Guest Editors Archives - Daily Post Punjabi

ਅਦਾਕਾਰ ਰਾਕੇਸ਼ ਬੇਦੀ ਹੋਏ ਧੋਖਾਧੜੀ ਦਾ ਸ਼ਿਕਾਰ, ਠੱਗ ਨੇ ਫੌਜੀ ਬਣ ਕੇ ਲੁੱਟੇ 75 ਹਜ਼ਾਰ ਰੁਪਏ

Pawan Rana — Tue, 02 Jan 2024 09:52:30 +0000

Rakesh Bedi phone Scam: ਅੱਜ ਕੱਲ੍ਹ ਘੁਟਾਲੇ ਆਮ ਹੋ ਗਏ ਹਨ। ਆਮ ਲੋਕ ਹੀ ਨਹੀਂ ਸਗੋਂ ਵੱਡੇ-ਵੱਡੇ ਸਿਤਾਰੇ ਵੀ ਧੋਖਾਧੜੀ ਦਾ ਸ਼ਿਕਾਰ ਹੋ ਰਹੇ ਹਨ। ਹਾਲ ਹੀ ‘ਚ ‘ਗਦਰ 2’ ਦੇ ਅਦਾਕਾਰ ਰਾਕੇਸ਼ ਬੇਦੀ ਵੀ ਇਸ ਦਾ ਸ਼ਿਕਾਰ ਹੋਏ ਹਨ। ਰਾਕੇਸ਼ ਬੇਦੀ ਨਾਲ ਇੱਕ ਫ਼ੋਨ ਘੁਟਾਲੇ ਵਿੱਚ 75 ਹਜ਼ਾਰ ਰੁਪਏ ਦੀ ਠੱਗੀ ਹੋਈ ਹੈ। ਉਸ ਨੇ ਪੁਲੀਸ ਕੋਲ ਸ਼ਿਕਾਇਤ ਵੀ ਦਰਜ ਕਰਵਾਈ ਹੈ।

Rakesh Bedi phone Scam

30 ਦਸੰਬਰ 2023 ਨੂੰ ਲੋਕ ਸਾਲ ਦੇ ਆਖਰੀ ਪਲ ਬਿਤਾ ਰਹੇ ਸਨ, ਉਸੇ ਸਮੇਂ ਰਾਕੇਸ਼ ਬੇਦੀ ਹਜ਼ਾਰਾਂ ਦੀ ਠੱਗੀ ਦਾ ਸ਼ਿਕਾਰ ਹੋ ਗਏ। ਇੱਕ ਵਿਅਕਤੀ ਨੇ ਆਰਮੀ ਅਫਸਰ ਹੋਣ ਦਾ ਬਹਾਨਾ ਲਗਾ ਕੇ ਰਾਕੇਸ਼ ਬੇਦੀ ਨਾਲ ਧੋਖਾਧੜੀ ਕੀਤੀ। ਜਦੋਂ ਤੱਕ ਉਸ ਨੂੰ ਪਤਾ ਲੱਗਾ ਕਿ ਇਹ ਘਪਲਾ ਹੈ ਤਾਂ ਉਸ ਦਾ 75 ਹਜ਼ਾਰ ਰੁਪਏ ਦਾ ਨੁਕਸਾਨ ਹੋ ਚੁੱਕਾ ਸੀ। ਵਿਅਕਤੀ ਨੇ ਅਦਾਕਾਰ ਦਾ ਪੁਣੇ ਫਲੈਟ ਖਰੀਦਣ ਵਿੱਚ ਦਿਲਚਸਪੀ ਦਿਖਾਈ ਸੀ। 1 ਜਨਵਰੀ 2024 ਨੂੰ ਅਭਿਨੇਤਾ ਨੇ ਓਸ਼ੀਵਾਰਾ ਪੁਲਿਸ ਸਟੇਸ਼ਨ ‘ਚ ਸ਼ਿਕਾਇਤ ਦਰਜ ਕਰਵਾਈ ਸੀ। ਰਾਕੇਸ਼ ਬੇਦੀ ਨੇ ਗੱਲਬਾਤ ਕਰਦੇ ਹੋਏ ਇਸ ਧੋਖਾਧੜੀ ਦੀ ਜਾਣਕਾਰੀ ਦਿੱਤੀ ਹੈ। ਅਭਿਨੇਤਾ ਨੇ ਕਿਹਾ, “ਮੈਂ ਇੱਕ ਵੱਡਾ ਨੁਕਸਾਨ ਹੋਣ ਤੋਂ ਬਚ ਗਿਆ, ਪਰ ਮੈਂ ਉਨ੍ਹਾਂ ਲੋਕਾਂ ਤੋਂ ਲੋਕਾਂ ਨੂੰ ਸਾਵਧਾਨ ਕਰਨਾ ਚਾਹੁੰਦਾ ਹਾਂ ਜੋ ਫੌਜੀ ਅਫਸਰ ਹੋਣ ਦਾ ਬਹਾਨਾ ਲਗਾ ਕੇ ਧੋਖਾਧੜੀ ਕਰਦੇ ਹਨ। ਉਹ ਹਮੇਸ਼ਾ ਰਾਤ ਨੂੰ ਹੀ ਕਾਲ ਕਰਦੇ ਹਨ। ਇਸ ਲਈ ਜਦੋਂ ਤੱਕ ਤੁਹਾਨੂੰ ਇਹ ਅਹਿਸਾਸ ਹੁੰਦਾ ਹੈ, “ਇਹ ਧੋਖਾਧੜੀ ਹੈ, ਉਦੋਂ ਤੱਕ ਇਹ ਸ਼ਿਕਾਇਤ ਕਰਨ ਵਿੱਚ ਬਹੁਤ ਦੇਰ ਹੋ ਗਈ ਹੈ।”

ਵੀਡੀਓ ਲਈ ਕਲਿੱਕ ਕਰੋ –

“ਰੇਡਾਂ ਮਾਰਨ ਵਾਲਾ ਧਾਕੜ ਅਫ਼ਸਰ ਕਿਉਂ ਰੋ ਪਿਆ ? ਕਹਿੰਦਾ, ਕਦੇ ਵੀ ਵਿਆਹ ਦੀ ਰੋਟੀ ਨਾ ਖਾਓ”

ਹਰ ਵੇਲੇ Update ਰਹਿਣ ਲਈ ਸਾਨੂੰ Facebook ‘ਤੇ like ਤੇ See first ਕਰੋ .

69 ਸਾਲਾ ਰਾਕੇਸ਼ ਬੇਦੀ ਪਿਛਲੇ ਚਾਰ ਦਹਾਕਿਆਂ ਤੋਂ ਸਿਨੇਮਾ ਨਾਲ ਜੁੜੇ ਹੋਏ ਹਨ। ਉਨ੍ਹਾਂ ਨੇ ਟੈਲੀਵਿਜ਼ਨ ਤੋਂ ਲੈ ਕੇ ਬਾਲੀਵੁੱਡ ਤੱਕ ਕੰਮ ਕੀਤਾ ਹੈ। ਅਦਾਕਾਰ ਨੂੰ ਆਖਰੀ ਵਾਰ ਵਿੱਕੀ ਕੌਸ਼ਲ ਦੀ ਫਿਲਮ ਜ਼ਾਰਾ ਹਟਕੇ ਜ਼ਾਰਾ ਬਚਕੇ ਅਤੇ ਸੰਨੀ ਦਿਓਲ ਸਟਾਰਰ ਫਿਲਮ ‘ਗਦਰ 2’ ਵਿੱਚ ਦੇਖਿਆ ਗਿਆ ਸੀ। ਸਾਲ 2022 ਵਿੱਚ, ਰਾਕੇਸ਼ ਨੇ ਟੀਵੀ ਸ਼ੋਅ ਵਾਹ ਭਾਈ ਵਾਹ ਵਿੱਚ ਕੰਮ ਕੀਤਾ। ਇਸ ਤੋਂ ਇਲਾਵਾ ਉਹ ਚਮਕ ਸੀਰੀਜ਼ ‘ਚ ਵੀ ਨਜ਼ਰ ਆ ਚੁੱਕੀ ਹੈ।

The post ਅਦਾਕਾਰ ਰਾਕੇਸ਼ ਬੇਦੀ ਹੋਏ ਧੋਖਾਧੜੀ ਦਾ ਸ਼ਿਕਾਰ, ਠੱਗ ਨੇ ਫੌਜੀ ਬਣ ਕੇ ਲੁੱਟੇ 75 ਹਜ਼ਾਰ ਰੁਪਏ appeared first on Daily Post Punjabi.

ਹੁਣ ਕੈਨੇਡਾ ਜਾਣ ਵਾਲਿਆਂ ਦੀਆਂ ਵੱਧ ਸਕਦੀਆਂ ਨੇ ਮੁਸ਼ਕਿਲਾਂ, ਸਰਕਾਰ ਨੇ ਬਦਲੀਆਂ ਆਪਣੀਆਂ ਨੀਤੀਆਂ

Sulakhanjeet Kaur — Sun, 09 Apr 2023 10:10:49 +0000

ਲੁਧਿਆਣਾ (ਕੁੰਵਰਜੋਤ ਸਿੰਘ ): ਕੈਨੇਡਾ ਜਾਣ ਦੀ ਯੋਜਨਾ ਬਣਾ ਰਹੇ ਲੋਕਾਂ ਲਈ ਕੈਨੇਡੀਅਨ ਸਰਕਾਰ ਨੇ ਚਿਤਾਵਨੀ ਜਾਰੀ ਕੀਤੀ ਹੈ। ਇਸ ਚਿਤਾਵਨੀ ਵਿੱਚ ਲੋਕਾਂ ਨੂੰ ਕੈਨੇਡਾ ਆਉਣ ਸਬੰਧੀ ਸੇਵਾਵਾਂ ਲੈਣ ਸਮੇਂ ਸਾਵਧਾਨੀ ਵਰਤਣ ਲਈ ਕਿਹਾ ਗਿਆ ਹੈ । ਸਰਕਾਰ ਦੀ ਅਧਿਕਾਰਤ ਵੈੱਬਸਾਈਟ ਮੁਤਾਬਕ ਅਜਿਹੇ ਏਜੰਟ ‘ਤੇ ਵਿਸ਼ਵਾਸ ਨਾ ਕਰੋ, ਜੋ ਵੀਜ਼ਾ ਮਿਲਣ ਦਾ ਦਾਅਵਾ ਕਰਦਾ ਹੈ, ਵੀਜ਼ਾ ਅਧਿਕਾਰੀਆਂ ਨਾਲ ਵਿਸ਼ੇਸ਼ ਸਬੰਧ ਹੋਣ ਦੀ ਗੱਲ ਕਰਦਾ ਹੈ, ਬੜੀ ਜਲਦੀ ਵੀਜ਼ਾ ਪ੍ਰਕਿਰਿਆ ਪੂਰੀ ਹੋਣ ਦਾ ਦਾਅਵਾ ਕਰਦਾ ਹੈ ਜਾਂ ਕੈਨੇਡਾ ਵਿਚ ਪੱਕੇ ਨਿਵਾਸ ਦਾ ਦਾਅਵਾ ਕਰਦਾ ਹੈ। ਅਜਿਹੇ ਏਜੰਟ ਸੱਚ ਨਹੀਂ ਬੋਲ ਰਹੇ ਹੁੰਦੇ । ਕੋਈ ਵੀ ਇਹ ਗਾਰੰਟੀ ਨਹੀਂ ਦੇ ਸਕਦਾ ਹੈ ਕਿ ਤੁਹਾਡਾ ਵੀਜ਼ਾ ਮਨਜ਼ੂਰ ਹੋ ਜਾਵੇਗਾ।

ਰਿਪੋਰਟਾਂ ਮੁਤਾਬਕ ਬਹੁਤ ਸਾਰੇ ਏਜੰਟ ਘੱਟ ਜਾਂ ਬਿਨ੍ਹਾਂ ਕੰਮ ਦੇ ਤੁਹਾਡੇ ਕੋਲੋਂ ਪੈਸੇ ਲੈ ਲੈਂਦੇ ਹਨ। ਅਜਿਹੇ ਏਜੰਟ ਤੁਹਾਨੂੰ ਝਾਂਸੇ ਵਿੱਚ ਲੈ ਕੇ ਕਹਿਣਗੇ ਕਿ ਤੁਸੀਂ ਵੀਜ਼ੇ ਲਈ ਸਾਰੀਆਂ ਕਸੌਟੀਆਂ ‘ਤੇ ਖਰੇ ਉਤਰਦੇ ਹੋ, ਭਾਵੇਂ ਕਿ ਤੁਸੀਂ ਵੀਜ਼ੇ ਦੀਆਂ ਸ਼ਰਤਾਂ ਨਾ ਵੀ ਪੂਰੀਆਂ ਕਰਦੇ ਹੋਵੋ ਤਾਂ ਵੀ ਉਹ ਤੁਹਾਨੂੰ ਯਕੀਨ ਦਵਾਉਣਗੇ ਕਿ ਤੁਹਾਡਾ ਵੀਜ਼ਾ ਜ਼ਰੂਰ ਲੱਗੇਗਾ। ਉਹ ਵੀਜ਼ਾ ਐਪਲੀਕੇਸ਼ਨ ਲਈ ਤੁਹਾਡੇ ਤੋਂ ਬਣਦੇ ਖ਼ਰਚੇ ਨਾਲੋਂ ਵੱਧ ਪੈਸੇ ਲੈਣਗੇ ਅਤੇ ਤੁਹਾਨੂੰ ਦੱਸਣਗੇ ਕਿ ਉਨ੍ਹਾਂ ਨੇ ਤੁਹਾਡੀ ਐਪਲੀਕੇਸ਼ਨ ਦਰਜ ਕਰਵਾ ਦਿੱਤੀ ਹੈ, ਭਾਵੇਂ ਉਨ੍ਹਾਂ ਨੇ ਤੁਹਾਡੀ ਵੀਜ਼ਾ ਐਪਲੀਕੇਸ਼ਨ ਨਾ ਵੀ ਦਰਜ ਕਰਵਾਈ ਹੋਵੇ। ਕੈਨੇਡੀਅਨ ਵੈੱਬਸਾਈਟ ਨੇ ਚਿਤਾਵਨੀ ਦਿੱਤੀ ਹੈ ਕਿ ਏਜੰਟ ਦੀ ਅਜਿਹੀ ਝੂਠੀ ਅਤੇ ਭਰਮਾਊ ਸਲਾਹ ਅਤੇ ਕਾਰਵਾਈਆਂ ਦੇ ਗੰਭੀਰ ਨਤੀਜੇ ਹੋ ਸਕਦੇ ਹਨ । ਤੁਹਾਡੇ ‘ਤੇ 5 ਸਾਲਾਂ ਤੱਕ ਲਈ ਕੈਨੇਡਾ ਵਿੱਚ ਦਾਖ਼ਲ ਹੋਣ ਦੀ ਪਾਬੰਦੀ ਲਗਾਈ ਜਾ ਸਕਦੀ ਹੈ ਅਤੇ ਤੁਹਾਡਾ ਧੋਖਾਧੜੀ ਦਾ ਪੱਕਾ ਰਿਕਾਰਡ ਬਣ ਸਕਦਾ ਹੈ।

The post ਹੁਣ ਕੈਨੇਡਾ ਜਾਣ ਵਾਲਿਆਂ ਦੀਆਂ ਵੱਧ ਸਕਦੀਆਂ ਨੇ ਮੁਸ਼ਕਿਲਾਂ, ਸਰਕਾਰ ਨੇ ਬਦਲੀਆਂ ਆਪਣੀਆਂ ਨੀਤੀਆਂ appeared first on Daily Post Punjabi.

ਪੰਜਾਬ ਦੀ ਮਾਂ….

Sulakhanjeet Kaur — Sun, 09 Apr 2023 07:23:38 +0000

ਲੁਧਿਆਣਾ (ਕੁੰਵਰਜੋਤ ਸਿੰਘ): ਪੰਜਾਬ ਨੂੰ ਗੁਰੂਆਂ,ਪੀਰਾਂ, ਫ਼ਕੀਰਾਂ ਅਤੇ ਯੋਧਿਆਂ ਦੀ ਧਰਤੀ ਕਿਹਾ ਜਾਂਦਾ ਹੈ, ਪੰਜਾਬ ‘ਚ ਕਈ ਧਾਰਮਿਕ ਸ਼ਖਸੀਅਤਾਂ ਅਤੇ ਯੋਧਿਆਂ ਨੇ ਜਨਮ ਲਿਆ ਹੈ। ਜੇ ਗੱਲ ਕਰੀਏ ਇਸ ਧਰਤੀ ਦੀ ਤਾਂ ਇੱਥੇ ਹੀ ਸਿੱਖ ਧਰਮ ਦੇ ਮੋਢੀ ਸ੍ਰੀ ਗੁਰੂ ਨਾਨਕ ਸਾਹਿਬ ਦਾ ਜਨਮ ਹੋਇਆ, ਜਿਨ੍ਹਾਂ ਨੇ ਉਸ ਵਕਤ ਦੀ ਰਾਜਨੀਤੀ ਅਤੇ ਧਾਰਮਿਕ ਕੱਟੜਤਾ ਨੂੰ ਬੱਦਲ ਕੇ ਰੱਖ ਦਿੱਤਾ। ਜੇ ਯੋਧਿਆਂ ਦੀ ਗੱਲ ਕਰੀਏ ਤਾਂ ਪੰਜਾਬ ‘ਚ ਪੋਰਸ ਵਰਗੇ ਨੇ ਵਿਸ਼ਵ ਨੂੰ ਜਿੱਤਣ ਦੀ ਸੌਂਹ ਖਾਣ ਵਾਲੇ ਸਿਕੰਦਰ ਨੂੰ ਹਿਲਾ ਕੇ ਰੱਖ ਦਿੱਤਾ ਸੀ। ਇਸ ਸਭ ਦੇ ਪਿੱਛੇ ਇੱਕੋ ਇੱਕ ਸ਼ਕਤੀ ਸੀ ਮਾਂ । ਜੇ ਗੁਰੂ ਨਾਨਕ ਸਾਹਿਬ ਜੀ ਦੀ ਗੱਲ ਕਰੀਏ ਤਾਂ ਉਹਨਾਂ ਬਾਰੇ ਗੱਲ ਕਰਦਿਆਂ ਇਹ ਹੋ ਨਹੀਂ ਸਕਦਾ ਕਿ ਮਾਤਾ ਤ੍ਰਿਪਤਾ ਜੀ ਦਾ ਨਾਮ ਨਾ ਆਵੇ ਅਤੇ ਮਾਤਾ ਗੁੱਜਰ ਕੌਰ ਦੀਆਂ ਕੁਰਬਾਨੀਆਂ ਬਾਰੇ ਤਾਂ ਕੀ ਹੀ ਗੱਲ ਕਰੀਏ । ਜਿਨ੍ਹਾਂ ਨੇ ਦਸਮ ਪਾਤਸ਼ਾਹ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਵਰਗੇ ਯੋਧੇ ਨੂੰ ਜਨਮ ਦਿੱਤਾ ਸੀ। ਠੰਡੇ ਬੁਰਜ ਦੀਆ ਰਾਤਾਂ ‘ਚ ਕਿਵੇਂ ਚੜ੍ਹਦੀਕਲਾ ਵਿੱਚ ਰਹੀ ਸੀ ਉਹ ਮਾਂ। ਪਰ ਅੱਜ ਪੰਜਾਬ ਦੀ ਮਾਂ ਦੇ ਹਾਲਾਤ ਬਹੁਤ ਤਰਸਯੋਗ ਹੋ ਗਏ ਹਨ ਕਿਉਂਕਿ ਪਰਵਾਸ ਦਿਨੋਂ-ਦਿਨ ਪੰਜਾਬ ਨੂੰ ਅੰਦਰੋਂ-ਅੰਦਰੀ ਖਾ ਰਿਹਾ ਹੈ। ਪਿੰਡਾਂ ਦੇ ਪਿੰਡ ਖਾਲੀ ਹੋ ਗਏ ਨੇ ਅਤੇ ਕਈ ਘਰ ਇਹੋ ਜਿਹੇ ਨੇ ਜਿੱਥੇ ਖਾਲੀ ਸਿਰਫ ਇੱਕ ਬੇਵੱਸ ਮਾਂ ਆਪਣੇ ਬੱਚਿਆਂ ਦੀ ਉਡੀਕ ਕਰ ਰਹੀ ਹੈ । ਉਹ ਇਹੀ ਉਮੀਦ ‘ਚ ਰਹਿੰਦੀ ਹੈ ਕਿ ਕਦੋਂ ਆਪਣੇ ਪੁੱਤ ਜਾਂ ਧੀ ਦਾ ਮੂੰਹ ਦੇਖੇਗੀ । ਪਰ ਕਈ ਤਾਂ ਵਿਚਾਰੇ ਆਪਣੀਆਂ ਮਾਵਾਂ ਦੇ ਸਸਕਾਰ ‘ਤੇ ਵੀ ਨਹੀਂ ਪਹੁੰਚ ਪਾਉਂਦੇ, ਪਰ ਫਿਰ ਵੀ ਇੱਕ ਮਾਂ ਹੀ ਹੈ ਜਿਹੜੀ ਵੱਡਾ ਜਿਗਰਾ ਕਰਕੇ ਆਪਣੇ ਬੱਚੇ ਨੂੰ ਆਪਣੇ ਤੋਂ ਦੂਰ ਵਿਦੇਸ਼ ਭੇਜਦੀ ਹੈ ਤਾਂ ਜੋ ਉਸਦੇ ਬੱਚਾ ਆਪਣਾ ਸੋਹਣਾ ਭਵਿੱਖ ਬਣਾ ਸਕੇ ਇਹ ਪਤਾ ਹੋਣ ਦੇ ਬਾਵਜੂਦ ਵੀ ਕੇ ਉਸਨੇ ਹੀ ਸਭ ਤੋਂ ਔਖੇ ਹੋਣਾ ਹੈ ਆਪਣੇ ਪੁੱਤ ਜਾਂ ਧੀ ਨੂੰ ਯਾਦ ਕਰ ਕਰ।

The post ਪੰਜਾਬ ਦੀ ਮਾਂ…. appeared first on Daily Post Punjabi.