ਬ੍ਰਿਟੇਨ ਦੇ ਸਾਬਕਾ ਪ੍ਰਧਾਨ ਮੰਤਰੀ ਬੋਰਿਸ ਜਾਨਸਨ ਇੱਕ ਵਾਰ ਫਿਰ ਪਿਤਾ ਬਣ ਗਏ ਹਨ । ਉਨ੍ਹਾਂ ਦੀ ਪਤਨੀ ਕੈਰੀ ਜਾਨਸਨ ਨੇ ਸੋਸ਼ਲ ਮੀਡੀਆ ‘ਤੇ ਨਵਜੰਮੇ ਬੱਚੇ ਦੇ ਨਾਲ ਕੁਝ ਤਸਵੀਰਾਂ ਸਾਂਝੀਆਂ ਕਰ ਕੇ ਜਾਣਕਾਰੀ ਦਿੱਤੀ ਹੈ । ਕੈਰੀ ਨੇ ਤਸਵੀਰਾਂ ਸਾਂਝੀਆਂ ਕਰਦਿਆਂ ਕੈਪਸ਼ਨ ਵਿੱਚ ਲਿਖਿਆ, “ਦੁਨੀਆਂ ਵਿੱਚ ਤੁਹਾਡਾ ਸੁਆਗਤ ਹੈ ਫਰੈਂਕ ਅਲਫ੍ਰੇਡ ਓਡੀਸੀਅਸ ਜਾਨਸਨ, ਜਿਸਦਾ ਜਨਮ 5 ਜੁਲਾਈ ਨੂੰ ਸਵੇਰੇ 9.15 ਵਜੇ ਹੋਇਆ ਸੀ।” ਉਨ੍ਹਾਂ ਨੇ ਮਜ਼ਾਕ ਵਿੱਚ ਕਿਹਾ, “ਕੀ ਤੁਸੀਂ ਅੰਦਾਜ਼ਾ ਲਗਾ ਸਕਦੇ ਹੋ ਕਿ ਮੇਰੇ ਪਤੀ ਨੇ ਕਿਹੜਾ ਨਾਮ ਚੁਣਿਆ ਹੈ?” ਇਹ ਨਾਮ ਜਾਨਸਨ ਦੇ ਪ੍ਰਾਚੀਨ ਯੂਨਾਨੀ ਮਿਥਿਹਾਸ ਦੇ ਜਾਣੇ-ਪਛਾਣੇ ਪਿਆਰ ਦੇ ਸੰਦਰਭ ਵਿੱਚ ਚੁਣਿਆ ਗਿਆ ਹੈ ।
ਕੈਰੀ ਨੇ ਅੱਗੇ ਕਿਹਾ, “ਮੈਨੂੰ ਬੇਬੀ ਬੱਬਲ ਦੀ ਨੀਂਦ ਦੇ ਹਰ ਮਿੰਟ ਨਾਲ ਪਿਆਰ ਹੈ। ਆਪਣੇ ਦੋ ਵੱਡੇ ਬੱਚਿਆਂ ਨੂੰ ਆਪਣੇ ਨਵੇਂ ਭਰਾ ਨੂੰ ਇੰਨੀ ਖੁਸ਼ੀ ਅਤੇ ਉਤਸ਼ਾਹ ਨਾਲ ਗਲੇ ਲਗਾਉਂਦੇ ਹੋਏ ਦੇਖਣਾ ਸਭ ਤੋਂ ਵਧੀਆ ਗੱਲ ਹੈ । ਅਸੀਂ ਸਾਰੇ ਬਹੁਤ ਪ੍ਰਭਾਵਿਤ ਹਾਂ।” ਉਨ੍ਹਾਂ ਦੇ ਪਹਿਲੇ ਪੁੱਤਰ, ਵਿਲਫ੍ਰੇਡ ਦਾ ਜਨਮ ਅਪ੍ਰੈਲ 2020 ਵਿੱਚ ਹੋਇਆ ਸੀ। ਇਸ ਤੋਂ ਬਾਅਦ ਦਸੰਬਰ 2021 ਵਿੱਚ ਧੀ ਰੋਮੀ ਦਾ ਜਨਮ ਹੋਇਆ, ਜਦੋਂ ਜਾਨਸਨ ਬ੍ਰਿਟੇਨ ਦੇ ਪ੍ਰਧਾਨ ਮੰਤਰੀ ਸਨ । ਇਸ ਤੋਂ ਪਹਿਲਾਂ ਬੋਰਿਸ ਜਾਨਸਨ ਦੀਆਂ ਦੋ ਪਤਨੀਆਂ ਤੋਂ ਪੰਜ ਬੱਚੇ ਹਨ। ਯਾਨੀ ਇਸ ਤਰ੍ਹਾਂ ਬੋਰਿਸ ਜਾਨਸਨ 8ਵੀਂ ਵਾਰ ਪਿਤਾ ਬਣੇ ਹਨ।
ਦੱਸ ਦੇਈਏ ਕਿ 59 ਸਾਲਾ ਜਾਨਸਨ ਨੇ ਪਿਛਲੇ ਮਹੀਨੇ ਟੋਰੀ ਸਾਂਸਦ ਦਾ ਅਹੁਦਾ ਛੱਡ ਦਿੱਤਾ ਸੀ, ਜਦੋਂ ਸਾਂਸਦਾਂ ਨੂੰ ਪਤਾ ਲੱਗਿਆ ਕਿ ਉਨ੍ਹਾਂ ਨੇ ਪਾਰਟੀਆਂ ਦੇ ਬਾਰੇ ਆਪਣੇ ਗਿਆਨ ਦੇ ਬਾਰੇ ਵਿੱਚ ਸੰਸਦ ਵਿੱਚ ਝੂਠ ਬੋਲਿਆ ਸੀ। ਜਾਨਸਨ ਜਿਨ੍ਹਾਂ ਦਾ ਤਿੰਨ ਵਾਰ ਵਿਆਹ ਹੋ ਚੁੱਕਿਆ ਹੈ, ਉਨ੍ਹਾਂ ਦੀ ਵਕੀਲ ਮਰੀਨਾ ਵ੍ਹੀਲਰ ਨਾਲ ਦੂਜੇ ਵਿਆਹ ਤੋਂ ਚਾਰ ਬੱਚੇ ਹਨ ਤੇ ਹੁਣ 35 ਸਾਲਾ ਕੈਰੀ ਜੋ ਕਿ ਕੰਜਰਵੇਟਿਵ ਪਾਰਟੀ ਦੀ ਸਾਬਕਾ ਸਲਾਹਕਾਰ ਹੈ ਤੋਂ ਤਿੰਨ ਬੱਚੇ ਹਨ, ਜਿਸ ਨਾਲ ਜਾਨਸਨ ਦਾ ਦੋ ਸਾਲ ਪਹਿਲਾਂ ਵਿਆਹ ਹੋਇਆ ਸੀ।
ਵੀਡੀਓ ਲਈ ਕਲਿੱਕ ਕਰੋ -:
“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “
