ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਜਥੇਦਾਰ ਕੁਲਦੀਪ ਸਿੰਘ ਗੜਗੱਜ ਨੇ ਸ੍ਰੀ ਕਰਤਾਰਪੁਰ ਸਾਹਿਬ ਦਾ ਲੰਘਣਾ ਖੋਲ੍ਹਣ ਨੂੰ ਲੈ ਕੇ ਕਿਹਾ ਕਿ ਲੰਬੇ ਸਮੇ ਤੋਂ ਬੰਦ ਪਿਆ ਲਾਂਘਾ ਮੁੜ ਖੁੱਲ੍ਹਣਾ ਚਾਹੀਦਾ ਹੈ। ਦਿਲਾਂ ਨੂੰ ਜੋੜਨ ਵਾਲਾ ਲਾਂਘਾ ਜਲਦ ਖੁੱਲ੍ਹਣਾ ਚਾਹੀਦਾ ਹੈ। ਦੋਹਾਂ ਪੰਜਾਬਾਂ ਦੀ ਬੋਲੀ ਇੱਕੋ ਹੀ ਹੈ ਤੇ ਸ੍ਰੀ ਗੁਰੂ ਨਾਨਕ ਸਾਹਿਬ ਕ੍ਰਿਪਾ ਕਰਨ ਕਿ ਲਾਂਘਾ ਜਲਦ ਖੁੱਲ੍ਹੇ।
ਉਨ੍ਹਾਂ ਕਿਹਾ ਕਿ ਹਰ ਗੁਰੂ ਨਾਨਕ ਨਾਮ ਲੇਵਾ ਸਿੱਖ ਭਾਵੇਂ ਸੁੱਖ ਹੋਵੇ ਭਾਵੇਂ ਦੁੱਖ ਹੋਵੇ ਜਦੋਂ ਅਰਦਾਸ ਕਰਦਾ ਹੈ ਤੇ ਅਰਦਾਸ ਦੇ ਵਿਚ ਅਸੀਂ ਹਰ ਰੋਜ਼ ਅਕਾਲ ਪੁਰਖ ਅੱਗੇ ਅਰਦਾਸ ਕਰਦੇ ਹਾਂ ਕਿ ਹੇ ਅਕਾਲ ਪੁਰਖ ਆਪਣੇ ਪੰਥ ਦੇ ਸਦਾ ਸਹਾਈ ਦਾਤਾਰ ਜੀਓ ਸ੍ਰੀ ਨਨਕਾਣਾ ਸਾਹਿਬ ਤੇ ਹੋਰ ਗੁਰਦੁਆਰਿਆਂ ਗੁਰਧਾਮਾਂ ਦੇ ਜਿਨ੍ਹਾਂ ਤੋਂ ਪੰਥ ਨੂੰ ਵਿਛੋੜਿਆ ਗਿਆ ਖੁੱਲ੍ਹੇ, ਦਰਸ਼ਨ ਦੀਦਾਰ ਤੇ ਸੇਵਾ ਸੰਭਾਲ ਦਾ ਦਾਨ ਖਾਲਸਾ ਜੀ ਨੂੰ ਬਖਸ਼ੇ। ਭਾਵੇਂ ਅਸੀਂ ਦੁਨੀਆ ਦੇ ਕਿਸੇ ਵੀ ਖਿੱਤੇ ਦੇ ਵਿਚ ਰਹੀਏ ਹਰ ਸਿੱਖ ਦੀ ਹਰ ਗੁਰੂ ਨਾਨਕ ਨਾਮ ਲੇਵਾ ਦੀ ਇਹ ਅਰਦਾਸ ਹੁੰਦੀ ਆ। ਇਸ ਅਰਦਾਸ ਤੋਂ ਇਹ ਪਤਾ ਲੱਗਦਾ ਕਿ ਸਿੱਖ ਦਿਲਾਂ ਦੇ ਵਿਚ ਸ੍ਰੀ ਨਨਕਾਣਾ ਸਾਹਿਬ ਤੇ ਲਹਿੰਦੇ ਪੰਜਾਬ ਦੇ ਵਿਚ ਉਧਰ ਜਿਹੜੇ ਸਾਡੇ ਹੋਰ ਗੁਰਧਾਮ ਜਿਨ੍ਹਾਂ ਤੋਂ ਪੰਥ ਵਿਛੜ ਗਿਆ ਉਨ੍ਹਾਂ ਦੇ ਦਰਸ਼ਨ ਦੀਦਾਰ ਦੀ ਕਿੰਨੀ ਭੁੱਖ ਵਾ ਤੇ ਕਿੰਨੀ ਅੰਦਰ ਤਾਂਘ ਵਾ। ਅੱਜ ਬਹੁਤ ਖੁਸ਼ੀ ਦੀ ਗੱਲ ਹੈ ਕਿ ਜਿਹੜੇ ਸਾਡੇ ਪ੍ਰੋਟੋਕਾਲ ਦੇ ਜਥੇ ਜਾਂਦੇ ਆ ਲਹਿੰਦੇ ਪੰਜਾਬ ਵਿਚ ਚੜ੍ਹਦੇ ਪੰਜਾਬ ਤੋਂ ਭਾਰਤ ਵਾਲੇ ਪਾਸਿਓਂ ਪਾਕਿਸਤਾਨ ਵਾਲੇ ਪਾਸੇ ਜਾਂਦੇ ਆ ਅੱਜ ਧੰਨ-ਧੰਨ ਗੁਰੂ ਨਾਨਕ ਪਾਤਸ਼ਾਹ ਜੀ ਦੇ ਪ੍ਰਕਾਸ਼ ਪੁਰਬ ਨੂੰ ਮਨਾਉਣ ਲਈ ਵਿਸ਼ੇਸ਼ ਤੌਰ ਦੇ ਉਤੇ ਜਥੇ ਇਧਰੋਂ ਜਾ ਰਹੇ ਹਨ ਤੇ ਉਸ ਦੇ ਤਹਿਤ ਪੰਥ ਦੀ ਨੁਮਾਇੰਦਾ ਧਾਰਮਿਕ ਜਮਾਤ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵੱਲੋਂ ਤਕਰੀਬਨ ਮੈਨੂੰ ਲੱਗਦਾ ਦੂਜਾ ਜਥਾ ਜਿਹੜਾ ਗੁਰਦੁਆਰਾ ਸ੍ਰੀ ਨਨਕਾਣਾ ਸਾਹਿਬ ਤੇ ਹੋਰ ਗੁਰਦੁਆਰੇ ਦੇ ਦਰਸ਼ਨ ਕਰਨ ਜਾ ਰਿਹਾ।
ਜਦੋਂ ਅੱਜ ਅਸੀਂ ਗੁਰੂ ਨਾਨਕ ਸਾਹਿਬ ਜੀ ਦਾ ਪ੍ਰਕਾਸ਼ ਪੁਰਬ ਮਨਾਉਣ ਜਾ ਰਹੇ ਹਾਂ ਨਨਕਾਣਾ ਸਾਹਿਬ ਤਾਂ ਇਥੇ ਵੀ ਅਰਦਾਸ ਕੀਤੀ ਮੈਂ ਉਥੇ ਵੀ ਅਰਦਾਸ ਕਰਕੇ ਆਊਂਗਾ ਕਿ ਸੱਚੇ ਪਾਤਸ਼ਾਹ ਇਸ ਪੂਰੇ ਇਲਾਕੇ ਵਿਚ ਸ਼ਾਂਤੀ ਰਹੇ। ਇਥੇ ਭਾਈਚਾਰਕ ਸਾਂਝ ਹਮੇਸ਼ਾ ਬਣੀ ਰਹੇ ਤੇ ਇਥੇ ਜਿਹੜਾ ਕਰਤਾਰਪੁਰ ਸਾਹਿਬ ਲਾਂਘਾ ਪਿਛਲੇ ਲੰਮੇ ਸਮੇਂ ਤੋਂ ਬੰਦ ਹੈ ਇਹ ਵੀ ਅਰਦਾਸ ਕਰਾਂਗੇ ਕਿ ਮਹਾਰਾਜ ਸੱਚੇ ਪਾਤਸ਼ਾਹ ਕ੍ਰਿਪਾ ਕਰਕੇ ਇਹ ਦਿਲਾਂ ਨੂੰ ਜੋੜਨ ਵਾਲਾ ਜਿਹੜਾ ਕਰਤਾਰਪੁਰ ਸਾਹਿਬ ਦਾ ਲਾਂਘਾ ਹੈ ਇਹ ਜਲਦੀ ਖੁੱਲ੍ਹੇ ਕਿਉਂਕਿ ਵੇਖੋ ਭਾਵੇਂ ਇਧਰ ਚੜ੍ਹਦਾ ਪੰਜਾਬ ਹੈ ਜਾਂ ਉਧਰ ਲਹਿੰਦਾ ਪੰਜਾਬ ਪਰ ਬੋਲੀ ਇਕ ਹੀ ਹੈ। ਪੰਜਾਬੀ ਮਾਂ ਬੋਲੀ ਜਿਹੜੀ ਮਾਖੇਓ ਮਿੱਠੀ ਆ। ਪੰਜਾਬੀ ਬੋਲੀ ਦੇ ਆਧਾਰ ਉਤੇ ਸਾਡੀਆਂ ਸਾਂਝਾਂ ਸਾਡੀ ਮੁਹੱਬਤ ਵੀ ਹੈ ਤਾ ਗੁਰੂ ਨਾਨਕ ਸਾਹਿਬ ਕਿਰਪਾ ਕਰਨ ਬਖਸ਼ਿਸ਼ ਕਰਨ ਲਾਂਘਾ ਛੇਤੀ ਖੁੱਲ੍ਹੇ ਤੇ ਇਸ ਵਾਰ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨੇ ਮਤਾ ਵੀ ਪਾਇਆ ਕਿ ਧੰਨ ਗੁਰੂ ਨਾਨਕ ਪਾਤਸ਼ਾਹ ਜੀ ਦੇ ਜੋਤੀ ਜੋਤ ਸਮਾਉਣ ਦਾ ਜਿਹੜਾ ਦਿਹੜਾ ਹੁੰਦਾ ਉਸ ਮੌਕੇ ‘ਤੇ ਵੀ ਜਥਾ ਜਾਣ ਦਿੱਤਾ ਜਾਵੇ ਤੇ ਚੌਥੇ ਪਾਤਸ਼ਾਹ ਸ੍ਰੀ ਗੁਰੂ ਰਾਮਦਾਸ ਪਾਤਸ਼ਾਹ ਜੀ ਦਾ ਜਦੋਂ ਪ੍ਰਕਾਸ਼ ਪੂਰਬ ਚੂਨਾ ਮੰਡੀ ਲਾਹੌਰ ਹੋਇਆ ਉਨ੍ਹਾਂ ਦ ਉਹਨੂੰ ਵੀ ਪ੍ਰੋਟੋਕਾਲ ਦੇ ਜਥਿਆਂਦੇ ਵਿਚ 2 ਜਥੇ ਸਾਡੇ ਜਿਹੜੇ ਹੋਰ ਵਧਾਏ ਜਾਣ। ਇਹ ਐਤਕੀ ਜਨਰਲ ਹਾਊਸ ਦੇ ਵਿਚ ਮਤਾ ਪਾਇਆ ਤੇ ਮੈਂ ਵੀ ਇਹਦੀ ਪ੍ਰੋੜਤਾ ਕਰਦਿਆਂ ਸਰਕਾਰ ਨੂੰ ਜ਼ਰੂਰ ਆਖਦਾ ਹਾਂ ਕਿ ਹੁਣ ਜਦੋਂ ਆਪਾਂ ਯੂਰਪ ਦੇ ਵਿਚ ਦੇਖਦੇ ਹਾਂ ਲੋਕ ਕਿੱਦਾਂ ਇਕ-ਦੂਜੇ ਦੇ ਵਾਲੇ ਪਾਸੇ ਜਾਂਦੇ ਆ ਮੁਹੱਬਤ ਆ ਤੋਂ ਸਾਨੂੰ ਮੁਹੱਬਤ ਦਾ ਪੈਗਾਮ ਦਿੰਦੇ ਆਂ ਘਟੋ-ਘੱਟ ਸਿੱਖਾਂ ਨੂੰ ਸੌਖੇ ਤਰੀਕੇ ਦੇ ਨਾਲ ਦਰਸ਼ਨ ਕਰਨ ਦੇ ਲਈ ਇਹੋ ਜਿਹੀਆਂ ਸਹੂਲਤਾਂ ਦੇਣੀਆਂ ਚਾਹੀਦੀਆਂ।
ਇਹ ਵੀ ਪੜ੍ਹੋ : ਬਠਿੰਡਾ ਦੇ ਰੈਸਟੋਰੈਂਟ ਅੰਦਰ ਚੱ/ਲੀਆਂ ਗੋ/ਲੀਆਂ, ਪੈਸਿਆਂ ਦੇ ਲੈਣ-ਦੇਣ ਨੂੰ ਲੈ ਕੇ ਨੌਜਵਾਨਾਂ ‘ਚ ਹੋਇਆ ਵਿ/ਵਾਦ, ਪੁਲਿਸ ਨੇ ਦਰਜ ਕੀਤੀ FIR
ਬਾਕੀ ਮੈਂ ਗੁਰੂ ਸਾਹਿਬ ਅੱਗੇ ਭਾਰਤ ਇਧਰਲਾ ਸਾਡਾ ਚੜ੍ਹਦਾ ਪੰਜਾਬ ਤੇ ਹਰ ਇਸ ਪੂਰੇ ਖਿੱਤੇ ਦੀ ਚੜ੍ਹਦੀ ਕਲਾ ਦੀ ਗੁਰੂ ਅੱਗੇ ਅਰਦਾਸ ਕਰਦਾ। ਸੱਚੇ ਪਾਤਸ਼ਾਹ ਕ੍ਰਿਪਾ ਕਰਨ ਚੜ੍ਹਦੀ ਕਲਾ ਨਾਲ ਜਥਾ ਜਾਵੇ ਤੇ ਦਰਸ਼ਨ ਦੀਦਾਰ ਕਰਕੇ ਆਵੇ। ਕਈ ਵਾਰ ਸੰਗਤਾਂ ਅਪਲਾਈ ਕਰਦੀਆਂ ਤੇ ਕਈਆਂ ਦੇ ਪਾਸਪੋਰਟ ਰੱਦ ਹੋ ਜਾਂਦੇ ਹਨ ਇੱਛਾਵਾਂ ਬਹੁਤ ਰਹਿੰਦੀਆਂ ਹਨ, ਨੇ ਅੱਜ ਵੀ ਕਈ ਵਾਰੀ ਲੋਕ ਪਹਿਲੀ ਦਫਾ ਜਾ ਰਹੇ ਹਨ । SGPC ਨੇ ਕਈ ਵਾਰੀ ਦੋਵਾਂ ਹੀ ਸਰਕਾਰਾਂ ਨੂੰ ਲਿਖਿਆ ਖਾਸ ਕਰਕੇ ਪਾਕਿਸਤਾਨ ਸਰਕਾਰ ਜਿਹੜੀ ਵੀਜ਼ਿਆਂ ਦੀ ਗਿਣਤੀ ਆ ਉਹ ਵਧਾਈ ਜਾਵੇ। ਇਸ ਵਾਰੀ 7100 ਪਾਸਪੋਰਟ ਆਇਆ ਤੇ ਵੀਜ਼ੇ ਸਾਡੇ ਲਗੇ ਸਿਰਫ 2000 ਦੇ ਕਰੀਬ, ਉਹ ਵੀ ਥੋੜ੍ਹੇ ਘੱਟ ਹੈ, ਜਿਹੜੇ ਨਹੀਂ ਜਾ ਸਕੇ ਉਨ੍ਹਾਂ ਨੂੰ ਨਿਰਾਸ਼ਾ ਹੁੰਦੀ ਹੈ। ਮੈਨੂੰ ਕਈ ਹਿੰਦੂ ਭਰਾ ਵੀ ਮਿਲੇ ਉਹ ਵੀ ਜਾਣਾ ਚਾਹੁੰਦੇ ਹਨ ਤੇ ਮੇਰੀ ਤੇ ਆਪ ਦੀ ਇੱਛਾ ਵੀ ਹੈ ਉਨ੍ਹਾਂ ਦੇ ਵੀ ਉਥੇ ਕੁਝ ਅਸਥਾਨ ਹਨ, ਉਹ ਵੀ ਜਾਣ ਕਿਉਂਕਿ ਹਰ ਬੰਦਾ ਧਰਮ ਦੇ ਨਾਲ ਜੁੜਿਆ ਹੁੰਦਾ, ਇਨ੍ਹਾਂ ਦੀ ਗਿਣਤੀ ਵਧਾਈ ਜਾਣੀ ਚਾਹੀਦੀ ਹੈ।
ਵੀਡੀਓ ਲਈ ਕਲਿੱਕ ਕਰੋ -:

Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ








