ਪਾਕਿਸਤਾਨ ਦੇ ਸਾਬਕਾ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਦੀ ਬੇਗਮ ਬੁਸ਼ਰਾ ਬੀਬੀ ਦਾ ਇੱਕ ਆਡੀਓ ਕਲਿੱਪ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ। ਇਸ ਵਿੱਚ ਬੁਸ਼ਰਾ ਬੀਬੀ ਪੀਟੀਆਈ ਦੇ ਮੀਡੀਆ ਬੁਲਾਰੇ ਡਾਕਟਰ ਅਰਸਲਾਨ ਖਾਲਿਦ ਨੂੰ ਵਿਰੋਧੀਆਂ ਨੂੰ ਦੇਸ਼ਧ੍ਰੋਹੀ ਬਣਾਉਣ ਲਈ ਕਹਿ ਰਹੀ ਹੈ।
ਕਲਿੱਪ ਬੁਸ਼ਰਾ ਦੀ ਨਾਰਾਜ਼ਗੀ ਨਾਲ ਸ਼ੁਰੂ ਹੁੰਦੀ ਹੈ। ਉਹ ਸੋਸ਼ਲ ਮੀਡੀਆ ‘ਤੇ ਐਕਟਿਵ ਨਾ ਰਹਿਣ ਲਈ ਖਾਲਿਦ ‘ਤੇ ਆਪਣਾ ਗੁੱਸਾ ਜ਼ਾਹਰ ਕਰਦੀ ਹੈ।
ਪਾਕਿਸਤਾਨੀ ਮੀਡੀਆ ਮੁਤਾਬਕ ਬੁਸ਼ਰਾ ਬੀਬੀ ਨੇ ਜਦੋਂ ਇਮਰਾਨ ਖਾਨ ਦੇ ਪ੍ਰਧਾਨ ਮੰਤਰੀ ਰਹਿੰਦੇ ਖਾਲਿਦ ਨੂੰ ਕਿਹਾ ਸੀ ਕਿ, ‘ਪੀਟੀਆਈ ਦਾ ਸੋਸ਼ਲ ਮੀਡੀਆ ਵਿੰਗ ਅੱਜਕਲ੍ਹ ਜ਼ਿਆਦਾ ਸਰਗਰਮ ਹੋਣਾ ਚਾਹੀਦਾ ਹੈ। ਅਲੀਮ ਖਾਨ ਅਤੇ ਸਾਰੇ ਲੋਕ ਮੇਰੇ, ਇਮਰਾਨ ਖਾਨ ਅਤੇ ਮੇਰੀ ਦੋਸਤ ਫਰਾਹ ਖਾਨ ਬਾਰੇ ਬਿਆਨਬਾਜ਼ੀ ਕਰਦੇ ਹਨ। ਇਨ੍ਹਾਂ ਲੋਕਾਂ ਨੂੰ ਦੇਸ਼ ਧ੍ਰੋਹ ਨਾਲ ਜੋੜ ਦਿਓ।
ਬੁਸ਼ਰਾ ਨੇ ਕਿਹਾ ਕਿ ਅਲੀਮ ਖਾਨ ਅਤੇ ਹੋਰ ਆਪਣੇ ਪਲਾਨ ਮੁਤਾਬਕ ਬੋਲਦੇ ਰਹਿਣਗੇ। ਤੁਹਾਨੂੰ ਉਨ੍ਹਾਂ ਨੂੰ ਦੇਸ਼ਧ੍ਰੋਹ ਨਾਲ ਜੋੜਨਾ ਚਾਹੀਦਾ ਹੈ। ਸੋਸ਼ਲ ਮੀਡੀਆ ‘ਤੇ ਧਮਕੀ ਭਰੀਆਂ ਚਿੱਠੀਆਂ ਦਾ ਮੁੱਦਾ ਉਠਾਇਆ ਜਾਣਾ ਚਾਹੀਦਾ ਹੈ ਅਤੇ ਦੱਸਿਆ ਜਾਣਾ ਚਾਹੀਦਾ ਹੈ ਕਿ ਸਾਨੂੰ ਪਤਾ ਹੈ ਕਿ ਚਿੱਠੀ ਭਰੋਸੇਯੋਗ ਹੈ। ਬੁਸ਼ਰਾ ਨੇ ਪੀਟੀਆਈ ਦੇ ਸੋਸ਼ਲ ਮੀਡੀਆ ਮੁਖੀ ਨੂੰ ਇਹ ਨੈਰੇਟਿਵ ਸੈੱਟ ਕਰਨ ਦਾ ਹੁਕਮ ਦਿੱਤਾ ਕਿ ਪੀਟੀਆਈ ਛੱਡਣ ਵਾਲੇ ਆਪਣੇ ਆਪ ਨੂੰ ਬਚਾਉਣ ਲਈ ਦੇਸ਼ਧ੍ਰੋਹੀਆਂ ਵਿੱਚ ਸ਼ਾਮਲ ਹੋ ਗਏ।
ਇੰਨਾ ਹੀ ਨਹੀਂ ਪਾਕਿਸਤਾਨ ਦੀ ਸਾਬਕਾ ਫਸਟ ਲੇਡੀ ਬੁਸ਼ਰਾ ਬੀਬੀ ਨੇ ਅਰਸਲਾਨ ਨੂੰ ਰੂਸ ਤੋਂ ਤੇਲ ਨਾ ਖਰੀਦਣ ਦਾ ਮੁੱਦਾ ਉਠਾਉਣ ਲਈ ਕਿਹਾ। ਉਸ ਨੇ ਕਿਹਾ ਕਿ ਰੂਸ ਅਤੇ ਯੂਕਰੇਨ ਵਿਚਾਲੇ ਚੱਲ ਰਹੀ ਜੰਗ ਤੋਂ ਬਾਅਦ ਇਮਰਾਨ ਸਰਕਾਰ ਰੂਸ ਤੋਂ ਤੇਲ ਨਹੀਂ ਖਰੀਦ ਰਹੀ ਹੈ। ਇਮਰਾਨ ਨੂੰ ਧੋਖਾ ਦਿੱਤਾ ਜਾ ਰਿਹਾ ਹੈ। ਇਹਨਾਂ ਦੋ ਮੁੱਦਿਆਂ ਨੂੰ ਜੋੜ ਦਿਓ। ਇਸ ਮੁੱਦੇ ਨੂੰ ਦਬਣ ਨਹੀਂ ਦੇ ਸਕਦੇ। ਉਨ੍ਹਾਂ ਨੇ ਅਜਿਹਾ ਰੁਝਾਨ ਬਣਾਉਣ ਲਈ ਕਿਹਾ ਤਾਂ ਕਿ ਲੋਕਾਂ ਨੂੰ ਪਤਾ ਲੱਗ ਸਕੇ ਕਿ ਦੇਸ਼ ਅਤੇ ਇਮਰਾਨ ਖਾਨ ਨਾਲ ਗੱਦਾਰੀ ਕੀਤੀ ਜਾ ਰਹੀ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“ਸਾਵਧਾਨ ! ਲੋਕਾਂ ਦੇ ਘਰਾਂ ‘ਚ TV ਸੜ ਰਹੇ ਨੇ DS ਕੇਬਲ ਲਵਾਕੇ, ਸ਼ੀਤਲ ਵਿੱਜ ਤੇ ਉਸਦੇ ਗੁਰਗੇ ਉਤਰੇ ਗੁੰਡਾਗਰਦੀ ‘ਤੇ ! “
