ਅੱਜ 22 ਅਕਤੂਬਰ ਨੂੰ ਧਨਤੇਰਸ ਹੈ। ਇਸ ਦਿਨ ਸੋਨਾ ਅਤੇ ਚਾਂਦੀ ਖਰੀਦਣਾ ਬਹੁਤ ਸ਼ੁਭ ਮੰਨਿਆ ਜਾਂਦਾ ਹੈ। ਜੇ ਤੁਸੀਂ ਵੀ ਸੋਨਾ-ਚਾਂਦੀ ਖਰੀਦਣ ਜਾ ਰਹੇ ਹੋ, ਤਾਂ ਇਹ ਖਬਰ ਤੁਹਾਡੇ ਲਈ ਕੰਮ ਦੀ ਹੋ ਸਕਦੀ ਹੈ। ਦੱਸ ਦੇਈਏ ਕਿ ਪਿਛਲੇ ਕਈ ਦਿਨਾਂ ਤੋਂ ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ਲਗਾਤਾਰ ਘਟ ਰਹੀਆਂ ਹਨ। ਅਜਿਹੇ ‘ਚ ਗਾਹਕ ਸੋਨਾ-ਚਾਂਦੀ ਖਰੀਦਣ ਲਈ ਉਤਸ਼ਾਹਿਤ ਹਨ।
ਵਪਾਰੀਆਂ ਦਾ ਇਹ ਵੀ ਮੰਨਣਾ ਹੈ ਕਿ ਇਸ ਸਾਲ ਧਨਤੇਰਸ ਦੀਵਾਲੀ ‘ਤੇ ਬੰਪਰ ਖਰੀਦਦਾਰੀ ਹੋ ਸਕਦੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਸਰਾਫਾ ਬਾਜ਼ਾਰ ‘ਚ ਸੋਨਾ ਇਸ ਸਾਲ ਦੇ ਰਿਕਾਰਡ ਉੱਚ ਪੱਧਰ ਤੋਂ ਕਰੀਬ 3500 ਰੁਪਏ ਸਸਤਾ ਮਿਲ ਰਿਹਾ ਹੈ। ਇਸ ਦੇ ਨਾਲ ਹੀ ਚਾਂਦੀ 15,000 ਰੁਪਏ ਤੱਕ ਸਸਤੀ ਮਿਲ ਰਹੀ ਹੈ।
3541 ਰੁਪਏ ਸਸਤਾ ਸੋਨਾ
ਗਲੋਬਲ ਬਾਜ਼ਾਰਾਂ ‘ਚ ਧਾਤਾਂ ਦੀਆਂ ਕੀਮਤਾਂ ‘ਚ ਗਿਰਾਵਟ ਵਿਚਾਲੇ ਸਰਾਫਾ ਬਾਜ਼ਾਰ ‘ਚ ਸੋਨੇ ਦੀ ਕੀਮਤ ‘ਚ ਗਿਰਾਵਟ ਆਈ ਹੈ। ਇੰਡੀਅਨ ਬੁਲੀਅਨ ਐਂਡ ਜਵੈਲਰਜ਼ ਐਸੋਸੀਏਸ਼ਨ (ਆਈ.ਬੀ.ਜੇ.ਏ.) ਮੁਤਾਬਕ ਇਸ ਸਮੇਂ 24 ਕੈਰੇਟ ਸੋਨੇ ਦੀ ਕੀਮਤ 50062 ਰੁਪਏ ਪ੍ਰਤੀ ਦਸ ਗ੍ਰਾਮ ਹੈ। ਇਸ ਸਾਲ 18 ਅਪ੍ਰੈਲ ਨੂੰ ਸੋਨਾ 53,603 ਰੁਪਏ ਦੇ ਰਿਕਾਰਡ ਪੱਧਰ ‘ਤੇ ਪਹੁੰਚ ਗਿਆ ਸੀ। ਯਾਨੀ ਸੋਨਾ ਇਸ ਸਮੇਂ ਰਿਕਾਰਡ ਹਾਈ ਤੋਂ 3541 ਰੁਪਏ ਸਸਤਾ ਹੋ ਰਿਹਾ ਹੈ।
ਨਵੀਨਤਮ ਸੋਨੇ ਦੇ ਰੇਟ ਕੈਰੇਟ ਮੁਤਾਬਕ
24 ਕੈਰੇਟ ਸੋਨੇ ਦੀ ਤਾਜ਼ਾ ਕੀਮਤ 50,062 ਰੁਪਏ ਪ੍ਰਤੀ 10 ਗ੍ਰਾਮ ਹੈ।
22 ਕੈਰੇਟ ਸੋਨੇ ਦੀ ਕੀਮਤ 45,857 ਰੁਪਏ ਪ੍ਰਤੀ 10 ਗ੍ਰਾਮ ਹੈ।
18 ਕੈਰੇਟ ਸੋਨੇ ਦੀ ਤਾਜ਼ਾ ਕੀਮਤ 37,547 ਰੁਪਏ ਪ੍ਰਤੀ 10 ਗ੍ਰਾਮ ਹੈ।
14 ਕੈਰੇਟ ਸੋਨਾ 29,286 ਰੁਪਏ ਪ੍ਰਤੀ 10 ਗ੍ਰਾਮ ‘ਤੇ ਵਿਕ ਰਿਹਾ ਹੈ।
ਇਹ ਵੀ ਪੜ੍ਹੋ : ਮਾਨ ਸਰਕਾਰ ਦੇ ਖਜ਼ਾਨੇ ‘ਚ ਵਾਧਾ, ਜ਼ਮੀਨ-ਜਾਇਦਾਦ ਦੀ ਰਜਿਸਟਰੀ ਨਾਲ 18.50 ਫੀਸਦੀ ਵਧੀ ਆਮਦਨ
IBJA ਮੁਤਾਬਕ 1 ਕਿਲੋ ਚਾਂਦੀ ਦੀ ਕੀਮਤ ਰਿਕਾਰਡ ਹਾਈ ਤੋਂ ਡਿੱਗ ਕੇ 15335 ਰੁਪਏ ‘ਤੇ ਆ ਗਈ ਹੈ। ਦੱਸ ਦੇਈਏ ਕਿ ਇਸ ਸਾਲ 8 ਮਾਰਚ ਨੂੰ ਚਾਂਦੀ 70890 ਰੁਪਏ ਪ੍ਰਤੀ ਕਿਲੋਗ੍ਰਾਮ ਤੱਕ ਪਹੁੰਚ ਗਈ ਸੀ। ਫਿਲਹਾਲ ਚਾਂਦੀ ਦੀ ਕੀਮਤ 55555 ਰੁਪਏ ‘ਤੇ ਆ ਗਈ ਹੈ। ਯਾਨੀ ਚਾਂਦੀ ਆਪਣੇ ਰਿਕਾਰਡ ਉੱਚ ਪੱਧਰ ਤੋਂ 15335 ਰੁਪਏ ਸਸਤੀ ਮਿਲ ਰਹੀ ਹੈ।
ਇਸ ਹਫਤੇ ਦੀ ਗੱਲ ਕਰੀਏ ਤਾਂ ਚਾਂਦੀ ਪਿਛਲੇ ਸ਼ੁੱਕਰਵਾਰ 56042 ਰੁਪਏ ਦੇ ਮੁਕਾਬਲੇ ਇਸ ਸ਼ੁੱਕਰਵਾਰ 55555 ਰੁਪਏ ‘ਤੇ ਬੰਦ ਹੋਈ। ਯਾਨੀ ਇੱਕ ਹਫ਼ਤੇ ਵਿੱਚ ਇਹ 487 ਰੁਪਏ ਸਸਤਾ ਹੋ ਗਿਆ ਹੈ, ਹਾਲਾਂਕਿ ਇਸ ਵਿੱਚ ਜੀ.ਐੱਸ.ਟੀ. ਸ਼ਾਮਲ ਨਹੀਂ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“ਮੂਸੇਵਾਲਾ ਦੀ ਮੌਤ ਤੇ ਰੋਇਆ ਸੀ ਪੂਰਾ ਕਸ਼ਮੀਰ ! ਇਹਨਾਂ ਦੇ ਦਿਲਾਂ ‘ਚ ਪੰਜਾਬੀਆਂ ਪ੍ਰਤੀ ਪਿਆਰ ਦੇਖ ਹੋ ਜਾਓਂਗੇ ਹੈਰਾਨ ! “
