Diljit Dosanjh reached jamnagar: ਜਾਮਨਗਰ ‘ਚ ਅਨੰਤ-ਰਾਧਿਕਾ ਦੀ ਪ੍ਰੀ-ਵੈਡਿੰਗ ਲਈ ਕਈ ਸਿਤਾਰੇ ਪਹੁੰਚ ਚੁੱਕੇ ਹਨ। ਹੁਣ ਦਿਲਜੀਤ ਦੋਸਾਂਝ ਵੀ ਇੱਥੇ ਪਹੁੰਚ ਗਏ ਹਨ। ਖਬਰ ਹੈ ਕਿ ਇਸ ਫੰਕਸ਼ਨ ‘ਚ ਦਿਲਜੀਤ ਦਾ ਸ਼ਾਨਦਾਰ ਪ੍ਰਦਰਸ਼ਨ ਹੋਵੇਗਾ। ਅਨੰਤ-ਰਾਧਿਕਾ ਦੇ ਪ੍ਰੀ-ਵੈਡਿੰਗ ਲਈ ਅੰਬਾਨੀ ਪਰਿਵਾਰ ਦੀ ਗ੍ਰੈਂਡ ਪਲਾਨਿੰਗ 1 ਮਾਰਚ ਤੋਂ 3 ਮਾਰਚ ਤੱਕ ਜਾਮਨਗਰ ‘ਚ ਚੱਲ ਰਹੀ ਹੈ। ਜਿਸ ਵਿੱਚ ਦੇਸ਼ ਅਤੇ ਦੁਨੀਆ ਭਰ ਦੀਆਂ ਨਾਮੀ ਸ਼ਖਸੀਅਤਾਂ ਪਹੁੰਚੀਆਂ।
Diljit Dosanjh reached jamnagar
ਹੁਣ ਇਸ ਸੂਚੀ ਵਿੱਚ ਦਿਲਜੀਤ ਸਿੰਘ ਦੁਸਾਂਝ ਦਾ ਨਾਂ ਵੀ ਜੁੜ ਗਿਆ ਹੈ। ਦਿਲਜੀਤ ਦੋਸਾਂਝ ਆਪਣੀ ਪੂਰੀ ਟੀਮ ਨਾਲ 2 ਮਾਰਚ ਨੂੰ ਜਾਮਨਗਰ ਪਹੁੰਚ ਚੁੱਕੇ ਹਨ। ਖਬਰਾਂ ਮੁਤਾਬਕ ਅਨੰਤ-ਰਾਧਿਕਾ ਦੀ ਪ੍ਰੀ-ਵੈਡਿੰਗ ‘ਚ ਦਿਲਜੀਤ ਜ਼ਬਰਦਸਤ ਪਰਫਾਰਮੈਂਸ ਦੇਣ ਜਾ ਰਹੇ ਹਨ। ਜਦੋਂ ਦਿਲਜੀਤ ਲਾਈਵ ਸਟੇਜ ‘ਤੇ ਗਾਉਂਦਾ ਹੈ ਤਾਂ ਹਲਚਲ ਮਚਾ ਦਿੰਦਾ ਹੈ ਅਤੇ ਹੁਣ ਅੰਬਾਨੀ ਦੀ ਪਾਰਟੀ ‘ਚ ਵੀ ਅਜਿਹਾ ਹੀ ਹੋਵੇਗਾ। ਇਨ੍ਹੀਂ ਦਿਨੀਂ ਦਿਲਜੀਤ ਦੋਸਾਂਝ ਜਿੱਥੇ ਵੱਖ-ਵੱਖ ਪ੍ਰੋਜੈਕਟਾਂ ‘ਤੇ ਕੰਮ ਕਰ ਰਹੇ ਹਨ, ਉੱਥੇ ਹੀ ਉਨ੍ਹਾਂ ਕੋਲ ਆਪਣੀ ਆਉਣ ਵਾਲੀ ਫ਼ਿਲਮ ਦੀ ਟੀਮ ਵੀ ਹੈ। ਪਰ ਆਪਣੇ ਬਿਜ਼ੀ ਸ਼ੈਡਿਊਲ ‘ਚੋਂ ਸਮਾਂ ਕੱਢ ਕੇ ਦਿਲਜੀਤ ਅੰਬਾਨੀ ਪਰਿਵਾਰ ਲਈ ਜਾਮਨਗਰ ਆਏ। ਲਾਲ ਪੱਗ ਅਤੇ ਚਿੱਟਾ ਕੁੜਤਾ-ਪਜਾਮਾ ਪਹਿਨ ਕੇ ਦਿਲਜੀਤ ਦੋਸਾਂਝ ਦਾ ਸਵੈਗ ਵੱਖਰਾ ਹੀ ਨਜ਼ਰ ਆ ਰਿਹਾ ਹੈ।
ਦਿਲਜੀਤ ਦੋਸਾਂਝ ਇੱਕ ਪੰਜਾਬੀ ਗਾਇਕ ਅਤੇ ਅਦਾਕਾਰ ਹੈ ਜਿਸਨੇ ਬਾਲੀਵੁੱਡ ਵਿੱਚ ਵੀ ਕੰਮ ਕੀਤਾ ਹੈ। ਦਿਲਜੀਤ ਨੇ ਫਿਲੌਰੀ, ਗੁੱਡ ਨਿਊਜ਼ ਅਤੇ ਸੂਰਮਾ ਵਰਗੀਆਂ ਬਾਲੀਵੁੱਡ ਫਿਲਮਾਂ ਕੀਤੀਆਂ ਹਨ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਕਈ ਹਿੰਦੀ ਫਿਲਮਾਂ ‘ਚ ਗੀਤ ਵੀ ਗਾਏ ਹਨ। ਅੰਬਾਨੀ ਪਰਿਵਾਰ ਦੇ ਇਸ ਸਮਾਗਮ ਵਿੱਚ ਦਿਲਜੀਤ ਦੋਸਾਂਝ ਵਿਸ਼ੇਸ਼ ਮਹਿਮਾਨਾਂ ਵਿੱਚੋਂ ਇੱਕ ਹਨ ਜੋ ਅਨੰਤ-ਰਾਧਿਕਾ ਦੇ ਪ੍ਰੀ-ਵੈਡਿੰਗ ਵਿੱਚ ਆਪਣੇ ਸ਼ਾਨਦਾਰ ਗੀਤਾਂ ਨਾਲ ਲੋਕਾਂ ਦਾ ਮਨੋਰੰਜਨ ਕਰਨਗੇ। ਦਿਲਜੀਤ ਦੇ ਪੰਜਾਬੀ ਗੀਤਾਂ ਨੂੰ ਲੋਕ ਬਹੁਤ ਪਸੰਦ ਕਰਦੇ ਹਨ। ਜੇਕਰ ਅਨੰਤ-ਰਾਧਿਕਾ ਦੇ ਵਿਆਹ ਤੋਂ ਪਹਿਲਾਂ ਦੀ ਗੱਲ ਕਰੀਏ ਤਾਂ ਇਹ ਤਿੰਨ ਦਿਨਾਂ ਸਮਾਗਮ ਕੱਲ ਯਾਨੀ 3 ਮਾਰਚ ਨੂੰ ਖਤਮ ਹੋਵੇਗਾ। ਬਾਲੀਵੁੱਡ ਦੇ ਕਈ ਵੱਡੇ ਸਿਤਾਰੇ ਆਪਣੇ-ਆਪਣੇ ਕੰਮਾਂ ਤੋਂ ਬ੍ਰੇਕ ਲੈ ਕੇ ਇਸ ਈਵੈਂਟ ‘ਚ ਪਹੁੰਚੇ ਹਨ।
ਵੀਡੀਓ ਲਈ ਕਲਿੱਕ ਕਰੋ –
