ ਹੈ ਜਿਸ ਵਿਚ ਚੋਰ ਆਏ ਸਨ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
