ludhiana firecracker shops approved: ਲੁਧਿਆਣਾ (ਤਰਸੇਮ ਭਾਰਦਵਾਜ)- ਜ਼ਿਲ੍ਹਾ ਪ੍ਰਸ਼ਾਸਨ ਨੇ ਸ਼ਹਿਰ ‘ਚ 6 ਸਾਈਟਾਂ ‘ਤੇ ਦੁਕਾਨਾਂ ਲਾਉਣ ਦੀ ਮਨਜ਼ੂਰੀ ਦੇ ਦਿੱਤੀ ਹੈ। ਇਨ੍ਹਾਂ ਸਾਈਟਾਂ ‘ਤੇ 37 ਦੁਕਾਨਾਂ ਲਾਈਆਂ ਜਾ ਸਕਣਗੀਆਂ। ਦੁਕਾਨਾਂ ਲੈਣ ਲਈ ਫਾਰਮ ਭਰਨ ਦੀਆਂ ਵੀ ਤਾਰੀਕਾਂ ਜਾਰੀ ਕਰ ਦਿੱਤੀਆਂ ਗਈਆਂ ਹਨ। ਇਨ੍ਹਾਂ ਸਾਈਟਾਂ ‘ਚ ਸਲੇਮ ਟਾਬਰੀ ਦੀ ਦਾਣਾ ਮੰਡੀ ‘ਚ 13, ਮਾਡਲ ਟਾਊਨ ਐਕਸਟੇਂਸ਼ਨ ਸਥਿਤ ਨਗਰ ਸੁਧਾਰ ਟਰੱਸਟ ਦੀ ਥਾਂ ‘ਤੇ 5, ਦੁੱਗਰੀ ਫੇਸ-2 ਦੇ ਗਲਾਡਾ ਗਰਾਊਂਡ ‘ਚ 4, ਸੈਕਟਰ 39ਏ ਦੇ ਗਲਾਡਾ ਗਰਾਊਂਡ ‘ਚ 9, ਲੋਧੀ ਕਲੱਬ ਦੇ ਕੋਲ ਪ੍ਰਾਈਵੇਟ ਗਰਾਊਂਡ ‘ਚ 3 ਅਤੇ ਹੰਬੜਾ ਰੋਡ ‘ਤੇ 3 ਦੁਕਾਨਾਂ ਲਾਈਆਂ ਜਾ ਸਕਣਗੀਆਂ।
ਦੁਕਾਨਾਂ ਅਲਾਟ ਕਰਨ ਲਈ ਪੁਲਿਸ ਕਮਿਸ਼ਨਰ ਦਫਤਰ ‘ਚ 27 ਤੋਂ 28 ਅਕਤੂਬਰ ਤੱਕ ਫਾਰਮ ਦਿੱਤੇ ਜਾਣਗੇ। ਇਸ ਦੇ ਲਈ ਏ.ਡੀ.ਸੀ ਲਾਇਸੈਂਸਿੰਗ ਰਣਜੀਤ ਸਿੰਘ ਨੂੰ ਨੋਡਲ ਅਫਸਰ ਬਣਾਇਆ ਗਿਆ ਹੈ। ਉਮੀਦਵਾਰ 29 ਅਕਤੂਬਰ ਸ਼ਾਮ 5 ਵਜੇ ਤੱਕ ਫਾਰਮ ਵਾਪਸ ਜਮ੍ਹਾਂ ਕਰਵਾਉਣਗੇ। 2 ਨਵੰਬਰ ਨੂੰ ਉਮੀਦਵਾਰਾਂ ਦੀ ਲਿਸਟ ਜਾਰੀ ਕੀਤੀ ਜਾਵੇਗੀ। 3 ਨਵੰਬਰ ਨੂੰ ਡਰਾਅ ਕੱਢੇ ਜਾਣਗੇ। 6 ਨਵੰਬਰ ਤੋਂ 14 ਨਵੰਬਰ ਤੱਕ ਪਟਾਕੇ ਵੇਚ ਸਕਣਗੇ।
