ਫੂਡ ਸੇਫਟੀ ਟੀਮ ਨੇ ਅੱਜ ਲੁਧਿਆਣਾ ਦੇ ਜਲੰਧਰ ਬਾਈਪਾਸ ਨੇੜੇ ਸਥਿਤ ਇੱਕ ਸਿਰਕਾ-ਮੁਰੱਬਾ ਫੈਕਟਰੀ ‘ਤੇ ਛਾਪਾ ਮਾਰਿਆ। ਟੀਮ ਨੇ ਭੋਜਨ ਦੀ ਗੁਣਵੱਤਾ ਅਤੇ ਸਫਾਈ ਸੰਬੰਧੀ ਸ਼ਿਕਾਇਤਾਂ ਤੋਂ ਬਾਅਦ ਇਹ ਨਿਰੀਖਣ ਕੀਤਾ। ਫੈਕਟਰੀ ਅੰਦਰ ਗੰਦੀਆਂ ਸਥਿਤੀਆਂ ਦੀ ਸੂਚਨਾ ਮਿਲੀ ਸੀ। ਟੀਮ ਨੇ ਮੌਕੇ ‘ਤੇ ਖਾਣ ਵਾਲੀਆਂ ਚੀਜ਼ਾਂ ਦੀਆਂ ਤਿਆਰੀਆਂ, ਸਾਫ-ਸਫਾਈ ਤੇ ਖੁਰਾਕ ਸੁਰੱਖਿਆ ਨਾਲ ਜੁੜੇ ਮਿਆਰਾਂ ਦਾ ਨਿਰੀਖਣ ਕੀਤਾ। ਫੈਕਟਰੀ ਵਿੱਚ ਪਾਈਆਂ ਗਈਆਂ ਸਥਿਤੀਆਂ ਭੋਜਨ ਸੁਰੱਖਿਆ ਅਤੇ ਜਨਤਕ ਸਿਹਤ ‘ਤੇ ਸਵਾਲ ਖੜ੍ਹੇ ਕਰਦੀਆਂ ਹਨ।
ਫੂਡ ਸੇਫਟੀ ਟੀਮ ਦੀਆਂ ਮੌਕੇ ‘ਤੇ ਕੀਤੀਆਂ ਗਈਆਂ ਕਾਰਵਾਈਆਂ ਅਤੇ ਇਕੱਠੇ ਕੀਤੇ ਗਏ ਨਮੂਨਿਆਂ ਬਾਰੇ ਵੇਰਵੇ ਜਾਂਚ ਪੂਰੀ ਹੋਣ ਤੋਂ ਬਾਅਦ ਜਾਰੀ ਕੀਤੇ ਜਾਣਗੇ। ਟੀਮ ਨੇ ਫੈਕਟਰੀ ਵਿਚ ਗੰਦਗੀ ਅਤੇ ਸਫਾਈ ਦੀ ਜਾਂਚ ਕੀਤੀ ਹੈ। ਵਿਭਾਗ ਦੀ ਅਧਿਕਾਰਤ ਰਿਪੋਰਟ ਅਤੇ ਕਾਰਵਾਈ ਦੀ ਉਡੀਕ ਹੈ।
ਛਾਪੇਮਾਰੀ ਵਿੱਚ ਸ਼ਾਮਲ ਡਾ. ਯੋਗੇਸ਼ ਨੇ ਦੱਸਿਆ ਕਿ ਟੀਮ ਨੇ ਜਲੰਧਰ ਬਾਈਪਾਸ ਦੇ ਨਿਊ ਅਸ਼ੋਕ ਨਗਰ ਨੇੜੇ ਫੈਕਟਰੀ ‘ਤੇ ਛਾਪਾ ਮਾਰਿਆ। ਫੈਕਟਰੀ ਮਾਲਕ ਦਾ ਲਾਇਸੈਂਸ ਕਿਸੇ ਹੋਰ ਜਗ੍ਹਾ ਦਾ ਹੈ। ਸਾਮਾਨ ਹਰਿਆਣਾ ਤੋਂ ਡਰੱਮਾਂ ਵਿੱਚ ਸਪਲਾਈ ਕੀਤਾ ਜਾਂਦਾ ਹੈ। ਫਿਰ ਉਨ੍ਹਾਂ ਨੂੰ ਪੈਕ ਕੀਤਾ ਜਾਂਦਾ ਹੈ ਅਤੇ ਬਾਜ਼ਾਰ ਵਿੱਚ ਸਪਲਾਈ ਕੀਤਾ ਜਾਂਦਾ ਹੈ। ਸੌਸ ਅਤੇ ਮੁਰੱਬਾ ਇਸਤੇਮਾਲ ਕਰਨ ਦੇ ਲਾਇਕ ਨਹੀਂ ਹਨ। ਪੂਰੀ ਤਰ੍ਹਾਂ ਖਰਾਬ ਅਤੇ ਬਦਬੂਦਾਰ ਚੀਜ਼ਾਂ ਨੂੰ ਨਸ਼ਟ ਕੀਤਾ ਜਾ ਰਿਹਾ ਹੈ।
ਉਨ੍ਹਾਂ ਦੱਸਿਆ ਕਿ ਇਸ ਦੌਰਾਨ 200 ਪੇਟੀਆਂ ਸੌਸ, 25 ਡਰੰਮ ਅਤੇ ਲਗਭਗ 1,000 ਕਿਲੋਗ੍ਰਾਮ ਮੁਰੱਬਾ ਮਿਲਿਆ ਹੈ। ਸਿਰਕੇ ਦੀਆਂ ਵੀ ਕਾਫੀ ਪੇਟੀਆਂ ਮਿਲੀਆਂ ਹਨ। ਲੋਕ ਆਪਣੀ ਸਿਹਤ ਲਈ ਮੁਰੱਬਾ ਲੈਂਦੇ ਹਨ ਪਰ ਇਹ ਗੰਦਗੀ ਵਿਚ ਤਿਆਰ ਕੀਤਾ ਮੁਰੱਬਾ ਲੋਕਾਂ ਨੂੰ ਨੁਕਸਾਨ ਦੇਵੇਗਾ। ਹਰਿਆਣਾ ਵਿਚ ਜਿਸ ਥਾਂ ਤੋਂ ਮਾਲ ਆਇਆ ਹੈ, ਉਸ ਸਬੰਧੀ ਉਥੇ ਦੇ ਅਧਿਕਾਰੀਆਂ ਨੂੰ ਸੂਚਨਾ ਦਿੱਤੀ ਜਾਵੇਗੀ।
ਇਹ ਵੀ ਪੜ੍ਹੋ : ਭਾਰਤੀ ਮਹਿਲਾ ਹਾਕੀ ਟੀਮ ਨੇ ਪਾਕਿਸਤਾਨ ਨੂੰ 19-0 ਨਾਲ ਹਰਾਇਆ, ਸੈਮੀਫਾਈਨਲ ‘ਚ ਮਾਰੀ ਐਂਟਰੀ
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
