ਦੇਸ਼ ਭਰ ਵਿਚ ਸਾਰੇ ਬੈਂਕ ਇਸ ਹਫਤੇ ਐਤਵਾਰ ਨੂੰ ਵੀ ਖੁੱਲ੍ਹੇ ਰਹਿਣਗੇ। ਵਿੱਤ ਮੰਤਰਾਲੇ ਨੇ ਇਹ ਜਾਣਕਾਰੀ ਦਿੱਤੀ ਹੈ ਕਿ RBI ਨੇ 27 ਸਤੰਬਰ ਨੂੰ ਦੇਸ਼ ਦੀਆਂ ਸਾਰੀਆਂ ਬੈਂਕ ਬ੍ਰਾਂਚਾਂ, ਦਫਤਰਾਂ ਤੇ ATM ਲਿੰਕ ਬ੍ਰਾਂਚਾਂ ਸਣੇ ਸਾਰੀਆਂ ਸੇਵਾਵਾਂ ਨੂੰ ਪੂਰੀ ਤਰ੍ਹਾਂ ਚਾਲੂ ਰੱਖਣ ਦੀ ਮਨਜ਼ੂਰੀ ਦਿੱਤੀ ਹੈ।
ਇਹ ਕਦਮ ਯੂਨਾਈਟਿਡ ਫੋਰਮ ਆਫ ਬੈਂਕ ਯੂਨੀਅਨਸ ਯਾਨੀ UFBU ਦੀ 28 ਤੋਂ 30 ਸਤੰਬਰ 2026 ਤੱਕ ਪ੍ਰਸਤਾਵਿਤ ਤਿੰਨ ਦਿਨਾ ਦੇਸ਼ਵਿਆਪੀ ਬੈਂਕ ਹੜਤਾਲ ਨੂੰ ਦੇਖਣ ਲਈ ਚੁੱਕਿਆ ਗਿਆ ਹੈ। ਹੜਤਾਲ ਤੋਂ ਠੀਕ ਪਹਿਲਾਂ 26 ਸਤੰਬਰ ਤੇ 27 ਸਤੰਬਰ ਨੂੰ ਵੀਕੈਂਡ ਦੀਆਂ ਛੁੱਟੀਆਂ ਪੈ ਰਹੀਆਂ ਹਨ। ਅਜਿਹੇ ਵਿਚ ਲਗਾਤਾਰ 5 ਦਿਨਾਂ ਤੱਕ ਬੈਂਕਿੰਗ ਸਰਵਿਸਿਜ਼ ਬੰਦ ਹੋਣ ਦਾ ਖਤਰਾ ਬਣਿਆ ਹੋਇਆ ਸੀ। ਸਰਕਾਰ ਨੇ ਨਾਗਰਿਕਾਂ ਦੀ ਬੈਂਕਿੰਗ ਜ਼ਰੂਰਤਾਂ ਨੂੰ ਧਿਆਨ ਵਿਚ ਰੱਖਦੇ ਹੋਏ ਇਹ ਫੈਸਲਾ ਲਿਆ ਹੈ। ਵਿੱਤ ਮੰਤਰਾਲੇ ਨੇ ਕਿਹਾ ਕਿ ਲੋਕਾਂ ਦੀ ਜ਼ਰੂਰੀ ਬੈਂਕਿੰਗ ਜ਼ਰੂਰਤਾਂ ‘ਤੇ ਲੰਬੇ ਸਮੇਂ ਤੱਕ ਅਸਰ ਨਾ ਪਵੇ, ਇਸ ਨੂੰ ਯਕੀਨੀ ਬਣਾਉਣ ਲਈ ਸਾਰੇ ਸਰਕਾਰੀ ਬੈਂਕ ਤੇ ਖੇਤਰੀ ਗ੍ਰਾਮੀਣ ਬੈਂਕ ਐਤਵਾਰ 27 ਸਤੰਬਰ ਨੂੰ ਖੁੱਲ੍ਹੇ ਰਹਿਣਗੇ। ਰਿਜ਼ਰਵ ਬੈਕ ਨੇ ਸਾਰੀਆਂ ਬ੍ਰਾਂਚਾਂ, ATM ਲਿੰਕ ਬ੍ਰਾਂਚਾਂ, ਦਫਤਰਾਂ ਤੇ ਕਰੰਸੀ ਚੈਸਟਸ ਨੂੰ ਇਸ ਦਿਨ ਪੂਰੀ ਤਰ੍ਹਾਂ ਚਾਲੂ ਰੱਖਣ ਨੂੰ ਮਜ਼ਦੂਰੀ ਦਿੱਤੀ ਹੈ। ਸਰਕਾਰ ਨੇ ਕਿਹਾ ਕਿ ਬੈਂਕ ਗਾਹਕਾਂ ਨੂੰ ਸਹੂਲਤ ਦੇਣਾ ਸਾਡੀ ਪਹਿਲ ਹੈ। ਸਰਕਾਰ ਤੇ ਬੈਂਕ ਪ੍ਰਬੰਧਨਾਂ ਨੇ ਬੈਂਕ ਯੂਨੀਅਨਾਂ ਤੋਂ ਪ੍ਰਸਤਾਵਿਤ ਹੜਤਾਲ ਨੂੰ ਮੁਲਤਵੀ ਕਰਨ ਦੀ ਅਪੀਲ ਕੀਤੀ ਹੈ।
ਇਹ ਵੀ ਪੜ੍ਹੋ : ED ਦੇ ਛਾਪਿਆਂ ਖਿਲਾਫ਼ ਪੰਜਾਬ ਸਰਕਾਰ ਨੇ ਖੜਕਾਇਆ ਹਾਈਕੋਰਟ ਦਾ ਦਰਵਾਜ਼ਾ, HC ਨੇ ਨਿਯੁਕਤ ਕੀਤਾ ਵਾਰੰਟ ਅਫ਼ਸਰ
ਇਕ ਦਿਨ ਪਹਿਲਾਂ UFBU ਨੇ ਕਿਹਾ ਸੀ ਕਿ ਉਹ ਹੜਤਾਲ ਟਾਲਣ ਦੇ ਮੂਡ ਵਿਚ ਨਹੀਂ ਹਨ। ਦੇਸ਼ ਭਰ ਦੇ ਬੈਂਕ ਮੁਲਾਜ਼ਮ 28, 29 ਤੇ 30 ਸਤੰਬਰ ਨੂੰ 3 ਦਿਨ ਦੇਸ਼ਵਿਆਪੀ ਹੜਤਾਲ ਕਰਨਗੇ। 22 ਸਤੰਬਰ ਨੂੰ ਇੰਡੀਅਨ ਬੈਂਕਸ ਐਸੋਸੀਏਸ਼ਨ ਤੇ ਵਿੱਤ ਮੰਤਰਾਲੇ ਦੇ ਡਿਪਾਰਟਮੈਂਟ ਆਫ ਫਾਈਨੈਂਸ਼ੀਅਨਲ ਸਰਵਿਸਿਜ਼ (DFS) ਨਾਲ ਗੱਲਬਾਤ ਬੇਨਤੀਜਾ ਰਹੀ ਜਿਸ ਦੇ ਬਾਅਦ ਯੂਨੀਅਨਸ ਨੇ ਇਹ ਫੈਸਲਾ ਲਿਆ।
ਦੱਸ ਦੇਈਏ ਕਿ ਬੈਂਕ ਯੂਨੀਅਨਸ ਲੰਬੇ ਸਮੇਂ ਤੋਂ ਹਫਤੇ ਵਿਚ ਦਿਨ ਕੰਮ ਯਾਨੀ 5-ਡੇ ਵਰਕਿੰਗ ਦੀ ਮੰਗ ਕਰ ਰਹੀ ਹੈ। ਯੂਨੀਅਨ ਦਾ ਕਹਿਣਾ ਹੈ ਕਿ ਮਾਰਚ 2024 ਵਿਚ ਬਾਇਲੇਟਰਲ ਵੈਜ ਰਿਵੀਜ਼ਨ ਐਗਰੀਮੈਂਟ ਤਹਿਤ 5-ਡੇ ਬੈਂਕਿੰਗ ‘ਤੇ ਸਹਿਮਤੀ ਬਣੀ ਸੀ ਤੇ ਇਸ ‘ਤੇ ਹਸਤਾਖਰ ਵੀ ਹੋਏ ਸਨ ਪਰ ਸਰਕਾਰ ਨੇ ਇਸ ਨੂੰ ਅਜੇ ਤੱਕ ਲਾਗੂ ਨਹੀਂ ਕੀਤਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
