Siddhanth Kapoor released bail: ਬਾਲੀਵੁੱਡ ਅਦਾਕਾਰ ਸਿਧਾਂਤ ਕਪੂਰ ਐਤਵਾਰ ਰਾਤ ਡਰੱਗਜ਼ ਮਾਮਲੇ ‘ਚ ਫਸ ਗਏ ਸਨ। ਮੈਡੀਕਲ ਟੈਸਟ ‘ਚ ਉਨ੍ਹਾਂ ਦੇ ਡਰੱਗ ਲੈਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਪੁਲਿਸ ਨੇ ਸਿਧਾਂਤ ਸਮੇਤ 6 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਸੀ। ਹੁਣ ਇਸ ਮਾਮਲੇ ‘ਚ 5 ਲੋਕਾਂ ਨੂੰ ਜ਼ਮਾਨਤ ਮਿਲ ਗਈ ਹੈ।
ਡੀਸੀਪੀ ਈਸਟ ਬੈਂਗਲੁਰੂ ਭੀਮਾ ਸ਼ੰਕਰ ਨੇ ਦੱਸਿਆ ਕਿ ਸਿਧਾਂਤ ਕਪੂਰ ਸਮੇਤ 4 ਲੋਕਾਂ ਜਿਨ੍ਹਾਂ ਨੂੰ ਜ਼ਮਾਨਤ ਮਿਲ ਗਈ ਹੈ, ਉਨ੍ਹਾਂ ਨੂੰ ਬੁਲਾਏ ਜਾਣ ‘ਤੇ ਪੁਲਿਸ ਦੇ ਸਾਹਮਣੇ ਪੇਸ਼ ਹੋਣਾ ਪਵੇਗਾ। ਜਿਨ੍ਹਾਂ 5 ਲੋਕਾਂ ਨੂੰ ਜ਼ਮਾਨਤ ਮਿਲੀ ਹੈ, ਉਨ੍ਹਾਂ ‘ਚ ਸਿਧਾਂਤ ਕਪੂਰ, ਅਖਿਲ ਸੋਨੀ, ਹਰਜੋਤ ਸਿੰਘ, ਹਨੀ, ਅਖਿਲ ਸ਼ਾਮਲ ਹਨ। ਬੈਂਗਲੁਰੂ ਦੇ ਐਮਜੀ ਰੋਡ ‘ਤੇ ਸਥਿਤ ਹੋਟਲ ‘ਚ ਪਾਰਟੀ ਚੱਲ ਰਹੀ ਸੀ। ਉੱਥੇ ਸਿਧਾਂਤ ਵੀ ਸਨ। ਪੁਲਿਸ ਨੂੰ ਕਿਸੇ ਨੇ ਹੋਟਲ ਦੇ ਕਮਰੇ ਵਿੱਚ ਡਰੱਗ ਪਾਰਟੀ ਹੋਣ ਦੀ ਸੂਚਨਾ ਦਿੱਤੀ ਸੀ। ਜਿਸ ਤੋਂ ਬਾਅਦ ਪੁਲਸ ਹਰਕਤ ‘ਚ ਆਈ ਅਤੇ ਪਾਰਟੀ ‘ਤੇ ਛਾਪੇਮਾਰੀ ਕੀਤੀ। ਪੁਲਿਸ ਨੇ ਹੋਟਲ ਸਟਾਫ਼ ਤੋਂ ਵੀ ਸਵਾਲ ਪੁੱਛੇ ਹਨ। ਹਾਲਾਂਕਿ ਪੁਲਿਸ ਨੂੰ ਉਥੇ ਮੌਜੂਦ ਲੋਕਾਂ ਕੋਲੋਂ ਨਸ਼ੀਲੇ ਪਦਾਰਥ ਨਹੀਂ ਮਿਲੇ। ਪਰ ਉਨ੍ਹਾਂ ਨੂੰ ਗਾਂਜਾ ਅਤੇ MDMA ਡਸਟਬਿਨ ਦੇ ਕੋਲ ਪਏ ਮਿਲੇ। ਸੀਸੀਟੀਵੀ ਫੁਟੇਜ ਦੀ ਜਾਂਚ ਕੀਤੀ ਜਾਵੇਗੀ ਤਾਂ ਜੋ ਪਤਾ ਲੱਗ ਸਕੇ ਕਿ ਨਸ਼ੀਲੇ ਪਦਾਰਥਾਂ ਦਾ ਨਿਪਟਾਰਾ ਕਿਸ ਨੇ ਕੀਤਾ ਸੀ।
ਪੁਲਿਸ ਨੂੰ ਡਸਟਬਿਨ ਨੇੜੇ ਨਸ਼ੇ ਦੇ ਦੋ ਪੈਕੇਟ ਮਿਲੇ ਹਨ। ਇੱਕ ਪੈਕੇਟ ਵਿੱਚ ਗੁਲਾਬ ਰੰਗ ਦੀਆਂ 4 ਗੋਲੀਆਂ ਅਤੇ ਦੂਜੇ ਵਿੱਚ ਨੀਲੇ ਰੰਗ ਦੀਆਂ 3 ਗੋਲੀਆਂ ਸਨ। ਉੱਥੇ 14 ਔਰਤਾਂ ਅਤੇ 21 ਪੁਰਸ਼ ਮੌਜੂਦ ਸਨ। ਸਾਰੇ 35 ਲੋਕਾਂ ਨੇ ਕਿਹਾ ਕਿ ਉਨ੍ਹਾਂ ਨੇ ਨਸ਼ਾ ਨਹੀਂ ਕੀਤਾ ਹੈ। ਇਨ੍ਹਾਂ ਵਿੱਚੋਂ 5 ਲੋਕਾਂ ਦੇ ਸੈਂਪਲ ਪਾਜ਼ੇਟਿਵ ਆਏ ਹਨ। ਜਿਸ ‘ਚ ਸ਼ਰਧਾ ਕਪੂਰ ਦਾ ਭਰਾ ਸਿਧਾਂਤ ਵੀ ਸ਼ਾਮਲ ਸੀ। ਅਜਿਹੇ ‘ਚ ਸਿਧਾਂਤ ਨੂੰ ਹੋਰ ਕਿਹੜੀਆਂ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ, ਇਹ ਜਲਦ ਹੀ ਪਤਾ ਲੱਗ ਜਾਵੇਗਾ। ਦੱਸਣਯੋਗ ਹੈ ਕਿ ਸਿਧਾਂਤ ਕਪੂਰ ਬਾਲੀਵੁੱਡ ਦੇ ਦਿੱਗਜ ਅਦਾਕਾਰ ਸ਼ਕਤੀ ਕਪੂਰ ਦੇ ਬੇਟੇ ਹਨ। ਅਦਾਕਾਰ ਹੋਣ ਤੋਂ ਇਲਾਵਾ ਸਿਧਾਂਤ ਡੀਜੇ ਵੀ ਹਨ। ਸਿਧਾਂਤ ਦਾ ਫਿਲਮੀ ਕਰੀਅਰ ਫਲਾਪ ਰਿਹਾ ਹੈ। ਉਹ ਕਈ ਫਿਲਮਾਂ ‘ਚ ਨਜ਼ਰ ਆ ਚੁੱਕੀ ਹੈ। ਪਰ ਉਸ ਦਾ ਸਫ਼ਰ ਸਫ਼ਲ ਨਹੀਂ ਹੋਇਆ। ਹੁਣ ਸਿਧਾਂਤ ਦੇ ਕਰੀਅਰ ‘ਤੇ ਡਰੱਗ ਕੇਸ ਦਾ ਲੇਬਲ ਲੱਗ ਗਿਆ ਹੈ।
