jassi gill give explanation : ਪੰਜਾਬੀ ਇੰਡਸਟਰੀ ਦੇ ਮਸ਼ਹੂਰ ਗਾਇਕ ਤੇ ਅਦਾਕਾਰ ਜੱਸੀ ਗਿੱਲ ਨੇ ਹਾਲ ਹੀ ਵਿੱਚ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ਤੇ ਇੱਕ ਪੋਸਟ ਸਾਂਝੀ ਕਰਕੇ ਆਪਣੀ ਰਿਲੀਜ਼ ਹੋ ਚੁਕੀ ਫਿਲਮ “ਸੋਨਮ ਗੁਪਤਾ ਬੇਵਫਾ ਹੈ” ਨੂੰ ਲੈ ਕੇ ਸਪਸ਼ਟੀਕਰਨ ਦਿੱਤਾ ਹੈ। ਜਿਸ ਵਿੱਚ ਉਹਨਾਂ ਨੇ ਪੋਸਟ ਸਾਂਝੀ ਕਰਦੇ ਹੋਏ ਲਿਖਿਆ ਕਿ – ਮੈਂ ਸਿਰਫ ਇਹ ਕਲੀਅਰ ਕਰਨਾ ਚਾਹੁੰਦਾ ਹਾਂ ਕਿ “ਸੋਨਮ ਗੁਪਤਾ ਬੇਵਫਾ ਹੈ” ਅੱਜ ਤੋਂ 2 ਸਾਲ ਪਹਿਲਾ (14.11.2019) ਸ਼ੂਟ ਹੋ ਗਈ ਸੀ।
ਇਹ ਫਿਲਮ ਮੈਂ Pen India Limited ਲਈ ਸ਼ੂਟ ਕੀਤੀ ਸੀ ਤੇ ਉਹਨਾਂ ਨਾਲ ਹੀ ਮੇਰਾ ਕੰਟ੍ਰੈਕਟ ਹੋਇਆ ਸੀ। ਹੁਣ ਇਹ ਫਿਲਮ ਕਿਸ ਪਲੇਟਫਾਰਮ ਤੇ ਰਿਲੀਜ਼ ਹੋਵੇਗੀ ਇਸ ਦੇ ਵਿੱਚ ਮੇਰਾ ਕੋਈ ਵੀ ਰੋਲ ਨਹੀਂ ਹੈ। #kisanmajdooriktazindabad ✌️.ਦੱਸਣਯੋਗ ਹੈ ਕਿ ਇਹ ਪੋਸਟ ਜੱਸੀ ਗਿੱਲ ਨੇ ਆਪਣੇ ਫੇਸਬੁੱਕ ਅਕਾਊਂਟ ਤੇ ਸਾਂਝੀ ਕੀਤੀ ਹੈ। ਜਿਸ ਵਿੱਚ ਐਮੀ ਵਿਰਕ ਨਾਲ ਛਿੜੇ ਵਿਵਾਦਾਂ ਤੋਂ ਬਾਅਦ ਉਹਨਾਂ ਨੇ ਵੀ ਆਪਣੀ ਫਿਲਮ ਨੂੰ ਲੈ ਕੇ ਆਪਣਾ ਸਪਸ਼ਟੀਕਰਨ ਦੇਣਾ ਜਰੂਰੀ ਸਮਝਿਆ।
ਹੁਣ ਤੱਕ ਚੱਲ ਰਹੇ ਕਿਸਾਨੀ ਅੰਦੋਲਨ ਨੂੰ ਵੀ ਗਾਇਕ ਦੇ ਵਲੋਂ ਬਹੁਤ ਸੁਪੋਰਟ ਕੀਤਾ ਗਿਆ ਹੈ। ਉਹ ਅਕਸਰ ਸੋਸ਼ਲ ਮੀਡੀਆ ਤੇ ਕਿਸਾਨਾਂ ਦੇ ਸਮਰਥਨ ਦੇ ਵਿੱਚ ਪੋਸਟਾਂ ਵੀ ਸਾਂਝੀਆਂ ਕਰਦੇ ਰਹਿੰਦੇ ਹਨ। ਵਰਕ ਫ਼ਰੰਟ ਦੀ ਗੱਲ ਗਿੱਲ ਨੇ ਹੁਣ ਤੱਕ ਪੰਜਾਬੀ ਇੰਡਸਟਰੀ ਦੀ ਝੋਲੀ ਬਹੁਤ ਸਾਰੇ ਹਿੱਟ ਗੀਤ ਤੇ ਫ਼ਿਲਮਾਂ ਪਾਈਆਂ ਹਨ।
