ਮੋਦੀ ਕੈਬਨਿਟ ਨੇ ਸਾਲ 2027-28 ਲਈ ਸਾਰੀਆਂ 6 ਹਾੜ੍ਹੀ ਦੀਆਂ ਫਸਲਾਂ ਦੀ MSP ਵਧਾਉਣ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਕਣਕ ਦੀ MSP ਵਿਚ 25 ਰੁਪਏ ਪ੍ਰਤੀ ਕੁਇੰਟਲ ਦਾ ਵਾਧਾ ਹੋਇਆ। ਫੈਸਲੇ ਦੀ ਜਾਣਕਾਰੀ ਕੇਂਦਰੀ ਮੰਤਰੀ ਅਸ਼ਵਨੀ ਵੈਸ਼ਣਵ ਨੇ ਦਿੱਤੀ।
ਕੁਸੁੰਭ ਦੇ MSP ‘ਚ ਸਭ ਤੋਂ ਵੱਧ 675 ਰੁਪਏ ਪ੍ਰਤੀ ਕੁਇੰਟਲ ਦਾ ਵਾਧਾ ਹੋਇਆ। ਰੇਪਸੀਡ ਤੇ ਸਰ੍ਹੋਂ ਦੇ ਭਾਅ ‘ਚ 413 ਰੁਪਏ ਪ੍ਰਤੀ ਕੁਇੰਟਲ ਦੇ ਵਾਧੇ ਨੂੰ ਮਨਜ਼ੂਰੀ ਮਿਲੀ। ਜੌਂ ਦੀ MSP ‘ਚ 136 ਰੁਪਏ ਪ੍ਰਤੀ ਕੁਇੰਟਲ ਦਾ ਵਾਧਾ ਹੋਇਆ। ਮਸਰ ਦੀ ਦਾਲ ਦੀ MSP ‘ਚ 390 ਰੁਪਏ ਦਾ ਇਜ਼ਾਫ਼ਾ ਹੋਇਆ ਤੇ ਛੋਲਿਆਂ ਦੇ MSP ‘ਚ 83 ਰੁਪਏ ਪ੍ਰਤੀ ਕੁਇੰਟਲ ਦਾ ਵਾਧਾ ਹੋਇਆ ਹੈ।
ਦੂਜੇ ਪਾਸੇ ਕੇਂਦਰੀ ਮੰਤਰੀ ਮੰਡਲ ਨੇ ਗ੍ਰੀਨ ਐਨਰਜੀ ਕਾਰੀਡੋਰ ਫੇਜ਼-III ਯੋਜਨਾ ਨੂੰ ਵੀ ਮਨਜ਼ੂਰੀ ਦਿੱਤੀ। ਇਸ ਯੋਜਨਾ ‘ਤੇ 1,86,405 ਕਰੋੜ ਰੁਪਏ ਖਰਚ ਹੋਣਗੇ। ਯੋਜਨਾ ਤਹਿਤ ਸੂਬੇ ਤੇ ਕੇਂਦਰ ਸ਼ਾਸਿਤ ਸੂਬਿਆਂ ਵਿਚ 135 GW ਤਕ ਰਿਨਿਊਏਬਲ ਐਨਰਜੀ ਲਈ ਇੰਸਟ੍ਰਾਸਟੇਟ ਟ੍ਰਾਂਸਮਿਸ਼ਨ ਸਿਸਟਮ ਬਣਾਇਆ ਜਾਵੇਗਾ। ਇਹ ਕੰਮ ਸਾਲ 2032-33 ਤੱਕ ਪੂਰਾ ਕਰਨ ਦਾ ਟੀਚਾ ਹੈ।
ਇਹ ਵੀ ਪੜ੍ਹੋ : ‘2029 ਤੱਕ ਪੰਜਾਬ ‘ਚੋਂ ਨਸ਼ਾ ਖਤਮ ਕਰ ਦਿਆਂਗੇ’ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਪੰਜਾਬੀਆਂ ਨਾਲ ਕੀਤਾ ਵਾਅਦਾ
ਸਰਕਾਰ ਨੇ ਦੇਸ਼ ਵਿਚ ਸੌਰ ਤੇ ਹਵਾ ਊਰਜਾ ਨਾਲ ਬਣਨ ਵਾਲੀ ਸਾਫ ਬਿਜਲੀ ਨੂੰ ਬਿਨਾਂ ਰੁਕਾਵਟ ਘਰਾਂ ਤੱਕ ਪਹੁੰਚਾਉਣ ਲਈ ਇਹ ਫੈਸਲਾ ਲਿਆ ਹੈ। ਸੂਰਜ ਢਲਣ ਜਾਂ ਹਵਾ ਬੰਦ ਹੋਣ ‘ਤੇ ਅਕਸਰ ਬਿਜਲੀ ਜਾਣ ਦਾ ਡਰ ਰਹਿੰਦਾ ਹੈ, ਇਸ ਲਈ ਇਸ ਯੋਜਨਾ ਤਹਿਤ ਭਾਰੀ ਬੈਟਰੀਆਂ ਲਗਾਈਆਂ ਜਾਣਗੀਆਂ ਜੋ ਦਿਨ ਦੀ ਬਿਜਲੀ ਨੂੰ ਰਾਤ ਵਿਚ ਇਸਤੇਮਾਲ ਲਈ ਜਮ੍ਹਾ ਕਰਕੇ ਰੱਖਣਗੀਆਂ। ਨਾਲ ਹੀ ਸੂਬਿਆਂ ਦੇ ਅੰਦਰ ਬਿਜਲੀ ਦੀਆਂ ਤਾਰਾਂ ਤੇ ਖੰਭਿਆਂ ਦਾ ਇਕ ਨੈਟਵਰਕ ਬਣਾਇਆ ਜਾਵੇਗਾ, ਜਿਸ ਨਾਲ ਬਿਜਲੀ ਦਾ ਨੁਕਸਾਨ ਨਾ ਹੋਵੇ, ਘਰ ਵਿਚ ਬਿਜਲੀ ਦੀ ਕਟੌਤੀ ਬੰਦ ਹੋਵੇ ਤੇ ਸਸਤੀ ਤੇ ਸਾਫ ਬਿਜਲੀ 24 ਘੰਟੇ ਬਿਨਾਂ ਰੁਕਾਵਟ ਮਿਲਦੀ ਰਹੇ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
