ਸਿੱਧੂ ਮੂਸੇਵਾਲਾ ਦੇ ਗੀਤ ‘295’ ਨੇ ‘ਬਿਲਬੋਰਡ ਗਲੋਬਲ 200 ਚਾਰਟ’ ਵਿੱਚ ਜਗ੍ਹਾ ਬਣਾ ਲਈ ਹੈ। ਸਿੱਧੂ ਦਾ ਪਿਛਲੇ ਮਹੀਨੇ ਪੰਜਾਬ ਵਿੱਚ ਕਤਲ ਕਰ ਦਿੱਤਾ ਗਿਆ ਸੀ ਜਦੋਂ ਉਹ ਆਪਣੇ ਚਚੇਰੇ ਭਰਾ ਅਤੇ ਇੱਕ ਦੋਸਤ ਨਾਲ ਜਾ ਰਿਹਾ ਸੀ। ਇਹ ਗਾਇਕ ਭਾਰਤ ‘ਚ ‘ਸੋ ਹਾਈ’, ‘ਸੇਮ ਬੀਫ’, ‘ਦਿ ਲਾਸਟ ਰਾਈਡ’ ਅਤੇ ‘ਜਸਟ ਲਿਸਨ’ ਵਰਗੇ ਗੀਤਾਂ ਲਈ ਮਸ਼ਹੂਰ ਸੀ।
ਸਿੱਧੂ ਦੇ ਗੀਤ ‘295’ ਨੇ ਇਸ ਹਫਤੇ ‘ਬਿਲਬੋਰਡ ਗਲੋਬਲ 200 ਚਾਰਟ’ ਵਿੱਚ ਅਚਾਨਕ ਐਂਟਰੀ ਕੀਤੀ ਅਤੇ ਸ਼ੁੱਕਰਵਾਰ ਤੱਕ 154ਵੇਂ ਸਥਾਨ ‘ਤੇ ਪਹੁੰਚ ਗਿਆ। ਇਸ ਸੂਚੀ ਵਿੱਚ ਗਾਇਕਾ ਕੇਟ ਬੁਸ਼ ਦਾ ‘ਰਨਿੰਗ ਅੱਪ ਦ ਹਿੱਲ’ ਸਭ ਤੋਂ ਉੱਪਰ ਹੈ ਅਤੇ ਇਸ ਵਿੱਚ ਹੈਰੀ ਸਟਾਈਲਜ਼, ਬੈਡ ਬੰਨੀ, ਲਿਜ਼ੋ, ਕੈਮਿਲਾ ਕੈਬੇਲੋ, ਐਡ ਸ਼ੀਰਨ ਅਤੇ ਜਸਟਿਨ ਬੀਬਰ ਦੇ ਮਸ਼ਹੂਰ ਗੀਤ ਵੀ ਸ਼ਾਮਲ ਹਨ।
ਸਿੱਧੂ ਨੇ ‘295’ ਗੀਤ ਅਤੇ ਇਸਦੀ ਵੀਡੀਓ ਜੁਲਾਈ 2021 ਵਿੱਚ ਰਿਲੀਜ਼ ਕੀਤੀ ਸੀ। ਯੂਟਿਊਬ ਤੋਂ ਇਲਾਵਾ ਇਹ ਗੀਤ ਮਿਊਜ਼ਿਕ ਸਟ੍ਰੀਮਿੰਗ ਪਲੇਟਫਾਰਮ ‘ਯੂਟਿਊਬ ਮਿਊਜ਼ਿਕ’ ‘ਤੇ ਵੀ ਧਮਾਲ ਮਚਾ ਰਿਹਾ ਹੈ। ‘295’ ਗੀਤ ਨੂੰ ਯੂ-ਟਿਊਬ ‘ਤੇ ਕਰੀਬ 20 ਕਰੋੜ ਲੋਕ ਦੇਖ ਚੁੱਕੇ ਹਨ। ਇਹ ਟਰੈਕ ‘ਟੌਪ 100 ਮਿਊਜ਼ਿਕ ਵੀਡੀਓਜ਼ ਗਲੋਬਲ ਚਾਰਟ’ ‘ਤੇ ਤੀਜੇ ਨੰਬਰ ‘ਤੇ ਹੈ।
‘295’ ਯੂਟਿਊਬ ਮਿਊਜ਼ਿਕ ਦੇ ਗਲੋਬਲ ਚਾਰਟ ‘ਤੇ ਚੌਥੇ ਨੰਬਰ ‘ਤੇ ਹੈ, ਜਦਕਿ ਪਲੇਟਫਾਰਮ ‘ਟੌਪ ਆਰਟਿਸਟ ਲਿਸਟ’ ਦੀ ਸੂਚੀ ‘ਚ ਦੂਜੇ ਨੰਬਰ ‘ਤੇ ਹੈ। ਸਿੱਧੂ ਦਾ ਇੱਕ ਹੋਰ ਟ੍ਰੈਕ ‘ਦਿ ਲਾਸਟ ਰਾਈਡ’ ਚਾਰਟ ‘ਤੇ ਵੱਧ ਰਿਹਾ ਹੈ ਕਿਉਂਕਿ ਇਹ ਹੁਣ ਛੇਵੇਂ ਸਥਾਨ ‘ਤੇ ਹੈ। ਯੂਟਿਊਬ ‘ਤੇ ਇਸ ਵੀਡੀਓ ਨੂੰ 73 ਮਿਲੀਅਨ ਤੋਂ ਵੱਧ ਵਾਰ ਦੇਖਿਆ ਜਾ ਚੁੱਕਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“ਘਰੋਂ ਚੁੱਕਣ ਆਈ ਪੁਲਿਸ ਤਾਂ ਭੱਜ ਗਿਆ ਕਾਂਗਰਸੀ ਆਗੂ ਅੰਗਦ ਦੱਤਾ, ਪੌੜੀ ਲਗਾਕੇ ਘਰ ਅੰਦਰ ਵੜੀ ਪੁਲਿਸ ਤਾਂ ਦੇਖੋ ਫਿਰ ਕੀ ਹੋਇਆ?”
ਦੱਸ ਦੇਈਏ ਕਿ ਸਿੱਧੂ ਮੂਸੇਵਾਲਾ ਦੀ 29 ਮਈ ਨੂੰ ਪੰਜਾਬ ਦੇ ਮਾਨਸਾ ਜ਼ਿਲ੍ਹੇ ਵਿੱਚ ਕੁਝ ਹਮਲਾਵਰਾਂ ਵੱਲੋਂ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ ਸੀ। ਉਸ ਦੀ ਮੌਤ 29 ਮਈ ਨੂੰ ਹੋਣ ਕਰਕੇ ‘295’ ਗਾਣਾ ਉਸ ਦੀ ਮੌਤ ਦੀ ਤਰੀਕ ਨਾਲ ਜੋੜ ਕੇ ਵੀ ਵੇਖਿਆ ਜਾ ਰਿਹਾ ਹੈ। ਹਾਲਾਂਕਿ ਸਿੱਧੂ ਮੂਸੇਵਾਲਾ ਦੀ ਨੌਜਵਾਨਾਂ ਦੀ ਚੰਗੀ ਫੈਨ ਫਾਲੋਇੰਗ ਸੀ ਪਰ ਮੂਸੇਵਾਲਾ ਦੀ ਮੌਤ ਤੋਂ ਬਾਅਦ ਉਨ੍ਹਾਂ ਲੋਕਾਂ ਨੇ ਵੀ ਉਸ ਦੇ ਗਾਣੇ ਸੁਣਨ ਵਿੱਚ ਦਿਲਚਸਪੀ ਵਿਖਾਈ, ਜੋ ਲੋਕ ਉਸ ਦੇ ਫੈਨ ਨਹੀਂ ਵੀ ਸਨ।
