Australia tour of England: ਇੰਗਲੈਂਡ ਅਤੇ ਆਸਟ੍ਰੇਲੀਆ ਦੀਆਂ ਕ੍ਰਿਕਟ ਟੀਮਾਂ ਤਿੰਨ ਟੀ -20 ਅਤੇ ਇਕ ਰੋਜ਼ਾ ਮੈਚਾਂ ਦੀ ਲੜੀ ਖੇਡੇਗੀ। ਇਹ ਟੂਰ 4 ਸਤੰਬਰ ਤੋਂ ਸ਼ੁਰੂ ਹੋਵੇਗਾ। ਇੰਗਲੈਂਡ ਅਤੇ ਵੇਲਜ਼ ਕ੍ਰਿਕਟ ਬੋਰਡ (ਈਸੀਬੀ) ਨੇ ਸ਼ੁੱਕਰਵਾਰ ਨੂੰ ਇਸ ਦੀ ਪੁਸ਼ਟੀ ਕੀਤੀ। ਟੀ -20 ਸੀਰੀਜ਼ ਦੇ ਮੈਚ 4, 6 ਅਤੇ 8 ਸਤੰਬਰ ਨੂੰ ਖੇਡੇ ਜਾਣਗੇ. ਇਹ ਸਾਰੇ ਮੈਚ ਸਾਊਥੈਮਪਟਨ ਦੇ ਏਜਜ਼ ਬਾਊਲ ਵਿਖੇ ਹੋਣਗੇ, ਜਦੋਂਕਿ ਤਿੰਨ ਮੈਚਾਂ ਦੀ ਵਨਡੇ ਸੀਰੀਜ਼ ਦੇ ਸਾਰੇ ਮੈਚ ਓਲਡ ਟ੍ਰੈਫੋਰਡ, ਮੈਨਚੇਸਟਰ ਵਿਖੇ ਖੇਡੇ ਜਾਣਗੇ। 11, 13 ਅਤੇ 16 ਸਤੰਬਰ ਨੂੰ ਵਨ-ਡੇਅ ਲੜੀ ਮੈਚ ਹੋਣਗੇ।
ਈਸੀਬੀ ਨੇ ਕਿਹਾ, ‘ਆਸਟਰੇਲੀਆਈ ਟੀਮ 24 ਅਗਸਤ ਨੂੰ ਗ੍ਰੇਟ ਬ੍ਰਿਟੇਨ ਪਹੁੰਚੇਗੀ। ਉਹ ਪਹਿਲਾਂ ਡਰਬੀਸ਼ਾਇਰ ਆਵੇਗੀ ਅਤੇ ਫਿਰ ਸਾਉਥੈਮਪਟਨ ਵਿਚ ਏਜਜ਼ ਬਾਊਲ ਵਿਚ ਜਾਏਗੀ। ਆਸਟਰੇਲੀਆਈ ਟੀਮ ਟੀ -20 ਸੀਰੀਜ਼ ਦੀ ਸ਼ੁਰੂਆਤ ਤੋਂ ਪਹਿਲਾਂ ਆਪਸ ਵਿਚਾਲੇ 50 ਓਵਰਾਂ ਦਾ ਅਭਿਆਸ ਮੈਚ ਖੇਡੇਗੀ। ਤਿੰਨ ਟੀ -20 ਅਭਿਆਸ ਮੈਚ ਵੀ ਖੇਡੇ ਜਾਣਗੇ।
