ਪੰਜਾਬ ਵਿਚ ਅੱਜ ਭਾਜਪਾ ਦੀ ਨਸ਼ਾ ਵਿਰੋਧੀ ਯਾਤਰਾ ਸ਼ੁਰੂ ਹੋਈ ਹੈ। ਇਹ ਯਾਤਰਾ ਪਠਾਨਕੋਟ ਤੋਂ ਸ਼ੁਰੂ ਹੋ ਰਹੀ ਹੈ ਪਰ ਇਨ੍ਹਾਂ ਸਭ ਤੋਂ ਪਹਿਲਾਂ ਹੀ ਸਾਬਕਾ ਕੇਂਦਰੀ ਰਾਜ ਮੰਤਰੀ ਰਵਨੀਤ ਬਿੱਟੂ ਦੇ ਕਾਫਲੇ ‘ਤੇ ਹਮਲਾ ਹੋ ਗਿਆ। ਗੱਡੀ ‘ਤੇ ਹਮਲੇ ਮਗਰੋਂ ਰਵਨੀਤ ਸਿੰਘ ਬਿੱਟੂ ਦਾ ਬਿਆਨ ਸਾਹਮਣੇ ਆਇਆ ਹੈ। ਉਨ੍ਹਾਂ ਦੱਸਿਆ ਕਿ ਮੈਂ ਅੰਮ੍ਰਿਤਸਰ ਤੋਂ ਪਠਾਨਕੋਟ ਵਿਚ ਯਾਤਰਾ ਵਿਚ ਸ਼ਾਮਲ ਹੋਣ ਲਈ ਜਾ ਰਿਹਾ ਸੀ ਕਿ ਬਟਾਲੇ ਦੇ ਕੋਲ ਉਨ੍ਹਾਂ ਦੇ ਕਾਫਲੇ ਨੂੰ ਰੋਕਿਆ ਗਿਆ। ਉਨ੍ਹਾਂ ‘ਤੇ ਟਮਾਟਰ ਤੇ ਆਂਡੇ ਮਾਰੇ ਗਏ।
ਬਿੱਟੂ ਨੇ ਕਿਹਾ ਕਿ ਰਸਤੇ ਵਿਚ 100 ਬੰਦਿਆਂ ਨੇ ਸਾਡੀਆਂ 3 ਜਿਪਸੀਆਂ ਪੱਥਰਾਂ ਨਾਲ ਭੰਨ ਦਿੱਤੀਆਂ। ਸਾਨੂੰ ਡਰਾਉਣ ਲਈ ਸਾਡੇ ‘ਤੇ ਹਮਲਾ ਕੀਤਾ ਗਿਆ। ਉਨ੍ਹਾਂ ਕਿਹਾ ਕਿ ਮੈਂ ਬੇਅੰਤ ਸਿੰਘ ਦਾ ਪੋਤਾ ਹਾਂ, ਅਸੀਂ ਤਾਂ ਕਦੇ ਬੰਬ-ਗੋਲੀਆਂ ਤੋਂ ਨਹੀਂ ਡਰੇ।
ਇਹ ਵੀ ਪੜ੍ਹੋ : ਅੰਮ੍ਰਿਤਸਰ : Zomato ਡਿਲਵਰੀ ਬੁਆਏ ਦਾ ਗੋਲੀ/ਆਂ ਮਾਰ ਕੇ ਕ/ਤ.ਲ, ਇਕ ਸਾਲ ਦੇ ਮਾਸੂਮ ਦਾ ਪਿਤਾ ਸੀ ਸਾਹਿਲ
ਰਵਨੀਤ ਬਿੱਟੂ ਨੇ ਇਲਜ਼ਾਮ ਲਗਾਇਆ ਕਿ AAP ਦੇ 100 ਬੰਦਿਆਂ ਨੇ ਸਾਡੇ ਕਾਫ਼ਲੇ ‘ਤੇ ਹਮਲਾ ਕੀਤਾ ਹੈ। ਸਾਡੀਆਂ ਗੱਡੀਆਂ ‘ਤੇ ਆਂਡੇ ਤੇ ਟਮਾਟਰ ਮਾਰੇ ਗਏ ਤੇ ਹਮਲੇ ‘ਚ ਗੱਡੀਆਂ ਦੇ ਸ਼ੀਸ਼ੇ ਵੀ ਤਿੜਕੇ ਗਏ। ਨਾਲ ਹੀ ਉਨ੍ਹਾਂ ਕਿਹਾ ਕਿ ਕਈ ਲੋਕ ਹਥਿਆਰ ਲੈ ਕੇ ਵੀ ਆਏ ਸੀ। ਮੈਂ ਖੁਦ ਜੱਫਾ ਲਗਾ ਕੇ 2 ਹਮਲਾ ਕਰਨ ਵਾਲਿਆਂ ਨੂੰ ਕਾਬੂ ਕੀਤਾ ਹੈ।ਜਿਨ੍ਹਾਂ ਸਮਾਂ ਕਾਰਵਾਈ ਨਹੀਂ ਹੋਵੇਗੀ ਮੈਂ ਇੱਥੇ ਹੀ ਬੈਠਾ ਹਾਂ। ਜੇ SSP ਨਾ ਪਹੁੰਚੇ ਤਾਂ ਫਿਰ DGP ਨੂੰ ਬੁਲਾਇਆ ਜਾਵੇਗਾ।
