ਜਾਪਾਨ ਦੇ ਨਗੋਇਆ ਵਿਚ ਚੱਲ ਰਹੇ ਏਸ਼ੀਅਨ ਗੇਮਸ ਦੇ ਦੂਜੇ ਦਿਨ ਭਾਰਤ ਦੀ ਪੁਰਸ਼ ਟੀਮ ਨੇ 10 ਮੀਟਰ ਏਅਰ ਰਾਈਫਲ ਟੀਮ ਈਵੈਂਟ ਵਿਚ ਸਿਲਵਰ ਮੈਡਲ ਜਿੱਤਿਆ ਹੈ। ਪਾਰਥ ਮਾਨੇ, ਰੁਦਰਾਂਕਸ਼ ਪਾਟਿਲ ਤੇ ਹਿਮਾਂਸ਼ੂ ਢਿੱਲੋਂ 1890.1 ਅੰਕ ਹਾਸਲ ਕਰਕੇ ਦੂਜੇ ਸਥਾਨ ‘ਤੇ ਰਹੇ।
ਚੀਨੀ ਟੀਮ ਨੇ 1899.9 ਅੰਕ ਲੈ ਕੇ ਪਹਿਲੇ ਤੇ ਕੋਰੀਆ ਦੀ ਟੀਮ ਤੀਜੇ ਸਥਾਨ ‘ਤੇ ਰਹੀ। ਭਾਰਤ ਨੂੰ ਹੁਣ ਤੱਕ ਤਿੰਨ ਮੈਡਲ ਮਿਲੇ ਹਨ। ਤਿੰਨੋਂ ਮੈਡਲ ਸ਼ੂਟਿੰਗ ਵਿਚ ਹੀ ਆਏ ਹਨ। ਤੀਜਾ ਸਿਲਵਰ ਮੈਡਲ ਮਿਲਣ ਨਾਲ ਭਾਰਤ ਏਸ਼ੀਅਨ ਗੇਮਸ ਦੇ ਮੈਡਲ ਟੇਬਲ ਵਿਚ 11ਵੇਂ ਤੋਂ 10ਵੇਂ ਸਥਾਨ ‘ਤੇ ਪਹੁੰਚ ਗਿਆ ਹੈ। ਭਾਰਤ ਦੇ ਖਾਤੇ ਵਿਚ ਹੁਣ 3 ਸਿਲਵਰ ਸਣੇ 3 ਮੈਡਲ ਹਨ। ਚੀਨ 13 ਗੋਲਡ ਸਣੇ 22 ਮੈਡਲਾਂ ਨਾਲ ਪਹਿਲਾਂ ਸਥਾਨ ‘ਤੇ ਹੈ। ਜਾਪਾਨ 6 ਗੋਲਡ ਸਣੇ 21 ਮੈਡਲ ਨਾਲ ਦੂਜੇ ਤੇ ਸਾਊਥ ਕੋਰੀਆ 4 ਗੋਲਡ ਸਣੇ 16 ਮੈਡਲ ਨਾ ਤੀਜੇ ਸਥਾਨ ‘ਤੇ ਹੈ।
ਦੱਸ ਦੇਈਏ ਕਿ ਰੁਦਰਾਂਕਸ਼ ਬਾਲਾਸਾਹੇਬ ਪਾਟਿਲ ਦਾ ਜਨਮ 16 ਦਸੰਬਰ 2003 ਨੂੰ ਠਾਣੇ, ਮਹਾਰਾਸ਼ਟਰ ਵਿਚ ਹੋਇਆ। ਉਹ 10 ਮੀਟਰ ਏਅਰ ਰਾਈਫਲ ਦੇ ਸ਼ੂਟਰ ਹਨ। ਉੁਨ੍ਹਾਂ ਨੇ 2022 ਵਿਚ ਕਾਹਿਰਾ ਵਰਲਡ ਚੈਂਪੀਅਨਸ਼ਿਪ ਵਿਚ ਸਿੰਗਲ ਤੇ ਟੀਮ ਈਵੈਂਟ ਦਾ ਗੋਲਡ ਜਿੱਤਿਆ। ਸਿੰਗਲ ਵਰਲਡ ਟਾਈਟਲ ਜਿੱਤਣ ਵਾਲੇ ਉਹ ਅਭਿਨਵੇ ਬਿੰਦਰਾ ਦੇ ਨਾਲ ਦੂਜੇ ਭਾਰਤੀ ਬਣੇ। 2022 ਵਿਚ ਉਹ 10 ਮੀਟਰ ਏਅਰ ਰਾਈਫਲ ਵਿਚ ਵਰਲਡ ਨੰਬਰ-1 ਵੀ ਰਹੇ।
ਇਹ ਵੀ ਪੜ੍ਹੋ : ਡੇਰਾ ਬਾਬਾ ਨਾਨਕ : ਕਾਂਗਰਸੀ ਸਰਪੰਚ ਨਵਦੀਪ ਸਿੰਘ ਦੇ ਛੋਟੇ ਭਰਾ ਦਾ ਕ.ਤ/ਲ, ਅਣਪਛਾਤਿਆਂ ਨੇ ਵਾਰਦਾਤ ਨੂੰ ਦਿੱਤਾ ਅੰਜਾਮ
ਦੂਜੇ ਪਾਸੇ ਪਾਰਥ ਰਾਕੇਸ਼ ਮਾਨੇ ਦਾ ਜਨਮ 13 ਨਵੰਬਰ 2007 ਨੂੰ ਹੋਇਆ। ਉਹ 10 ਮੀਟਰ ਏਅਰ ਰਾਈਫਲ ਸ਼ੂਟਰ ਹਨ। ਉਨ੍ਹਾਂ ਨੇ 2024 ਵਿਚ ਪੇਰੂ ਦੇ ਲੀਮਾ ਵਿਚ ISSF ਜੂਨੀਅਰ ਵਰਲਡ ਚੈਂਪੀਅਨਸ਼ਿਪ ਵਿਚ ਗੋਲਡ ਜਿੱਤ ਕੇ ਜੂਨੀਅਰ ਵਰਲਡ ਟਾਈਟਲ ਹਾਸਲ ਕੀਤਾ। ਇਸੇ ਸਾਲ ਉਨ੍ਹਾਂ ਨੇ ਜੂਨੀਅਰ ਵਰਲਡ ਕੱਪ ਵਿਚ ਸਿਲਵਰ ਤੇ ਏਸ਼ੀਅਨ ਚੈਂਪੀਅਨਸ਼ਿਪ ਵਿਚ ਕਾਂਸੇ ਦਾ ਤਮਗਾ ਵੀ ਜਿੱਤਿਆ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
