ਫਾਜ਼ਿਲਕਾ ‘ਚ ਇਕ ਵਿਅਕਤੀ ਨੇ 5 ਲੱਖ ਰੁਪਏ ਦੀ ਲਾਟਰੀ ਜਿੱਤੀ ਹੈ। ਲਾਟਰੀ ਜਿੱਤਣ ਤੋਂ ਬਾਅਦ ਇਹ ਵਿਅਕਤੀ ਲਾਪਤਾ ਸੀ। ਇਸ ਤੋਂ ਬਾਅਦ ਆਖਿਰਕਾਰ ਉਸ ਦਾ ਪਤਾ ਲੱਗਾ। ਦਰਅਸਲ ਫਾਜ਼ਿਲਕਾ ਦੇ ਲਾਟਰੀ ਵਿਕਰੇਤਾ ਰੂਪ ਚੰਦ ਦੇ ਘਰ ਇਕ ਵਿਅਕਤੀ ਨੇ 5 ਲੱਖ ਰੁਪਏ ਦੀ ਲਾਟਰੀ ਜਿੱਤੀ ਸੀ। ਇਸ ਲਾਟਰੀ ਦਾ ਡਰਾਅ 1 ਅਕਤੂਬਰ ਨੂੰ ਕੱਢਿਆ ਗਿਆ ਸੀ। ਡਰਾਅ ਦੇ ਜੇਤੂ ਦਾ ਪਤਾ ਨਹੀਂ ਸੀ। ਲਾਟਰੀ ਵਿਕਰੇਤਾ ਦੁਆਰਾ ਡਰਾਅ ਦੇ ਜੇਤੂ ਦੀ ਭਾਲ ਕਰਨ ਤੋਂ ਬਾਅਦ, ਲਾਟਰੀ ਦਾ ਵਿਜੇਤਾ ਮਿਲ ਗਿਆ ਹੈ।
ਇਸ ਮੌਕੇ ਲਾਟਰੀ ਵਿਕਰੇਤਾ ਬੌਬੀ ਨੇ ਦੱਸਿਆ ਕਿ ਉਸ ਦੀ ਦੁਕਾਨ ਤੋਂ ਲਾਟਰੀ ਦਾ ਤੀਜਾ ਇਨਾਮ ਜਿੱਤਿਆ ਗਿਆ ਹੈ। ਟਿਕਟ ਖਰੀਦਦੇ ਸਮੇਂ ਵਿਅਕਤੀ ਨੇ ਆਪਣਾ ਨਾਮ ਅਤੇ ਪਤਾ ਨੋਟ ਨਹੀਂ ਕੀਤਾ ਸੀ। ਜਿਸ ਕਾਰਨ ਡਰਾਅ ਹੋਣ ਤੋਂ ਬਾਅਦ ਤੋਂ ਹੀ ਉਸ ਦੀ ਭਾਲ ਕੀਤੀ ਜਾ ਰਹੀ ਸੀ। ਮੀਡੀਆ ‘ਚ ਖਬਰ ਆਉਣ ਤੋਂ ਬਾਅਦ ਆਖਰਕਾਰ ਉਕਤ ਵਿਅਕਤੀ ਲਾਟਰੀ ਟਿਕਟ ਲੈ ਕੇ ਉਸ ਕੋਲ ਪਹੁੰਚ ਗਿਆ।
ਇਹ ਵੀ ਪੜ੍ਹੋ : CM ਮਾਨ ਨੇ 272 ਉਮੀਦਵਾਰਾਂ ਨੂੰ ਸੌਂਪੇ ਨਿਯੁਕਤੀ ਪੱਤਰ, ਬੋਲੇ- ਨੌਕਰੀਆਂ ਦੇਣ ‘ਚ 1 ਮਿੰਟ ਵੀ ਨਹੀਂ ਕਰਾਂਗੇ ਬਰਬਾਦ
ਲਾਟਰੀ ਵੇਚਣ ਵਾਲੇ ਨੇ ਦੱਸਿਆ ਕਿ ਹਾਲ ਹੀ ‘ਚ ਉਸ ਦੀ ਦੁਕਾਨ ‘ਤੇ 5 ਲੱਖ ਰੁਪਏ ਦੀ ਲਾਟਰੀ ਲੱਗੀ ਸੀ। ਜਿਸ ਦਾ ਜੇਤੂ ਵੀ ਡਰਾਅ ਦੇ ਬਾਅਦ ਤੋਂ ਲਾਪਤਾ ਸੀ ਅਤੇ ਕਾਫੀ ਭਾਲ ਤੋਂ ਬਾਅਦ ਲੱਭਿਆ ਗਿਆ। ਲਾਟਰੀ ਵਿਕਰੇਤਾ ਨੇ ਦੱਸਿਆ ਕਿ ਅੱਜਕੱਲ੍ਹ ਬਹੁਤ ਸਾਰੇ ਲੋਕ ਕਿਸੇ ਮਜਬੂਰੀ ਕਾਰਨ ਆਪਣਾ ਨਾਂ ਦਰਜ ਨਹੀਂ ਕਰਵਾਉਂਦੇ ਜਾਂ ਫਿਰ ਰਜਿਸਟਰਡ ਨਹੀਂ ਕਰਵਾ ਰਹੇ। ਅਜਿਹੇ ‘ਚ ਉਨ੍ਹਾਂ ਨੂੰ ਵਿਜੇਤਾ ਲੱਭਣ ‘ਚ ਕੁਝ ਦਿੱਕਤ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।
ਲਾਟਰੀ ਜੇਤੂ ਨੇ ਦੱਸਿਆ ਕਿ ਉਸਦਾ ਨਾਮ ਸ਼ਿੰਦਰਪਾਲ ਹੈ ਅਤੇ ਉਹ ਫਾਜ਼ਿਲਕਾ ਦੇ ਪਿੰਡ ਜੱਟਾਂਵਾਲੀ ਦਾ ਰਹਿਣ ਵਾਲਾ ਹੈ। ਉਹ ਸਖ਼ਤ ਮਿਹਨਤ ਕਰਦਾ ਹੈ ਅਤੇ ਕਿਸੇ ਕੰਮ ਲਈ ਬਾਹਰ ਗਿਆ ਹੋਇਆ ਸੀ। ਇਸ ਤੋਂ ਬਾਅਦ ਜਦੋਂ ਉਸ ਨੂੰ ਆਪਣੀ ਲਾਟਰੀ ਦੇ ਨਤੀਜੇ ਬਾਰੇ ਪਤਾ ਲੱਗਾ ਤਾਂ ਉਹ ਆਪਣਾ ਇਨਾਮ ਲੈਣ ਲਈ ਦੁਕਾਨ ‘ਤੇ ਪਹੁੰਚ ਗਿਆ। ਉਨ੍ਹਾਂ ਕਿਹਾ ਕਿ ਇਸ 5 ਲੱਖ ਰੁਪਏ ਵਿੱਚੋਂ ਉਹ 2 ਲੱਖ ਰੁਪਏ ਦਾ ਕਰਜ਼ਾ ਵਾਪਸ ਕਰ ਦੇਵੇਗਾ ਅਤੇ ਬਾਕੀ ਦੀ ਵਰਤੋਂ ਘਰੇਲੂ ਕੰਮਾਂ ਲਈ ਕਰੇਗਾ।
ਵੀਡੀਓ ਲਈ ਕਲਿੱਕ ਕਰੋ -:
ਜੇ ਤੁਸੀਂ ਇਥੇ ਇਕ ਵਾਰੀ ਚਲੇ ਗਏ ਤਾਂ ਉਂਗਲਾਂ ਤੱਕ ਚੱਟ ਜਾਉਗੇ, ਇਕੋ ਜਗ੍ਹਾ ‘ਤੇ ਮੌਜੂਦ ਹੈ ਹਰ ਤਰ੍ਹਾਂ ਦੀ Dish
