ਪੰਜਾਬ ‘ਚ ਲਿੰਗ ਬਦਲ ਕੇ ਵਿਆਹ ਕਰਵਾਉਣ ਅਤੇ ਬਾਅਦ ‘ਚ ਪ੍ਰੇਮੀ ਵੱਲੋਂ ਮੁਕਰ ਜਾਣ ਦਾ ਇਕ ਹੋਰ ਮਾਮਲਾ ਸਾਹਮਣੇ ਆਇਆ ਹੈ। ਜਲੰਧਰ ‘ਚ ਮੁੰਡੇ ਨੇ ਲਿੰਗ ਬਦਲ ਕੇ ਕੁੜੀ ਬਣ ਕੇ ਦੂਜੇ ਮੁੰਡੇ ਨਾਲ ਵਿਆਹ ਕਰਵਾ ਲਿਆ। ਦੋਵੇਂ ਕੁਝ ਦਿਨ ਇਕੱਠੇ ਰਹੇ ਪਰ ਫਿਰ ਪ੍ਰੇਮੀ ਨੂੰ ਵਿਆਹ ਪਸੰਦ ਨਹੀਂ ਆਇਆ। ਉਹ ਉਸ ਨੂੰ ਧੋਖਾ ਦੇ ਕੇ ਉਸ ਦੇ ਘਰੋਂ ਭੱਜ ਗਿਆ। ਇਸ ‘ਤੇ ਮੁੰਡੇ ਤੋਂ ਕੁੜੀ ਬਣੇ ਸ਼ੁਭਮ ਉਰਫ ਜੀਆ ਨੇ ਥਾਣਾ ਬਸਤੀ ਬਾਵਾ ਖੇਲ ‘ਚ ਹੰਗਾਮਾ ਕਰ ਦਿੱਤਾ ਅਤੇ ਥਾਣਾ ਨਿਊ ਸੰਤ ਨਗਰ ਦੇ ਰਹਿਣ ਵਾਲੇ ਅਰਜੁਨ ਖਿਲਾਫ ਸ਼ਿਕਾਇਤ ਦਰਜ ਕਰਵਾਈ।
ਬਸਤੀ ਪੀਰ ਦਾਦ ਦੇ ਰਹਿਣ ਵਾਲੇ ਸ਼ੁਭਮ ਉਰਫ ਜੀਆ ਨੇ ਦੱਸਿਆ ਕਿ ਉਹ ਸ਼ੋਭਾਯਾਤਰਾ ਵਿੱਚ ਨਿਕਲਣ ਵਾਲੀਆਂ ਝਾਂਕੀਆਂ ਵਿੱਚ ਮੇਕਅੱਪ ਕਰਕੇ ਦੇਵੀ-ਦੇਵਤਿਆਂ ਦੇ ਕਿਰਦਾਰ ਨਿਭਾਉਂਦਾ ਸੀ। ਚਾਰ ਸਾਲ ਪਹਿਲਾਂ ਉਸ ਦੀ ਮੁਲਾਕਾਤ ਨਿਊ ਸੰਤ ਨਗਰ ਦੇ ਅਰਜੁਨ ਨਾਲ ਹੋਈ ਸੀ।
ਸ਼ੁਭਮ ਉਰਫ ਜੀਆ ਨੇ ਦੋਸ਼ ਲਗਾਇਆ ਕਿ ਅਰਜੁਨ ਦੇ ਪਿਆਰ ‘ਚ ਉਸ ਨੇ ਆਪਣਾ ਲਿੰਗ ਬਦਲ ਲਿਆ ਅਤੇ ਕੁੜੀ ਬਣ ਗਿਆ। ਫਿਰ ਦੋ ਸਾਲ ਤੱਕ ਦੋਵੇਂ ਲਿਵ-ਇਨ ਰਿਲੇਸ਼ਨਸ਼ਿਪ ਵਿੱਚ ਰਹੇ। ਉਨ੍ਹਾਂ ਦਾ ਵਿਆਹ ਢਾਈ ਸਾਲ ਪਹਿਲਾਂ ਹਿੰਦੂ ਰੀਤੀ-ਰਿਵਾਜਾਂ ਅਨੁਸਾਰ ਹੋਇਆ ਸੀ। ਇਹ ਗੱਲ ਦੋਵਾਂ ਦੇ ਪਰਿਵਾਰ ਵਾਲਿਆਂ ਨੂੰ ਪਸੰਦ ਨਹੀਂ ਸੀ। ਉਨ੍ਹਾਂ ਨੂੰ ਘਰੋਂ ਬਾਹਰ ਕੱਢ ਦਿੱਤਾ ਗਿਆ ਸੀ। ਇਸ ਤੋਂ ਬਾਅਦ ਦੋਵੇਂ ਨਾਲਾ ਪਿੰਡ ਵਿੱਚ ਕਿਰਾਏ ਦੇ ਮਕਾਨ ਵਿੱਚ ਰਹਿਣ ਲੱਗੇ।
ਇਹ ਵੀ ਪੜ੍ਹੋ : ਮੁੜ ਪੰਜਾਬ ‘ਚ ਪੈਰ ਪਸਾਰ ਰਿਹਾ ਕੋਰੋਨਾ, ਜੁਲਾਈ ‘ਚ ਮਿਲੇ 2736 ਨਵੇਂ ਮਰੀਜ਼, ਤਿੰਨ ਗੁਣਾ ਵਧੇ ਕੇਸ
ਜੀਆ ਨੇ ਦੱਸਿਆ ਕਿ ਕੁਝ ਦਿਨ ਪਹਿਲਾਂ ਅਰਜੁਨ ਬਾਈਕ ਦੀ ਕਿਸ਼ਤ ਲੈਣ ਆਪਣੇ ਘਰ ਗਿਆ ਸੀ ਪਰ ਵਾਪਸ ਨਹੀਂ ਆਇਆ। ਜਦੋਂ ਉਸ ਨੇ ਉਸ ਦੇ ਘਰ ਜਾ ਕੇ ਪਤਾ ਕੀਤਾ ਤਾਂ ਉਸ ਨੂੰ ਧੱਕੇ ਮਾਰ ਕੇ ਕੱਢ ਦਿੱਤਾ ਗਿਆ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਬਸਤੀ ਬਾਵਾ ਖੇਲ ਥਾਣੇ ‘ਚ ਸ਼ਿਕਾਇਤ ਦਿੱਤੀ ਹੈ।
ਸ਼ੁਭਮ ਉਰਫ ਜੀਆ ਨੇ ਦੱਸਿਆ ਕਿ ਅਰਜੁਨ ਦੇ ਕਹਿਣ ‘ਤੇ ਉਸ ਨੇ ਆਪਣਾ ਨਾਂ ਜੀਆ ਰੱਖਿਆ ਅਤੇ ਆਪਣੀ ਬਾਂਹ ‘ਤੇ ਟੈਟੂ ਬਣਵਾਇਆ। ਉਹ ਇੱਕ ਕੁੜੀ ਵਾਂਗ ਕੱਪੜੇ ਪਾਉਣ ਅਤੇ ਰਹਿਣ ਲੱਗ ਪਈ ਸੀ। ਵਿਆਹ ਤੋਂ ਬਾਅਦ ਦੋਵਾਂ ਨੇ ਫੈਕਟਰੀ ‘ਚ ਕੰਮ ਵੀ ਕੀਤਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“Fastway ਨੂੰ ਲਗਾ ਗਏ ਲੱਖਾਂ ਦਾ ਚੂਨਾ, ਭਰੋਸਾ ਜਿੱਤਣ ਤੋਂ ਬਾਅਦ ਸੁਣੋ ਕਿਵੇਂ ਕੀਤਾ Fraud, ਪਰ ਹੁਣ ਵਾਪਿਸ ਕਰਨਾ ਪੈਣਾ “
