IPL 2020 avon cycle: ਲੁਧਿਆਣਾ (ਤਰਸੇਮ ਭਾਰਦਵਾਜ)- ਇਸ ਸਾਲ ਦੁਬਈ ‘ਚ ਖੇਡੇ ਜਾਣ ਵਾਲੇ ਆਈ.ਪੀ.ਐੱਲ 2020 ਮੈਚਾਂ ‘ਚ ਲੁਧਿਆਣਾ ਜ਼ਿਲ੍ਹਾਂ ਵੀ ਛਾਏਗਾ। ਮਿਲੀ ਜਾਣਕਾਰੀ ਮੁਤਾਬਕ ਦੁਬਈ ‘ਚ ਖੇਡੇ ਜਾਣ ਵਾਲੇ ਆਈ.ਪੀ.ਐੱਲ ਮੈਚਾਂ ‘ਚ ਲੁਧਿਆਣਾ ਦੇ ਬ੍ਰਾਂਡ ਏਵਨ ਸਾਈਕਲ ਦੀ ਝਲਕ ਦੇਖਣ ਨੂੰ ਮਿਲੇਗੀ, ਕਿਉਂਕਿ ਲੁਧਿਆਣਾ ਦੀ ਏਵਨ ਸਾਈਕਲ ਕਿੰਗਜ਼ ਇਲੈਵਨ ਪੰਜਾਬ ਦੀ ਪ੍ਰਿੰਸੀਪਲ ਸਪਾਂਸਰ ਬਣੀ ਹੈ। ਇਸ ਦੀ ਜਾਣਕਾਰੀ ਦਿੰਦਿਆਂ ਜੁਆਇੰਟ ਐੱਮ.ਡੀ ਰਿਸ਼ੀ ਪਾਹਵਾ ਨੇ ਦੱਸਿਆ ਕਿ ਕੰਪਨੀ ਪੰਜਾਬ ਟੀਮ ਦੀ ਪ੍ਰਿੰਸੀਪਲ ਸਪਾਂਸਰ ਹੋਣ ਦੇ ਨਾਲ-ਨਾਲ ਅਧਿਕਾਰਤ ਪਾਰਟਨਰ ਹੋਵੇਗੀ। ਦੱਸ ਦੇਈਏ ਕਿ ਟੀਮ ਵੱਲੋਂ ਏਵਨ ਦੇ ਸਾਈਕਲ ਵੀ ਗਰਾਊਂਡ ‘ਚ ਚਲਾਏ ਜਾਣਗੇ।
ਜ਼ਿਕਰਯੋਗ ਹੈ ਕਿ ਪਿਛਲੇ ਸਾਲ ਟਾਈਗਰ ਸ਼ਰਾਫ ਦੇ ਨਾਲ ਕੈਂਪੇਨ ਕੀਤੀ ਗਈ ਸੀ। ਏਵਨ ਦੇ ਸਾਈਕਲ ਕੋਈ ਮਿਲ ਗਿਆ, ਭੂਤਨਾਥ, ਐਮਾਜ਼ੋਨ ਸੀਰੀਜ਼ ‘ਚ ਵੀ ਚਲਾਏ ਗਏ ਹਨ। ਉਨ੍ਹਾਂ ਨੇ ਕਿਹਾ ਕਿ ਕੰਪਨੀ ਹੁਣ ਪ੍ਰੀਮੀਅਮ ਸੈਗਮੈਂਟ ‘ਤੇ ਵੀ ਫੋਕਸ ਕਰ ਰਹੀ ਹੈ। ਇਸੇ ਲੜੀ ਤਹਿਤ ਅਜਿਹੇ ਯਤਨ ਕੀਤੇ ਜਾ ਰਹੇ ਹਨ।
