ਤਸਕਰੀ ਲਈ ਇਕ ਤੋਂ ਇਕ ਨਵੇਂ ਹੱਥਕੰਡੇ ਅਪਣਾਏ ਜਾ ਰਹੇ ਹਨ। ਦੂਜੇ ਪਾਸੇ ਸਾਡੀਆਂ ਸੁਰੱਖਿਆ ਏਜੰਸੀਆਂ ਵੀ ਹਰ ਤਰ੍ਹਾਂ ਤੋਂ ਚੌਕਸ ਰਹਿ ਕੇ ਤਸਕਰਾਂ ਦੇ ਮਨਸੂਬਿਆਂ ਨੂੰ ਫੇਲ ਕਰ ਰਹੀਆਂ ਹਨ। ਤਾਜ਼ਾ ਮਾਮਲਾ ਹੈ ਕਾਰ ਵਿਚ ਤਸਕਰੀ ਲਈ ਲਿਜਾਏ ਜਾ ਰਹੇ ਸੋਨੇ ਦੇ ਬਿਸਕੁਟ ਦਾ। ਤਸਕਰੀ ਲਈ ਇਸ ਬਿਸਕੁਟ ਨੂੰ ਕਾਰ ਵਿਚ ਇੰਨੀ ਸਫਾਈ ਨਾਲ ਲੁਕਾਇਆ ਗਿਆ ਕਿ ਬਾਹਰ ਤੋਂ ਦੇਖ ਕੇ ਕਿਸੇਨੂੰ ਵੀ ਅੰਦਾਜ਼ਾ ਲਗਾ ਪਾਉਣਾ ਮੁਸ਼ਕਲ ਹੈ। ਹਾਲਾਂਕਿ ਸੁਰੱਖਿਆ ਅਧਿਕਾਰੀਆਂ ਦੀ ਚੌਕਸੀ ਦੀ ਵਜ੍ਹਾ ਤੋਂ ਬਦਮਾਸ਼ਾਂ ਦੇ ਮਨਸੂਬਿਆਂ ‘ਤੇ ਪਾਣੀ ਫਿਰ ਗਿਆ।
ਸੋਨੇ ਦੀ ਤਸਕਰੀ ਖਿਲਾਫ ਵੱਡੀ ਕਾਰਵਾਈ ਕਰਦੇ ਹੋਏ DRI ਦੀ ਟੀਮ ਨੇ ਇਕ ਕਾਰ ਤੋਂ 3.83 ਕਰੋੜ ਰੁਪਏ ਦੇ 25 ਸੋਨੇ ਦੇ ਬਿਸਕੁਟ ਬਰਾਮਦ ਕੀਤੇ ਹਨ। ਜ਼ਬਤ ਕੀਤੀਆਂ ਗਈਆਂ ਬਿਸਕੁਟਾਂ ਦੀ ਗਿਣਤੀ 25 ਦੱਸੀ ਜਾ ਰਹੀ ਹੈ। ਇਨ੍ਹਾਂ ਨੂੰ ਬਣਾਉਣ ਵਿਚ ਇਸਤੇਮਾਲ ਹੋਏ ਸੋਨੇ ਦਾ ਕੁੱਲ ਭਾਰ 2.98 ਕਿਲੋਗ੍ਰਾਮ ਹੈ। ਮਾਮਲੇ ਵਿਚ 2 ਤਸਕਰਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਖੁਫੀਆ ਜਾਣਕਾਰੀ ਦੇ ਆਧਾਰ ‘ਤੇ ਡੀਆਰਆਈ ਦੇ ਅਧਿਕਾਰੀਆਂ ਨੂੰ ਪਤਾ ਲੱਗਾ ਸੀ ਕਿ ਕਾਰ ਜ਼ਰੀਏ ਭਾਰੀ ਮਾਤਰਾ ਵਿਚ ਵਿਦੇਸ਼ੀ ਸੋਨੇ ਦੀ ਤਸਕਰੀ ਕੀਤੀ ਜਾ ਰਹੀ ਹੈ। ਇਹ ਕਾਰ ਕੋਲਕਾਤਾ ਤੋਂ ਚੱਲ ਕੇ ਭੁਵਨੇਸ਼ਵਰ ਦੇ ਰਸਤੇ ਹੈਦਰਾਬਾਦ ਜਾ ਰਹੀ ਸੀ। ਡੀਆਰਆਈ ਦੀ ਟੀਮ ਭੁਵਨੇਸ਼ਵਰ ਤੋਂ ਹੀ ਇਸ ਸ਼ੱਕੀ ਵਾਹਨ ‘ਤੇ ਸਖਤ ਨਜ਼ਰ ਰੱਖ ਰਹੀ ਸੀ। ਜਿਵੇਂ ਹੀ ਕਾਰ ਹੈਦਰਾਬਾਦ ਪਹੁੰਚੀ ਅਧਿਕਾਰੀਆਂ ਨੇ ਇਸ ਨੂੰ ਘੇਰ ਕੇ ਰੋਕ ਲਿਆ। ਸ਼ੁਰੂਆਤੀ ਜਾਂਚ ਵਿਚ ਕੁਝ ਵੀ ਸ਼ੱਕੀ ਨਜ਼ਰ ਨਹੀਂ ਆਇਆ।
ਤਸਕਰਾਂ ਨੇ ਇੰਨੀ ਸਫਾਈ ਨਾਲ ਸੋਨਾ ਲੁਕਾਇਆ ਸੀ ਕਿ ਪਤਾ ਲਗਾਉਣਾ ਮੁਸ਼ਕਲ ਸੀ। ਹਾਲਾਂਕਿ ਜਦੋਂ ਟੀਮ ਨੇ ਵਾਹਨ ਦੀ ਡੂੰਘਾਈ ਨਾਲ ਤਲਾਸ਼ੀ ਲਈ ਤਾਂ ਪਤਾ ਲੱਗਾ। ਤਸਕਰਾਂ ਨੇ ਕਾਰ ਦੀ ਹੈੱਡਲਾਈਟ ਦੇ ਠੀਕ ਪਿੱਛੇ ਇਕ ਗੁਪਤ ਜਗ੍ਹਾ ਬਣਾ ਕੇ ਉਸ ਵਿਚ ਸੋਨੇ ਦੇ ਬਿਸਕੁਟ ਲੁਕਾ ਕੇ ਰੱਖੇ ਹੋਏ ਸਨ।
ਇਹ ਵੀ ਪੜ੍ਹੋ : ਪੰਜਾਬ ਸਿੱਖਿਆ ਵਿਭਾਗ ਦਾ ਐਕਸ਼ਨ! ਸਕੂਲ ਆਫ ਐਮੀਨੈਂਸ ਵਰਪਾਲ ਦੇ ਪ੍ਰਿੰਸੀਪਲ ਜਸਪ੍ਰੀਤ ਸਿੰਘ ਨੂੰ ਕੀਤਾ ਮੁਅੱਤਲ
DRI ਅਧਿਕਾਰੀਆਂ ਵੱਲੋਂ ਤਸਕਰੀ ਵਿਚ ਇਸਤੇਮਾਲ ਕੀਤੀ ਗਈ ਕਾਰ ਤੇ ਸੋਨਾ ਜ਼ਬਤ ਕਰ ਲਿਆ ਗਿਆ। ਦੂਜੇ ਪਾਸੇ ਕਾਰ ਵਿਚ ਸਵਾਰ ਦੋਵੇਂ ਮੁਲਜ਼ਮਾਂ ਨੂੰ ਵੀ ਮੌਕੇ ਤੋਂ ਗ੍ਰਿਫਤਾਰ ਕਰਕੇ ਅੱਗੇ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਸੁਰੱਖਿਆ ਏਜੰਸੀਆਂ ਇਹ ਪਤਾ ਲਗਾਉਣ ਵਿਚ ਲੱਗੀਆਂ ਹਨ ਕਿ ਕਿਤੇ ਇਸ ਦੇ ਪਿੱਛੇ ਕੌਮਾਂਤਰੀ ਗਿਰੋਹ ਦਾ ਹੱਥ ਤਾਂ ਨਹੀਂ ਹੈ।
ਵੀਡੀਓ ਲਈ ਕਲਿੱਕ ਕਰੋ -:

Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ








