ਲੁਧਿਆਣਾ: ਨਗਰ ਨਿਗਮ ਕਰਮਚਾਰੀ ਸੰਘ (ਰਜਿ.) ਦੇ ਚੇਅਰਮੈਨ ਸ੍ਰੀ ਬਾਬੂ ਰਾਮ ਗਾਗਟ, ਪ੍ਰਧਾਨ ਡੀ.ਪੀ. ਖੋਸਲਾ, ਉਪ ਪ੍ਰਧਾਨ ਅਸ਼ੋਕ ਕੁਮਾਰ, ਸਕੱਤਰ ਜਸਵੀਰ ਗਿੱਲ ਅਤੇ ਕੈਸ਼ੀਅਰ ਰਾਜੇਸ਼ ਕਲਿਆਣ ਜੱਸੀ ਵੱਲੋਂ ਨਗਰ ਨਿਗਮ ਲੁਧਿਆਣਾ ਦੇ ਕਰਮਚਾਰੀਆਂ, ਖ਼ਾਸ ਕਰਕੇ ਦਰਜਾ ਚਾਰ ਅਤੇ ਸਫ਼ਾਈ ਕਰਮਚਾਰੀਆਂ ਦੀਆਂ ਲੰਬੇ ਸਮੇਂ ਤੋਂ ਲਟਕ ਰਹੀਆਂ ਸਮੱਸਿਆਵਾਂ ਨੂੰ ਲੈ ਕੇ ਅੱਜ ਨਗਰ ਨਿਗਮ ਦਫ਼ਤਰ (ਜ਼ੋਨ-ਏ) ਵਿਖੇ ਮਾਮਲਾ ਗਰਮਾ ਗਿਆ।
ਡਾ. ਡੀ.ਪੀ. ਖੋਸਲਾ ਸਮੇਤ ਸੰਘ ਦੇ ਆਗੂਆਂ ਵੱਲੋਂ ਸਿਹਤ ਵਿਭਾਗ ਦੇ ਕਮਰਾ ਨੰਬਰ 37 ਦੀ ਅਚਾਨਕ ਜਾਂਚ ਕੀਤੀ ਗਈ। ਇਸ ਦੌਰਾਨ ਪਾਇਆ ਗਿਆ ਕਿ ਕਲਰਕ ਡਿਊਟੀ ਦਾ ਸਮਾਂ ਸ਼ਾਮ 5 ਵਜੇ ਖ਼ਤਮ ਹੋਣ ਤੋਂ ਪਹਿਲਾਂ ਹੀ ਦਫ਼ਤਰ ਵਿੱਚੋਂ ਗਾਇਬ ਸਨ। ਮੌਕੇ ‘ਤੇ ਮਿਲੀ ਜਾਣਕਾਰੀ ਅਨੁਸਾਰ ਅਮਿਤ ਕੁਮਾਰ ਨਾਮਕ ਕਲਰਕ ਦੁਪਹਿਰ 3:30 ਵਜੇ ਹੀ ਦਫ਼ਤਰ ਛੱਡ ਕੇ ਚਲਾ ਗਿਆ ਸੀ। ਇਸ ਕਾਰਨ ਆਪਣੇ ਬਕਾਏ, ਡੀ.ਏ. (DA) ਅਤੇ ਹੋਰ ਕੰਮਾਂ ਲਈ ਦਫ਼ਤਰ ਆਉਣ ਵਾਲੇ ਬਜ਼ੁਰਗ ਸੇਵਾਮੁਕਤ ਸਫ਼ਾਈ ਕਰਮਚਾਰੀ ਸ੍ਰੀ ਹੰਸ ਰਾਜ ਪੁੱਤਰ ਸ੍ਰੀ ਫਕੀਰ ਚੰਦ ਨੂੰ ਕਾਫ਼ੀ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
ਡਾ. ਖੋਸਲਾ ਵੱਲੋਂ ਉਠਾਏ ਗਏ ਮੁੱਖ ਮੁੱਦੇ ਅਤੇ ਦੋਸ਼
100 ਸਰਵਿਸ ਬੁੱਕਾਂ ਵਿੱਚੋਂ 73 ਗਾਇਬ: ਪਿਛਲੇ ਪੰਜ ਸਾਲਾਂ ਤੋਂ ਸਫ਼ਾਈ ਕਰਮਚਾਰੀਆਂ ਦੀਆਂ ਸਰਵਿਸ ਬੁੱਕਾਂ ਦਾ ਕੋਈ ਪਤਾ ਨਹੀਂ ਹੈ। ਇਨ੍ਹਾਂ ਵਿੱਚੋਂ ਸਿਰਫ਼ 27 ਫਾਈਲਾਂ ਹੀ ਮਿਲੀਆਂ ਹਨ, ਜਦਕਿ 73 ਕਰਮਚਾਰੀਆਂ ਦੀਆਂ ਸਰਵਿਸ ਬੁੱਕਾਂ ਅਤੇ ਮੌਤ ਉਪਰੰਤ ਆਸ਼ਰਿਤਾਂ ਨੂੰ ਮਿਲਣ ਵਾਲੇ ਲਾਭਾਂ ਨਾਲ ਸਬੰਧਤ ‘ਡੈੱਥ ਕੇਸ’ ਦੀਆਂ ਫਾਈਲਾਂ ਅਜੇ ਤੱਕ ਦਫ਼ਤਰੀ ਅਲਮਾਰੀਆਂ ਵਿੱਚ ਦੱਬੀਆਂ ਪਈਆਂ ਹਨ।
1208 ਕਰਮਚਾਰੀਆਂ ਦਾ ਕੋਈ ਅਤਾ-ਪਤਾ ਨਹੀਂ: ਨਗਰ ਨਿਗਮ ਵੱਲੋਂ ਰੱਖੇ ਗਏ 1208 ਕਰਮਚਾਰੀ ਕਿੱਥੇ ਅਤੇ ਕਿਸ ਅਧਿਕਾਰੀ ਜਾਂ ਵਿਭਾਗ ਦੇ ਅਧੀਨ ਕੰਮ ਕਰ ਰਹੇ ਹਨ, ਇਸ ਬਾਰੇ ਅਧਿਕਾਰੀਆਂ ਕੋਲ ਵੀ ਕੋਈ ਸਪੱਸ਼ਟ ਜਾਣਕਾਰੀ ਨਹੀਂ ਹੈ।
ਭ੍ਰਿਸ਼ਟਾਚਾਰ ਦੇ ਦੋਸ਼: ਸੰਘ ਦੇ ਆਗੂਆਂ ਨੇ ਚੇਤਾਵਨੀ ਦਿੱਤੀ ਕਿ ਨਗਰ ਨਿਗਮ ਵਿੱਚ ਹੋਏ 8 ਕਰੋੜ ਰੁਪਏ ਦੇ ਖਰੀਦ ਘੁਟਾਲੇ ਸਮੇਤ ਹੋਰ ਸਾਰੇ ਮਾਮਲਿਆਂ ਦੀ ਨਿਰਪੱਖ ਜਾਂਚ ਕਰਵਾਈ ਜਾਵੇਗੀ ਅਤੇ ਦੋਸ਼ੀਆਂ ਨੂੰ ਕਿਸੇ ਵੀ ਕੀਮਤ ‘ਤੇ ਬਖ਼ਸ਼ਿਆ ਨਹੀਂ ਜਾਵੇਗਾ।
ਇਹ ਵੀ ਪੜ੍ਹੋ : ਨਿਊਯਾਰਕ ‘ਚ ਵੇਖਦੇ ਹੀ ਵੇਖਦੇ ਢਹਿ ਗਈ 3 ਮੰਜ਼ਿਲਾ ਇਮਾਰਤ, 8 ਲੋਕਾਂ ਦੀ ਮੌਤ, ਕਈ ਜ਼ਖਮੀ
ਇਸ ਮਾਮਲੇ ਸਬੰਧੀ ਹੈਲਥ ਸੁਪਰਡੈਂਟ ਸ੍ਰੀਮਤੀ ਬਿੰਦੀਆ ਭੱਟੀ ਜੀ ਨਾਲ ਮੁਲਾਕਾਤ ਕੀਤੀ ਗਈ। ਪੱਤਰਕਾਰਾਂ ਵੱਲੋਂ ਪੁੱਛੇ ਗਏ ਸਵਾਲਾਂ ਦੇ ਜਵਾਬ ਵਿੱਚ ਸੁਪਰਡੈਂਟ ਨੇ ਮੰਨਿਆ ਕਿ ਕਲਰਕ ਅਮਿਤ ਕੁਮਾਰ ਵੱਲੋਂ ਦੁਪਹਿਰ 3:30 ਵਜੇ ਦਫ਼ਤਰ ਛੱਡ ਕੇ ਜਾਣ ਬਾਰੇ ਉਨ੍ਹਾਂ ਨੂੰ ਕੋਈ ਜਾਣਕਾਰੀ ਨਹੀਂ ਸੀ। ਉਨ੍ਹਾਂ ਭਰੋਸਾ ਦਿੱਤਾ ਕਿ ਸਬੰਧਤ ਕਲਰਕ ਨੂੰ ਕੱਲ੍ਹ ਕਾਰਨ ਦੱਸੋ ਨੋਟਿਸ (Show Cause Notice) ਜਾਰੀ ਕੀਤਾ ਜਾਵੇਗਾ। ਇਸ ਤੋਂ ਇਲਾਵਾ, ਉਨ੍ਹਾਂ ਕੱਲ੍ਹ ਸਾਰੇ ਸਬੰਧਤ ਕਰਮਚਾਰੀਆਂ ਦੀ ਮੀਟਿੰਗ ਬੁਲਾ ਕੇ ਗਾਇਬ ਫਾਈਲਾਂ ਅਤੇ ਲੰਬੇ ਸਮੇਂ ਤੋਂ ਲਟਕ ਰਹੇ ਮਾਮਲਿਆਂ ਦਾ ਜਲਦ ਹੱਲ ਕਰਨ ਦਾ ਭਰੋਸਾ ਵੀ ਦਿੱਤਾ।
ਨਗਰ ਨਿਗਮ ਕਰਮਚਾਰੀ ਸੰਘ ਦੇ ਆਗੂਆਂ ਨੇ ਸੁਪਰਡੈਂਟ ਦੇ ਭਰੋਸੇ ਤੋਂ ਬਾਅਦ ਨਗਰ ਨਿਗਮ ਪ੍ਰਸ਼ਾਸਨ ਨੂੰ 3 ਤੋਂ 4 ਦਿਨਾਂ ਦਾ ਅਲਟੀਮੇਟਮ ਦਿੱਤਾ ਹੈ। ਉਨ੍ਹਾਂ ਸਪੱਸ਼ਟ ਚੇਤਾਵਨੀ ਦਿੱਤੀ ਕਿ ਜੇਕਰ ਇਸ ਸਮੇਂ ਦੌਰਾਨ ਸਫ਼ਾਈ ਕਰਮਚਾਰੀਆਂ ਦੀਆਂ ਗਾਇਬ ਸਰਵਿਸ ਬੁੱਕਾਂ ਅਤੇ ਡੈੱਥ ਕੇਸਾਂ ਦੀਆਂ ਫਾਈਲਾਂ ਨਹੀਂ ਲੱਭੀਆਂ ਗਈਆਂ ਅਤੇ ਮਸਲਿਆਂ ਦਾ ਹੱਲ ਨਹੀਂ ਕੀਤਾ ਗਿਆ ਤਾਂ ਸੰਘ ਵੱਲੋਂ ਨਗਰ ਨਿਗਮ ਦਫ਼ਤਰ ਵਿੱਚ ਪੱਕਾ ਧਰਨਾ ਲਗਾਇਆ ਜਾਵੇਗਾ। ਇਸ ਮੌਕੇ ਸ. ਸੁਖਜੀਤ ਸਿੰਘ ਸੁੱਖੀ ਜਨਰਲ ਸਕੱਤਰ, ਸਨੀ ਕੁਮਾਰ ਸਕੱਤਰ, ਸੰਦੀਪ ਸ਼ਰਮਾ ਦਫ਼ਤਰ ਸਕੱਤਰ, ਇਸ਼ੂ ਸਰਸਵਾਲ, ਸਾਹਿਲ ਘਈ, ਜਤਿੰਦਰ ਆਹੂਜਾ ਅਤੇ ਸੋਨੂੰ ਕੰਗ ਵੀ ਹਾਜ਼ਰ ਸਨ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
