ਮਹਾਦੇਵ ਬੈਟਿੰਗ ਐਪ ਖਿਲਾਫ ਜਾਂਚ ਵਿਚ ਸੀਬੀਆਈ ਨੂੰ ਦੇਸ਼ ਭਰ ਵਿਚ ਫੈਲੇ ਸੱਟੇਬਾਜ਼ੀ ਨੈਟਵਰਕ ਨਾਲ ਜੁੜੇ ਅਹਿਮ ਸੁਰਾਗ ਮਿਲੇ ਹਨ। ਜਾਂਚ ਏਜੰਸੀ ਨੇ ਇਕੱਠੇ ਕਈ ਸੂਬਿਆਂ ਵਿਚ ਕਾਰਵਾਈ ਕੀਤੀ ਹੈ। ਇਸ ਦੌਰਾਨ ਅੰਮ੍ਰਿਤਸਰ ਸਣੇ 6 ਸੂਬਿਆਂ ਤੇ ਦਿੱਲੀ ਦੇ 13 ਸ਼ਹਿਰਾਂ ਵਿਚ 33 ਟਿਕਾਣਿਆਂ ‘ਤੇ ਤਲਾਸ਼ੀ ਲਈ ਗਈ। ਜਾਂਚ ਟੀਮਾਂ ਨੂੰ ਕਈ ਥਾਂ ਆਨਲਾਈਨ ਸੱਟੇਬਾਜ਼ੀ ਦੇ ਪੈਨਲ ਚੱਲਦੇ ਮਿਲਦੇ। ਇਨ੍ਹਾਂ ਪੈਨਲਾਂ ਨੂੰ ਬੰਦ ਕਰਾਇਆ ਗਿਆ ਹੈ।
ਕਾਰਵਾਈ ਦੌਰਾਨ ਡਿਜੀਟਲ ਉਪਕਰਣ ਤੇ ਕਈ ਅਹਿਮ ਦਸਤਾਵੇਜ਼ ਜ਼ਬਤ ਕੀਤੇ ਗਏ। ਜਾਂਚ ਦਾ ਦਾਇਰਾ ਹੁਣ ਪੈਨਲ ਚਲਾਉਣ ਵਾਲਿਆਂ ਤੋਂ ਲੈ ਕੇ ਪੈਸਿਆਂ ਦੇ ਲੈਣ-ਦੇਣ ਤੇ ਵਿਦੇਸ਼ ਤੱਕ ਫੈਲੇ ਨੈਟਵਰਕ ‘ਤੇ ਕੇਂਦਰਿਤ ਹੈ। ਮਹਾਦੇਵ ਬੈਟਿੰਗ ਐਪ ਦੇ ਮੁੱਖ ਦੋਸ਼ੀਆਂ ਵਿਚ ਸ਼ਾਮਲ ਸੌਰਭ ਚੰਦਰਾਕਰ ਨੂੰ 1 ਨਵੰਬਰ 2026 ਨੂੰ ਓਮਾਨ ਤੋਂ ਭਾਰਤ ਲਿਆਉਣ ਮਗਰੋਂ ਗ੍ਰਿਫਤਾਰ ਕੀਤਾ ਗਿਆ ਸੀ। ਗ੍ਰਿਫਤਾਰੀ ਮਗਰੋਂ ਸੀਬੀਆਈ ਨੇ ਉਸ ਤੋਂ ਪੁੱਛਗਿਛ ਕੀਤੀ।
ਇਸ ਦੌਰਾਨ ਜਾਂਚ ਏਜੰਸੀ ਨੂੰ ਦੇਸ਼ ਭਰ ਵਿਚ ਚੱਲ ਰਹੇ ਸੱਟੇਬਾਜ਼ੀ ਦੇ ਪੈਨਲਾਂ, ਉਨ੍ਹਾਂ ਦੇ ਸੰਚਾਲਕਾਂ ਤੇ ਪੈਸਿਆਂ ਦੇ ਲੈਣ-ਦੇਣ ਨਾਲ ਜੁੜੀਆਂ ਅਹਿਮ ਜਾਣਕਾਰੀਆਂ ਮਿਲੀਆਂ। ਇਨ੍ਹਾਂ ਜਾਣਕਾਰੀਆਂ ਦੇ ਆਧਾਰ ‘ਤੇ ਸੀਬੀਆਈ ਦੀਆਂ ਟੀਮਾਂ ਨੇ ਅੰਮ੍ਰਿਤਸਰ ਸਣੇ 6 ਸੂਬਿਆਂ ਤੇ ਦਿੱਲੀ ਦੇ 13 ਸ਼ਹਿਰਾਂ ਵਿਚ ਇਕੱਠੇ 33 ਟਿਕਾਣਿਆਂ ‘ਤੇ ਛਾਪੇਮਾਰੀ ਕੀਤੀ। ਜਾਂਚ ਵਿਚ ਸਾਹਮਣੇ ਆਇਆ ਕਿ ਸੱਟੇਬਾਜ਼ੀ ਦੇ ਕਾਰੋਬਾਰ ਨਾਲ ਇਕੱਠੀ ਕੀਤੀ ਗਈ ਰਕਮ ਨੂੰ ਲੁਕਾਉਣ ਤੇ ਅੱਗੇ ਭੇਜਣ ਦੇ ਲਈ ਬੈਂਕ ਖਾਤਿਆਂ ਦਾ ਇਸਤੇਮਾਲ ਕੀਤਾ ਜਾਂਦਾ ਸੀ। ਇਹ ਖਾਤੇ ਦੂਜੇ ਲੋਕਾਂ ਦੇ ਨਾਂ ‘ਤੇ ਖੋਲ੍ਹੇ ਜਾਂਦੇ ਸਨ ਜਾਂ ਕਿਰਾਏ ‘ਤੇ ਲਏ ਜਾਂਦੇ ਹਨ।
ਇਹ ਵੀ ਪੜ੍ਹੋ : ਕੈਥਲ : ਪੁਲ ਨਾਲ ਟ.ਕ.ਰਾਈ ਘਰ ਪਰਤ ਰਹੇ ਨੌਜਵਾਨਾਂ ਦੀ ਗੱਡੀ, 3 ਚਚੇਰੇ ਭਰਾਵਾਂ ਦੀ ਥਾਂ ‘ਤੇ ਮੌ/ਤ
ਇਸ ਦੇ ਬਾਅਦ ਇਨ੍ਹਾਂ ਖਾਤਿਆਂ ਜ਼ਰੀਏ ਰਕਮ ਦਾ ਲੈਣ-ਦੇਣ ਕੀਤਾ ਜਾਂਦਾ ਸੀ ਤੇ ਹਵਾਲਾ ਨੈਟਵਰਕ ਰਾਹੀਂ ਵਿਦੇਸ਼ ਭੇਜਣ ਦੀ ਗੱਲ ਸਾਹਮਣੇ ਆਈ ਹੈ। ਜਾਂਚ ਮੁਤਾਬਕ ਪੈਨਲ ਸੰਚਾਲਕ ਗਾਹਕਾਂ ਦੀ ਆਈਡੀ ਸੰਭਾਲਦੇ ਸਨ। ਇਨ੍ਹਾਂ ਆਈਡੀ ਜ਼ਰੀਏ ਲੋਕ ਆਨਲਾਈਨ ਸੱਟਾ ਲਗਾਉਂਦੇ ਸਨ। ਸੱਟੇਬਾਜ਼ੀ ਤੋਂ ਮਿਲਣ ਵਾਲੀ ਰਕਮ ਵੱਖ-ਵੱਖ ਬੈਂਕ ਖਾਤਿਆਂ ਵਿਚ ਜਮ੍ਹਾ ਕਰਾਈ ਜਾਂਦਾ ਸੀ। ਇਸ ਦੇ ਬਾਅਦ ਹਵਾਲਾ ਜ਼ਰੀਏ ਵਿਦੇਸ਼ ਭੇਜੀ ਜਾਂਦੀ ਸੀ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
