ਕੀ ਤੁਹਾਨੂੰ ਮੀਂਹ ਦੇ ਦਿਨਾਂ ਵਿਚ ਚਮੜੀ ‘ਤੇ ਖਾਰਿਸ਼ ਤੇ ਜਲਨ ਦੀ ਸਮੱਸਿਆ ਹੋ ਜਾਂਦੀ ਹੈ? ਸਕਿਨ ‘ਤੇ ਖਾਰਿਸ਼ ਦੀ ਦਿੱਕਤ ਵਧ ਜਾਂਦੀ ਹੈ, ਇਹ ਫੰਗਲ ਇੰਫੈਕਸ਼ਨ ਦਾ ਸੰਕੇਤ ਹੋ ਸਕਦਾ ਹੈ।
ਫੰਗਲ ਇੰਫੈਕਸ਼ਨ ਸਕਿਨ ਨਾਲ ਜੁੜੀ ਇਕ ਆਮ ਸਮੱਸਿਆ ਹੈ ਜੋ ਸਰੀਰ ਦੇ ਵੱਖ-ਵੱਖ ਹਿੱਸਿਆਂ ਵਿਚ ਹੋ ਸਕਦੀ ਹੈ। ਦਾਦ, ਖੁਜਲੀ, ਜਲਨ ਜਾਂ ਸਕਿਨ ‘ਤੇ ਗੋਲ ਨਿਸ਼ਾਨ ਇਸ ਦੇ ਆਮ ਸੰਕੇਤ ਹੋ ਸਕਦੇ ਹਨ। ਗਰਮੀ ਤੇ ਹੁਮਸ ਦੇ ਮੌਸਮ ਵਿਚ ਪਸੀਨੇ ਤੇ ਨਮੀ ਕਾਰਨ ਇਸ ਦਾ ਖਤਰਾ ਹੋਰ ਵਧ ਸਕਦਾ ਹੈ।
ਸਰੀਰ ਦੇ ਉਨ੍ਹਾਂ ਹਿੱਸਿਆਂ ਵਿਚ ਜਿਥੇ ਹਵਾ ਘੱਟ ਪਹੁੰਚਦੀ ਹੈ, ਫੰਗਸ ਨੂੰ ਵਧਣ ਲਈ ਅਨੁਕੂਲ ਮਾਹੌਲ ਮਿਲ ਜਾਂਦਾ ਹੈ। ਫੰਗਲ ਇੰਫੈਕਸ਼ਨ ਸੰਕਰਮਿਤ ਵਿਅਕਤੀ, ਜਾਨਵਰ ਜਾਂ ਸੰਕਰਮਿਤ ਕੱਪੜੇ ਤੌਲੀਏ ਵਰਗੀਆਂ ਚੀਜ਼ਾਂ ਦੇ ਸੰਪਰਕ ਤੋਂ ਵੀ ਫੈਲ ਸਕਦਾ ਹੈ। ਉਂਝ ਤਾਂ ਕੁਝ ਫੰਗਲ ਇੰਫੈਕਸ਼ਨ ਆਪਣੇ ਆਪ ਠੀਕ ਹੋ ਜਾਂਦੇ ਹਨ ਜਦੋਂ ਕਿ ਕੁਝ ਹੌਲੀ-ਹੌਲੀ ਸਰੀਰ ਦੇ ਕੁਝ ਦੂਜੇ ਹਿੱਸਿਆਂ ਤੱਕ ਫੈਲ ਸਕਦੇ ਹਨ ਤੇ ਦੂਜਿਆਂ ਵਿਚ ਵੀ ਇੰਫੈਕਸ਼ਨ ਪਹੁੰਚਾ ਸਕਦੇ ਹਨ।
ਫੰਗਲ ਇੰਫੈਕਸ਼ਨ ਕਿਉਂ ਹੁੰਦਾ ਹੈ?
ਫੰਗਸ ਨੂੰ ਗਰਮ ਤੇ ਨਮੀ ਵਾਲਾ ਵਾਤਾਵਰਣ ਪਸੰਦ ਹੁੰਦਾ ਹੈ। ਇਸ ਲਈ ਵਧ ਪਸੀਨਾ ਆਉਣ, ਸਕਿਨ ਦਾ ਲੰਬੇ ਸਮੇਂ ਤੱਕ ਗਿੱਲੇ ਰਹਿਣਾ, ਬਹੁਤ ਟਾਈਟ ਕੱਪੜੇ ਪਹਿਨਣ ਤੇ ਪ੍ਰਭਾਵਿਤ ਹਿੱਸੇ ਨੂੰ ਠੀਕ ਤਰ੍ਹਾਂ ਸੁੱਕਾ ਨਾ ਰਹਿਣ ਨਾਲ ਇੰਫੈਕਸ਼ਨ ਦਾ ਖਤਰਾ ਵਧਾ ਸਕਦਾ ਹੈ।
ਕਮਜ਼ੋਰ ਇਮਊਨਿਟੀ ਵਾਲੇ ਲੋਕਾਂ ਵਿਚ ਵੀ ਕੁਝ ਫੰਗਲ ਇੰਫੈਕਸ਼ਨ ਗੰਭੀਰ ਹੋ ਸਕਦੇ ਹਨ। ਇਸ ਤੋਂ ਇਲਾਵਾ ਸੰਕਰਮਿਤ ਵਿਅਕਤੀ ਦੇ ਕੱਪੜੇ, ਤੌਲੀਆ, ਕੰਘੀ ਜਾਂ ਦੂਜੀਆਂ ਵਿਅਕਤੀਗਤ ਚੀਜ਼ਾਂ ਵਰਤਣ ਨਾਲ ਵੀ ਇੰਫੈਕਸ਼ਨ ਫੈਲ ਸਕਦਾ ਹੈ।
ਐਲੋਵੇਰਾ ਤੇ ਸੇਬ ਦਾ ਸਿਰਕਾ ਕਰ ਸਕਦਾ ਹੈ ਮਦਦ
ਐਲੋਵੇਰਾ ਜੈੱਲ ਸਕਿਨ ਨੂੰ ਠੰਡਕ ਦੇਣ ਤੇ ਖੁਜਲੀ ਜਾਂ ਜਲਨ ਵਰਗੀ ਪ੍ਰੇਸ਼ਾਨੀ ਨੂੰ ਸ਼ਾਂਤ ਕਰਨ ਵਿਚ ਮਦਦ ਕਰ ਸਕਦਾ ਹੈ। ਇਸ ਵਿਚ ਕੁਝ ਐਂਟੀਫੰਗਲ ਗੁਣਾਂ ਦੇ ਸੰਕੇਤ ਵੀ ਮਿਲੇ ਹਨ। ਇਸ ਦਾ ਇਸਤੇਮਾਲ ਕੀਤਾ ਜਾ ਸਕਦਾ ਹੈ। ਹਾਲਾਂਕਿ ਜੇਕਰ ਸਮੱਸਿਆ ਠੀਕ ਨਹੀਂ ਹੋ ਰਹੀ ਹੈ ਤਾਂ ਸਮੇਂ ਰਹਿੰਦੇ ਡਾਕਟਰ ਦੀ ਸਲਾਹ ਜ਼ਰੂਰ ਲੈ ਲਓ।
ਇਸੇ ਤਰ੍ਹਾਂ ਸੇਬ ਦੇ ਸਿਰਕੇ ਤੇ ਨਾਰੀਅਲ ਤੇਲ ਨੂੰ ਫੰਗਲ ਇੰਫੈਕਸ਼ਨ ਵਿਚ ਘਰੇਲੂ ਉਪਾਅ ਵਜੋਂ ਵਰਤਿਆ ਜਾਂਦਾ ਹੈ। ਕੁਝ ਅਧਿਐਨਾਂ ਵਿਚ ਇਨ੍ਹਾਂ ਦੇ ਐਂਟੀ ਮਾਈਕ੍ਰੋਬੀਅਲ ਜਾਂ ਐਂਟੀਫੰਗਲ ਗੁਣਾਂ ਦੀ ਪੁਸ਼ਟੀ ਹੁੰਦੀ ਹੈ ਪਰ ਇਨ੍ਹਾਂ ਨਾਲ ਫੰਗਲ ਇੰਫੈਕਸ਼ਨ ਪੂਰੀ ਤਰ੍ਹਾਂ ਠੀਕ ਹੋਣ ਦੇ ਨਤੀਜੇ ਸਾਹਮਣੇ ਨਹੀਂ ਆਏ ਹਨ।
ਨਿੰਮ ਕਈ ਔਸ਼ਧੀ ਗੁਣਾਂ ਨਾਲ ਭਰਪੂਰ ਹੁੰਦਾ ਹੈ ਜੋ ਕਈ ਤਰ੍ਹਾਂ ਦੇ ਇੰਫੈਕਸ਼ਨ ਤੋਂ ਬਚਾਉਣ ਵਿਚ ਮਦਦਗਾਰ ਹੈ। ਇਸ ਵਿਚ ਐਂਟੀ ਬੈਕਟੀਰੀਅਲ ਤੱਤ ਹੁੰਦੇ ਹਨ, ਜੋ ਫੰਗਸ ਦੀ ਜੜ੍ਹ ਤੱਕ ਜਾ ਕੇ ਉਸ ਨੂੰ ਖਤਮ ਕਰਦਾ ਹੈ। ਇਸ ਵਿਚ 2 ਮਹੱਤਵੂਰਨ ਤੱਤ ਪਾਏ ਜਾਂਦੇ ਹਨ। ਗੇਦੁਨਿਨ ਅਤੇ ਨਿਬਿਡੋਲ, ਇਹ ਫੰਗਲ ਇੰਫੈਕਸ਼ਨ ਨੂੰ ਖਤਮ ਕਰਨ ਵਿਚ ਕਾਰਗਰ ਹਨ। ਇਸ ਦਾ ਰਸ ਕੱਢ ਕੇ ਵੀ ਤੁਸੀਂ ਫੰਗਲ ਵਾਲੀ ਜਗ੍ਹਾ ‘ਤੇ ਲਗਾ ਸਕਦੇ ਹੋ। ਇਸ ਦੇ ਪੱਤਿਆਂ ਵਿਚ ਐਂਟੀ ਫੰਗਲ ਗੁਣ ਹੋਣ ਦੀ ਵਜ੍ਹਾ ਤੋਂ ਇਹ ਜਲਦੀ ਅਸਰ ਕਰਦਾ ਹੈ।
ਇਹ ਸਾਵਧਾਨੀਆਂ ਵਰਤੋਂ
ਪ੍ਰਭਾਵਿਤ ਹਿੱਸੇ ਨੂੰ ਸਾਫ ਤੇ ਪੂਰੀ ਤਰ੍ਹਾਂ ਸੁੱਕਾ ਰੱਖੋ। ਪਸੀਨਾ ਆਉਣ ਦੇ ਬਾਅਦ ਕੱਪੜੇ ਬਦਲੋ ਤੇ ਢਿੱਲੇ ਤੇ ਸਾਫ ਕੱਪੜੇ ਪਹਿਨੋ। ਤੌਲੀਏ, ਕੱਪੜੇ, ਕੰਘੀ ਜਾਂ ਦੂਜੀਆਂ ਵਿਅਕਤੀਗਤ ਚੀਜ਼ਾਂ ਕਿਸੇ ਨਾਲ ਸ਼ੇਅਰ ਨਾ ਕਰੋ। ਖਾਰਿਸ਼ ਹੋਣ ‘ਤੇ ਸਕਿਨ ਨੂੰ ਖਰੋਚੋ ਨਾ ਕਿਉਂਕਿ ਇਸ ਨਾਲ ਇੰਫੈਕਸ਼ਨ ਫੈਲ ਸਕਦਾ ਹੈ। ਜੇਕਰ ਇੰਫੈਕਸ਼ਨ ਤੇਜ਼ੀ ਨਾਲ ਫੈਲ ਰਿਹਾ ਹੈ, ਸਿਰ ਜਾਂ ਨਹੁੰਆਂ ਤੱਕ ਪਹੁੰਚ ਗਿਆ ਹੈ ਤੇ ਕਈ ਉਪਾਵਾਂ ਦੇ ਬਾਵਜੂਦ ਸੁਧਾਰ ਨਹਂ ਹੋ ਰਿਹਾ ਹੈ ਤਾਂ ਸਕਿਨ ਮਾਹਿਰ ਨਾਲ ਸੰਪਰਕ ਕਰੋ।
