ਸ਼ਾਹਰੁਖ ਖਾਨ ਦਾ ਧਮਾਕੇਦਾਰ ਐਕਸ਼ਨ ਅਵਤਾਰ ‘ਪਠਾਨ’ ਕਮਾਈ ਦੇ ਅਜਿਹੇ ਰਿਕਾਰਡ ਬਣਾ ਰਿਹਾ ਹੈ ਜੋ ਕਿਸੇ ਨੇ ਸੋਚਿਆ ਵੀ ਨਹੀਂ ਹੋਵੇਗਾ। ਫਿਲਮ ਦਾ ਨੈੱਟ ਇੰਡੀਆ ਕਲੈਕਸ਼ਨ ਸਿਰਫ 6 ਦਿਨਾਂ ‘ਚ 300 ਕਰੋੜ ਦਾ ਪਹਾੜ ਪਾਰ ਕਰ ਗਿਆ ਹੈ। ਜਦੋਂ ਕਿ ‘ਪਠਾਨ’ ਦੀ ਦੁਨੀਆ ਭਰ ‘ਚ ਕੁਲੈਕਸ਼ਨ 6 ਦਿਨਾਂ ‘ਚ 600 ਕਰੋੜ ਤੋਂ ਪਾਰ ਹੋ ਗਈ ਹੈ। ‘ਬੁੱਧਵਾਰ’ ਨੂੰ ਰਿਲੀਜ਼ ਹੋਈ ‘ਪਠਾਨ’ ਇਕ ਹਫਤੇ ਤੋਂ ਵੀ ਘੱਟ ਸਮੇਂ ‘ਚ ਸ਼ਾਹਰੁਖ ਖਾਨ ਦੇ ਕਰੀਅਰ ਦੀ ਸਭ ਤੋਂ ਵੱਡੀ ਫਿਲਮ ਬਣ ਗਈ ਹੈ।
ਰਿਲੀਜ਼ਘਰਾਂ ‘ਚ ਪਹੁੰਚਣ ਦੇ ਪਹਿਲੇ ਦਿਨ ਤੋਂ ਹੀ ਸ਼ਾਹਰੁਖ ਦੀ ਫਿਲਮ ਕਮਾਈ ਦੇ ਰਿਕਾਰਡ ਬਣਾ ਰਹੀ ਹੈ ਅਤੇ ਬਾਕਸ ਆਫਿਸ ‘ਤੇ ਰਿਕਾਰਡ ਕਲੈਕਸ਼ਨ ਕਰਨ ਲਈ ਤਿਆਰ ਹੈ। ਪਰ ਹੁਣ ਇੱਕ ਅਜਿਹੀ ਖਬਰ ਆ ਰਹੀ ਹੈ ਜੋ ਉਹਨਾਂ ਦਰਸ਼ਕਾਂ ਦਾ ਉਤਸ਼ਾਹ ਵਧਾਵੇਗੀ ਜਿਹਨਾਂ ਨੇ ਹੁਣ ਤੱਕ ‘ਪਠਾਨ’ ਨਹੀਂ ਦੇਖੀ ਹੈ ਅਤੇ ਉਹ ਜਲਦੀ ਹੀ ਇਸ ਫਿਲਮ ਨੂੰ ਦੇਖਣ ਦੀ ਯੋਜਨਾ ਬਣਾਉਣਗੇ।
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
ਰਿਪੋਰਟ ਮੁਤਾਬਕ ਸੋਮਵਾਰ ਤੋਂ ‘ਪਠਾਨ’ ਦੀ ਟਿਕਟ ਦੀ ਕੀਮਤ ‘ਚ 25 ਫੀਸਦੀ ਦੀ ਕਮੀ ਆਈ ਹੈ। ਫਿਲਮਾਂ ਦੀਆਂ ਟਿਕਟਾਂ ਦੇ ਰੇਟ ਦੂਜੇ ਹਫਤੇ ਘਟਣਾ ਆਮ ਗੱਲ ਹੈ। ਪਰ ‘ਪਠਾਨ’ ਦੇ ਨਿਰਮਾਤਾਵਾਂ ਨੇ 5 ਦਿਨਾਂ ਬਾਅਦ ਹੀ ਅਜਿਹਾ ਕਰਕੇ ਲੋਕਾਂ ਨੂੰ ਵੱਡਾ ਤੋਹਫਾ ਦਿੱਤਾ ਹੈ। ਹੈਰਾਨੀਜਨਕ ਗੱਲ ਇਹ ਹੈ ਕਿ ਟਿਕਟਾਂ ਦੀਆਂ ਕੀਮਤਾਂ ਭਾਵੇਂ ਘੱਟ ਗਈਆਂ ਹੋਣ ਪਰ ਇਸ ਫੈਸਲੇ ਨਾਲ ‘ਪਠਾਨ’ ਦੇ ਬਾਕਸ ਆਫਿਸ ਦੇ ਅੰਕੜੇ ਹੋਰ ਵੀ ਵੱਧ ਸਕਦੇ ਹਨ।
