rashmi dance punjabi song:ਇੱਕ ਰਿਆਲਟੀ ਸ਼ੋਅ ‘ਚ ਆਪਣੀਆਂ ਅਦਾਵਾਂ ਨਾਲ ਸਭ ਦਾ ਦਿਲ ਜਿੱਤਣ ਵਾਲੀ ਅਦਾਕਾਰਾ ਰਸ਼ਮੀ ਦੇਸਾਈ ਸੋਸ਼ਲ ਮੀਡੀਆ ‘ਤੇ ਕਾਫੀ ਐਕਟਿਵ ਰਹਿੰਦੀ ਹੈ । ਉਹ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਅਕਸਰ ਆਪਣੀਆਂ ਵੀਡੀਓਜ਼ ਅਤੇ ਤਸਵੀਰਾਂ ਸਾਂਝੀਆਂ ਕਰਦੇ ਰਹਿੰਦੇ ਹਨ । ਹੁਣ ਉਨ੍ਹਾਂ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ ।ਜਿਸ ‘ਚ ਉਹ ਪੰਜਾਬੀ ਗਾਇਕ ਮਨਿੰਦਰ ਬੁੱਟਰ ਅਤੇ ਨੇਹਾ ਕੱਕੜ ਦੇ ਗੀਤ ‘ਤੇ ਐਕਟ ਕਰਦੇ ਹੋਏ ਨਜ਼ਰ ਆ ਰਹੇ ਹਨ । ਰਸ਼ਮੀ ਦੇਸਾਈ ਦਾ ਇਹ ਵੀਡੀਓ ਲੋਕਾਂ ਨੂੰ ਖੂਬ ਪਸੰਦ ਆ ਰਿਹਾ ਹੈ ਤੇ ਉਹ ਲਗਾਤਾਰ ਇਸ ਨੂੰ ਸ਼ੇਅਰ ਕਰ ਰਹੇ ਹਨ ਅਤੇ ਇਸ ‘ਤੇ ਕਮੈਂਟਸ ਵੀ ਦੇ ਰਹੇ ਹਨ ।
ਦੋਹਾਂ ਦਾ ਇਹ ਗੀਤ ਕੁਝ ਸਮਾਂ ਪਹਿਲਾਂ ਆਇਆ ਸੀ ਅਤੇ ਇਸ ਗੀਤ ਨੂੰ ਭਰਵਾਂ ਹੁੰਗਾਰਾ ਮਿਲਿਆ ਸੀ ।ਲੱਗਦਾ ਹੈ ਕਿ ਰਸ਼ਮੀ ਦੇਸਾਈ ਨੂੰ ਵੀ ਇਹ ਗੀਤ ਕਾਫੀ ਪਸੰਦ ਹੈ । ਰਸ਼ਮੀ ਦੇਸਾਈ ਦੇ ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਉਹ ਰਿਆਲਟੀ ਸ਼ੋਅ ਤੋਂ ਪਹਿਲਾਂ ‘ਉਤਰਨ’ ਨਾਂਅ ਦੇ ਸੀਰੀਅਲ ਰਾਹੀਂ ਕਾਫੀ ਸੁਰਖੀਆਂ ਵਟੋਰ ਚੁੱਕੀ ਹੈ । ਤੁਹਾਨੂੰ ਦੱਸ ਦੇਈਏ ਰਸ਼ਮੀ ਦੇਸਾਈ ਸੋਸ਼ਲ ਮੀਡੀਆ ਤੇ ਬਹੁਤ ਐਕਟਿਵ ਰਹਿੰਦੀ ਹੈ ਅਤੇ ਹਰ ਮੁੱਦੇ ਤੇ ਬੇਬਾਕ ਬੋਲਦੇ ਦਿਖਾਈ ਦਿੰਦੀ ਹੈ। ਬਿੱਗ ਬੌਸ ਘਰ ਤੋਂ ਆਉਣ ਤੋਂ ਬਾਅਦ ਉਨ੍ਹਾਂ ਨੇ ਅਰਹਾਨ ਨਾਲ ਆਪਣਾ ਰਿਸ਼ਤਾ ਬਿਲਕੁਲ ਖਤਮ ਕਰ ਲਿਆ ਅਤੇ ਬਿੱਗ ਬੌਸ ਘਰ ਵਿੱਚ ਉਹ ਅਰਹਾਨ ਦੇ ਨਾਲ ਆਪਣੇ ਰਿਸ਼ਤੇ ਆਪਣੀ ਪਰਸਨਲ ਜਿੰਦਗੀ ਨੂੰ ਲੈ ਕੇ ਕਾਫੀ ਲਾਈਮਲਾਈਟ ਵਿੱਚ ਰਹੀ। ਜਿਸ ਤਰ੍ਹਾਂ ਉਹ ਘਰ ਤੋਂ ਬਾਹਰ ਆਈ ਉਨ੍ਹਾਂ ਨੇ ਆਪਣਾ ਅਰਹਾਨ ਨਾਲ ਰਿਸ਼ਤਾ ਖਤਮ ਕਰ ਲਿਆ।
ਰਸ਼ਮੀ ਦੇਸਾਈ ਉਹ ਟੀਵੀ ਅਦਾਕਾਰਾ ਹੈ ਜੋ ਅਕਸਰ ਆਪਣੀ ਪਰਸਨਲ ਲਾਈਫ ਨੂੰ ਲੈ ਕੇ ਖੂਬ ਚਰਚਾ ਵਿੱਚ ਰਹਿੰਦੀ ਹੈ ਅਤੇ ਰਸ਼ਮੀ ਦੇਸਾਈ ਦਾ ਪਹਿਲਾ ਵਿਆਹ ਨੰਦੀਸ਼ ਟੀਵੀ ਅਦਾਕਾਰ ਨਾਲ ਹੋਇਆ ਸੀ ਪਰ ਇਹ ਵਿਆਹ ਜਿਆਦਾ ਦੇਰ ਤੱਕ ਨਹੀਂ ਪਾਇਆ ਜਿਸ ਤੋਂ ਬਾਅਦ ਦੋਵੇਂ ਅਲੱਗ ਹੋ ਗਏ ਅਤੇ ਫਿਰ ਰਸ਼ਮੀ ਨੇ ਆਪਣੀ ਦੋਸਤੀ ਅਰਹਾਨ ਨਾਲ ਸ਼ੁਰੂ ਕੀਤੀ। ਬਿੱਗ ਬੌਸ ਘਰ ਵਿੱਚ ਆਉਣ ਤੋਂ ਪਹਿਲਾਂ ਦੋਵੇਂ ਚੰਗੇ ਦੋਸਤ ਸਨ ਪਰ ਘਰ ਆਉਣ ਤੋਂ ਬਾਅਦ ਇਨਾਂ ਦੋਹਾਂ ਦੀਆਂ ਰਾਹਾਂ ਹਮੇਸ਼ਾ ਲਈ ਅਲੱਗ ਹੋ ਗਈਆਂ।
