Bigg Boss16 shooting start: ਬਾਲੀਵੁੱਡ ਅਦਾਕਾਰ ਸਲਮਾਨ ਖਾਨ ਜਲਦ ਹੀ ਆਪਣੇ ਵਿਵਾਦਿਤ ਸ਼ੋਅ ਯਾਨੀ ‘ਬਿੱਗ ਬੌਸ 16’ ਦੇ ਨਵੇਂ ਸੀਜ਼ਨ ਨਾਲ ਟੀਵੀ ‘ਤੇ ਧਮਾਕੇਦਾਰ ਧਮਾਲਾਂ ਪਾਉਣ ਲਈ ਤਿਆਰ ਹਨ। ਸਲਮਾਨ ਖਾਨ ਦੇ ‘ਬਿੱਗ ਬੌਸ 16’ ਲਈ ਟੀਵੀ ਸਿਤਾਰਿਆਂ ਨੂੰ ਲਗਾਤਾਰ ਅਪ੍ਰੋਚ ਕੀਤਾ ਜਾ ਰਿਹਾ ਹੈ।
ਜਿੱਥੇ ਬੀਤੇ ਦਿਨੀਂ ਖਬਰ ਆਈ ਸੀ ਕਿ ਸਲਮਾਨ ਖਾਨ ਅਗਲੇ ਹਫਤੇ ਤੋਂ ਹੀ ‘ਬਿੱਗ ਬੌਸ 16’ ਦੀ ਸ਼ੂਟਿੰਗ ਸ਼ੁਰੂ ਕਰ ਦੇਣਗੇ, ਉਥੇ ਹੀ ਹੁਣ ‘ਬਿੱਗ ਬੌਸ 16’ ਦੀ ਪ੍ਰੀਮੀਅਰ ਡੇਟ ਵੀ ਸਾਹਮਣੇ ਆ ਗਈ ਹੈ। ਇਸ ਦੇ ਨਾਲ ਹੀ ਸ਼ੋਅ ਦੇ ਕਨਫਰਮਡ ਕੰਟੈਸਟੈਂਟ ਦੇ ਨਾਂ ਵੀ ਸਾਹਮਣੇ ਆ ਗਏ ਹਨ, ਜਿਨ੍ਹਾਂ ਨੂੰ ਸੁਣ ਕੇ ਪ੍ਰਸ਼ੰਸਕਾਂ ਹੈਰਾਨ ਜਾਣਗੇ। ਰਿਪੋਰਟ ਮੁਤਾਬਕ ‘ਬਿੱਗ ਬੌਸ 16’ ਦਾ ਪ੍ਰੀਮੀਅਰ ਅਕਤੂਬਰ ਦੇ ਪਹਿਲੇ ਹਫ਼ਤੇ ਹੋ ਸਕਦਾ ਹੈ। ਸ਼ੋਅ ਨੂੰ ਲੈ ਕੇ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ ਇਸ ਦਾ ਪ੍ਰੀਮੀਅਰ 1 ਜਾਂ 2 ਅਕਤੂਬਰ ਤੱਕ ਹੋ ਸਕਦਾ ਹੈ। ਇਸ ਦੇ ਨਾਲ ਹੀ ਦੱਸਿਆ ਜਾ ਰਿਹਾ ਹੈ ਕਿ ‘ਬਿੱਗ ਬੌਸ 16’ ਦਾ ਘਰ ਕੁਝ ਹੀ ਦਿਨਾਂ ‘ਚ ਬਣਨਾ ਸ਼ੁਰੂ ਹੋ ਜਾਵੇਗਾ। ਤੁਹਾਨੂੰ ਦੱਸ ਦੇਈਏ ਕਿ ਜਿੱਥੇ ਸਲਮਾਨ ਖਾਨ ਅਗਲੇ ਹਫਤੇ ਤੋਂ ‘ਬਿੱਗ ਬੌਸ 16’ ਦੀ ਸ਼ੂਟਿੰਗ ਸ਼ੁਰੂ ਕਰਨਗੇ, ਉਥੇ ਹੀ ਪ੍ਰਤੀਯੋਗੀਆਂ ਦੇ ਨਾਲ ਸ਼ੋਅ ਦੀ ਸ਼ੂਟਿੰਗ ਸਤੰਬਰ ਦੇ ਅੱਧ ਤੋਂ ਸ਼ੁਰੂ ਹੋਵੇਗੀ।
‘ਬਿੱਗ ਬੌਸ 16’ ਕੰਟੈਸਟੈਂਟ ਲਈ ਕਿਹਾ ਜਾ ਰਿਹਾ ਹੈ ਕਿ ਸ਼ਿਵਾਂਗੀ ਜੋਸ਼ੀ, ਫੈਜ਼ਲ ਸ਼ੇਖ, ਜੰਨਤ ਜ਼ੁਬੈਰ, ਦਿਵਯੰਕਾ ਤ੍ਰਿਪਾਠੀ, ਕਾਵੇਰੀ ਪ੍ਰਿਯਮ, ਮੁਨੱਵਰ ਫਾਰੂਕੀ, ਅਰਜੁਨ ਬਿਜਲਾਨੀ ਅਤੇ ਅੰਜਲੀ ਅਰੋੜਾ ਵਰਗੇ ਸਿਤਾਰੇ ਹਿੱਸਾ ਬਣ ਸਕਦੇ ਹਨ। ਇਨ੍ਹਾਂ ‘ਚੋਂ ਮੁਨੱਵਰ ਫਾਰੂਕੀ ਅਤੇ ਅਰਜੁਨ ਬਿਜਲਾਨੀ ਸ਼ੋਅ ਦੇ ਕਨਫਰਮਡ ਕੰਟੈਸਟੈਂਟ ਦੱਸੇ ਜਾ ਰਹੇ ਹਨ। ਹਾਲਾਂਕਿ ਜਦੋਂ ਮੁਨੱਵਰ ਫਾਰੂਕੀ ਨੂੰ ‘ਬਿੱਗ ਬੌਸ 16’ ਬਾਰੇ ਪੁੱਛਿਆ ਗਿਆ ਤਾਂ ਉਨ੍ਹਾਂ ਨੇ ਦੱਸਿਆ ਕਿ ਉਹ ਸ਼ੋਅ ਦਾ ਹਿੱਸਾ ਬਣਨਾ ਚਾਹੁੰਦੇ ਹਨ। ਪਰ ਹੁਣ ਤੱਕ ਉਸ ਨੂੰ ‘ਬਿੱਗ ਬੌਸ 16’ ਦਾ ਆਫਰ ਨਹੀਂ ਮਿਲਿਆ ਹੈ।
