Attack or accident on Mamata Banerjee: ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੰਦੀਗਰਾਮ ਦੇ ਬਰੂਲੀਆ ਪਿੰਡ ਵਿੱਚ ਚੋਣ ਮੁਹਿੰਮ ਦੌਰਾਨ ਜ਼ਖਮੀ ਹੋ ਗਈ। ਮਮਤਾ ਬੈਨਰਜੀ ਦੀ ਖੱਬੇ ਪੈਰ ‘ਤੇ ਸੱਟ ਲੱਗੀ ਹੈ ਅਤੇ ਉਸ ਨੂੰ ਕੋਲਕਾਤਾ ਦੇ ਐਸਐਸਕੇਐਮ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਹੈ। ਮਮਤਾ ਬੈਨਰਜੀ ਨੇ ਇਸ ਨੂੰ ਹਮਲਾ ਦੱਸਿਆ ਹੈ ਅਤੇ ਦੋਸ਼ ਲਾਇਆ ਹੈ ਕਿ ਸਾਜਿਸ਼ ਤਹਿਤ ਉਸ ਨੂੰ ਸੱਟ ਲੱਗੀ ਹੈ। ਹਾਦਸੇ ਦੇ ਸਮੇਂ ਮੌਕੇ ‘ਤੇ ਮੌਜੂਦ ਇੱਕ ਵਿਦਿਆਰਥੀ ਸੁਮਨ ਮਤੀ ਨੇ ਕਿਹਾ,‘ ਜਦੋਂ ਮੁੱਖ ਮੰਤਰੀ ਮਮਤਾ ਬੈਨਰਜੀ ਇਥੇ ਪਹੁੰਚੀ ਤਾਂ ਉਨ੍ਹਾਂ ਨੂੰ ਦੇਖਣ ਲਈ ਭੀੜ ਇਕੱਠੀ ਹੋ ਗਈ ਅਤੇ ਲੋਕ ਉਨ੍ਹਾਂ ਨੂੰ ਘੇਰ ਕੇ ਖੜੇ ਹੋ ਗਏ। ਇਸ ਦੌਰਾਨ ਉਨ੍ਹਾਂ ਨੂੰ ਗਰਦਨ ਅਤੇ ਪੈਰ ‘ਤੇ ਸੱਟਾਂ ਲੱਗੀਆਂ।
![Attack or accident on Mamata Banerjee](https://dailypost.in/wp-content/uploads/2021/03/114.jpg)
ਇਕ ਹੋਰ ਚਸ਼ਮਦੀਦ ਗਵਾਹ ਚਤਰੰਜਨ ਦਾਸ, ਜੋ ਬਰੂਲੀਆ, ਨੰਦੀਗਰਾਮ ਵਿਚ ਵਾਪਰੀ ਘਟਨਾ ‘ਤੇ ਮੌਜੂਦ ਸੀ, ਉਸ ਨੇ ਕਿਹਾ, “ਮੈਂ ਉਥੇ ਸੀ ਮਮਤਾ ਬੈਨਰਜੀ ਆਪਣੀ ਕਾਰ ਦੇ ਅੰਦਰ ਬੈਠੀ ਹੋਈ ਸੀ, ਪਰ ਦਰਵਾਜ਼ਾ ਖੁੱਲ੍ਹਾ ਸੀ।” ਦਰਵਾਜ਼ਾ ਇਕ ਟਕਰਾਉਣ ਕਾਰਨ ਬੰਦ ਹੋ ਗਿਆ। ਕਿਸੇ ਨੇ ਵੀ ਧੱਕਾ ਨਹੀਂ ਦਿੱਤਾ। ਉਸ ਵਕਤ ਦਰਵਾਜ਼ੇ ਦੇ ਨੇੜੇ ਕੋਈ ਨਹੀਂ ਸੀ। ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੇ ਕਿਹਾ ਕਿ ਜਦੋਂ ਉਹ ਆਪਣੀ ਕਾਰ ਦੇ ਕੋਲ ਖੜ੍ਹੀ ਸੀ ਤਾਂ 4-5 ਲੋਕਾਂ ਨੇ ਉਸ ਨੂੰ ਧੱਕਾ ਦਿੱਤਾ ਇਸ ਦੌਰਾਨ ਉਸਦੀ ਪੈਰ ‘ਤੇ ਸੱਟ ਲੱਗੀ। ਉਸਨੇ ਦੋਸ਼ ਲਾਇਆ ਕਿ ਘਟਨਾ ਦੇ ਸਮੇਂ ਕੋਈ ਸਥਾਨਕ ਪੁਲਿਸ ਮੌਜੂਦ ਨਹੀਂ ਸੀ। ਇਹ ਉਸ ਵਿਰੁੱਧ ਸਾਜਿਸ਼ ਹੈ ਅਤੇ ਕਿਸੇ ਨੇ ਜਾਣਬੁੱਝ ਕੇ ਉਸ ਦੇ ਪੈਰ ਦੇ ਸੱਟ ਮਾਰੀ ਹੈ।
ਦੇਖੋ ਵੀਡੀਓ : Khaira ਦੀ Exclusive Interview, ਸੁਣੋ ਕੀ ਕੁਝ ਲੈ ਗਈ ED , ਸੋਚ ਕੇ ਖਹਿਰਾ ਨੂੰ ਵੀ ਆ ਰਿਹਾ ਹਾਸਾ