Kiara Sidharth Wedding Date: ਕਿਆਰਾ ਅਡਵਾਨੀ ਅਤੇ ਸਿਧਾਰਥ ਮਲਹੋਤਰਾ ਦੇ ਵਿਆਹ ਨੂੰ ਲੈ ਕੇ ਪ੍ਰਸ਼ੰਸਕਾਂ ਵਿੱਚ ਕਾਫੀ ਉਤਸ਼ਾਹ ਹੈ। ਜੋੜੇ ਆਪਣੇ ਵਿਆਹ ਦੀਆਂ ਤਿਆਰੀਆਂ ਵੀ ਜ਼ੋਰ-ਸ਼ੋਰ ਨਾਲ ਕਰ ਰਹੇ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਸ਼ਾਹੀ ਵਿਆਹ ‘ਚ 100 ਤੋਂ 125 ਮਹਿਮਾਨ ਸ਼ਾਮਲ ਹੋਣਗੇ। ਜਿਸ ‘ਚ ਬਾਲੀਵੁੱਡ ਸੁਪਰਸਟਾਰਸ ਦੇ ਨਾਂ ਵੀ ਸ਼ਾਮਲ ਹਨ।
ਹੁਣ ਦੋਵਾਂ ਦੇ ਵਿਆਹ ਦੀ ਤਰੀਕ ਨੂੰ ਲੈ ਕੇ ਨਵਾਂ ਅਪਡੇਟ ਆਇਆ ਹੈ। ਕਿਆਰਾ ਅਤੇ ਸਿਧਾਰਥ ਦਾ ਵਿਆਹ 4 ਤੋਂ 8 ਫਰਵਰੀ ਦਰਮਿਆਨ ਹੋਵੇਗਾ। ਦੋਵਾਂ ਦੇ ਮਹਿਮਾਨ 4 ਫਰਵਰੀ ਤੋਂ ਮੁੰਬਈ ਤੋਂ ਜੈਸਲਮੇਰ ਪਹੁੰਚਣੇ ਸ਼ੁਰੂ ਹੋ ਜਾਣਗੇ। ਦੋਵਾਂ ਦੀ ਮਹਿਮਾਨ ਸੂਚੀ ਵੀ ਲਗਭਗ ਤਿਆਰ ਹੈ। ਹਲਦੀ, ਮਹਿੰਦੀ ਅਤੇ ਸੰਗੀਤ ਦੀਆਂ ਰਸਮਾਂ ਤੋਂ ਬਾਅਦ ਇਹ ਜੋੜਾ 6 ਫਰਵਰੀ ਨੂੰ ਸੱਤ ਫੇਰੇ ਲਵੇਗਾ। ਇਹ ਜੋੜਾ ਰਾਜਸਥਾਨ ‘ਚ ਸ਼ਾਹੀ ਤਰੀਕੇ ਨਾਲ ਵਿਆਹ ਦੇ ਬੰਧਨ ‘ਚ ਬੱਝੇਗਾ। ਸਿਧਾਰਥ ਅਤੇ ਕਿਆਰਾ ਨੇ ਵਿਆਹ ਲਈ ਸ਼ਾਹੀ ਮਹਿਲ ਸੂਰਿਆਗੜ੍ਹ ਨੂੰ ਚੁਣਿਆ ਹੈ। ਇਹ ਮਹਿਲ ਮਾਰੂਥਲ ਵਿੱਚ ਇੱਕ ਕਿਲ੍ਹੇ ਵਰਗਾ ਹੈ। ਇਸ ਪੈਲੇਸ ਦੇ ਕਰੀਬ 80 ਕਮਰੇ ਮਹਿਮਾਨਾਂ ਲਈ ਬੁੱਕ ਕੀਤੇ ਗਏ ਹਨ। ਹੋਟਲ ‘ਚ ਸੁਰੱਖਿਆ ਦਾ ਵੀ ਖਾਸ ਇੰਤਜ਼ਾਮ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
ਇਸ ਵਿਆਹ ਨੂੰ ਖਾਸ ਬਣਾਉਣ ਲਈ ਵੈਡਿੰਗ ਪਲੈਨਰ ਨੂੰ ਵੀ ਬੁੱਕ ਕੀਤਾ ਗਿਆ ਹੈ। ਸਿਧਾਰਥ ਅਤੇ ਕਿਆਰਾ ਦੀ ਜੋੜੀ ਆਨਸਕ੍ਰੀਨ ਫਿਲਮ ‘ਸ਼ੇਰਸ਼ਾਹ’ ਵਿੱਚ ਨਜ਼ਰ ਆਈ ਸੀ। ਇਸ ਫਿਲਮ ਦੀ ਸ਼ੂਟਿੰਗ ਦੌਰਾਨ ਦੋਹਾਂ ਨੂੰ ਇਕ-ਦੂਜੇ ਨਾਲ ਪਿਆਰ ਹੋ ਗਿਆ ਸੀ। ਜਿਸ ਤੋਂ ਬਾਅਦ ਦੋਹਾਂ ਨੇ ਆਪਣੇ ਰਿਸ਼ਤੇ ਨੂੰ ਲੁਕਾਉਣ ਦੀ ਕੋਸ਼ਿਸ਼ ਵੀ ਕੀਤੀ ਪਰ ਦੋਹਾਂ ਦਾ ਰਿਸ਼ਤਾ ਖੁੱਲ੍ਹ ਕੇ ਆਪਣੇ ਪ੍ਰਸ਼ੰਸਕਾਂ ਦੇ ਸਾਹਮਣੇ ਆ ਗਿਆ। ਫਿਲਹਾਲ ਇਸ ਜੋੜੇ ਨੇ ਆਪਣੇ ਰਿਸ਼ਤੇ ਨੂੰ ਅਧਿਕਾਰਤ ਕਰ ਲਿਆ ਹੈ। ਦੋਵਾਂ ਦੀ ਜੋੜੀ ਸੋਸ਼ਲ ਮੀਡੀਆ ‘ਤੇ ਵੀ ਕਾਫੀ ਐਕਟਿਵ ਰਹਿੰਦੀ ਹੈ।
