Kanth Kaler new song : ਪੰਜਾਬੀ ਇੰਡਸਟਰੀ ਦੀ ਮਸ਼ਹੂਰ ਗਾਇਕ ਕੰਠ ਕਲੇਰ ਜਿਹਨਾਂ ਨੇ ਹੁਣ ਤੱਕ ਇੰਡਸਟਰੀ ਨੂੰ ਬਹੁਤ ਸਾਰੇ ਹਿੱਟ ਗੀਤ ਦਿੱਤੇ ਹਨ। ਦੱਸਣਯੋਗ ਹੈ ਕਿ ਜਲਦ ਹੀ ਆਪਣੀ ਮਿੱਠੀ ਆਵਾਜ਼ ‘ਚ ਨਵਾਂ ਧਾਰਮਿਕ ਗੀਤ ਲੈ ਕੇ ਆ ਰਹੇ ਹਨ। ਜਿਸ ਨੂੰ ਗੀਤਕਾਰ ਹਰਭਜਨ ਸਿੰਘ ਸਿੱਧੂ ਵਲੋਂ ਲਿਖਿਆ ਗਿਆ ਹੈ। ਇਸ ਗੀਤ ਨੂੰ ਸੰਗੀਤ ਜੱਸੀ ਬਰੋਸ ਵਲੋਂ ਦਿੱਤਾ ਗਿਆ ਹੈ ਤੇ ਧਰਮਵੀਰ Aj ਫ਼ਿਲਮਜ਼ ਵਲੋਂ ਵੀਡੀਓ ਬਣਾਈ ਗਈ ਹੈ।
ਦੱਸ ਦੇਈਏ ਕਿ ਇਹ ਗੀਤ ਸਾਰੀ ਖ਼ਲਕਤ ਨੂੰ ਇੱਕ ਪਰਮਪਿਤਾ ਪਰਮਾਤਮਾ ਦੇ ਨਾਲ ਜੋੜਦਾ ਹੈ। ਜਿਸ ਦਾ ਕੋਈ ਰੰਗ ਜਾ ਰੂਪ ਨਹੀਂ ਹੈ। ਇਸ ਗੀਤ ਦਾ ਨਾਮ ਹੈ ‘ਸ਼ਬਦ ਗੁਰੂ’ । ਇਸ ਗੀਤ ਦਾ ਪੋਸਟਰ ਗਾਇਕ ਵਲੋਂ ਆਪਣੇ ਇੰਸਟਾਗ੍ਰਾਮ ਤੇ ਸਾਂਝਾ ਕੀਤਾ ਗਿਆ ਹੈਵੀ ਤੇ ਇਸ ਦੇ ਨਾਲ ਆਪਣੀ ਇੱਕ ਵੀਡੀਓ ਵੀ ਸਾਂਝੀ ਕੀਤੀ ਹੈ ਜਿਸ ਦੇ ਵਿੱਚ ਉਹ ਆਪਣੇ ਇਸ ਗੀਤ ਦਾ ਵੇਰਵਾ ਵੀ ਦੇ ਰਹੇ ਹਨ। ਜਾਣਕਾਰੀ ਅਨੁਸਾਰ ਕੰਠ ਕਲੇਰ ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਦੇ ਬਹੁਤ ਹੀ ਪ੍ਰਸਿੱਧ ਗਾਇਕ ਹਨ ਜਿਹਨਾਂ ਦੇ ਗੀਤਾਂ ਨੂੰ ਅਕਸਰ ਪਿਆਰ ਮਿਲਦਾ ਹੈ।
ਹੁਣ ਤੱਕ ਉਹਨਾਂ ਦੇ ਪ੍ਰਸਿੱਧ ਗੀਤ ਜਿਵੇ ਕਿ – ਗ਼ਲਤੀ ਸਾਡੀ ਸੀ , ਤਾਰੇ , ਪਿਆਰ , ਇੱਕ ਮੇਰਾ ਦਿਲ ਤੇ ਹੋਰ ਵੀ ਬਹੁਤ ਸਾਰੇ ਗੀਤ ਜਿਹਨਾਂ ਨੂੰ ਹੁਣ ਤੱਕ ਪ੍ਰਸ਼ੰਸਕਾਂ ਦੇ ਵਲੋਂ ਬਹੁਤ ਪਸੰਦ ਕੀਤਾ ਗਿਆ ਹੈ। ਹੁਣ ਦੇਖਣਾ ਇਹ ਹੋਵੇਗਾ ਕਿ ਪ੍ਰਸ਼ੰਸਕ ਇਸ ਗੀਤ ਨੂੰ ਕਿੰਨਾ ਕੁ ਪਸੰਦ ਕਰਦੇ ਹਨ ਜਿਵੇ ਬਾਕੀ ਗੀਤਾਂ ਨੂੰ ਕਰਦੇ ਹਨ।
