ਪੰਜਾਬੀ ਗਾਇਕ ਦਿਲਜੀਤ ਦੁਸਾਂਝ ਨੇ ਇਕ ਵਾਰ ਫਿਰ ਤੋਂ ਕਾਮਯਾਬੀ ਦੇ ਝੰਡੇ ਗੱਡੇ ਹਨ। ਇਕ ਵਾਰ ਫਿਰ ਤੋਂ ਦਿਲਜੀਤ ਦੇ ਨਾਂ ਵੱਡਾ ਰਿਕਾਰਡ ਜੁੜਿਆ ਹੈ। ਦਰਅਸਲ ਲੰਡਨ ਵਿਚ 92,000 ਲੋਕਾਂ ਦੇ ਨਾਲ ਪਰਫਾਰਮ ਕਰਕੇ ਉਨ੍ਹਾਂ ਵੱਲੋਂ ਇਤਿਹਾਸ ਰਚਿਆ ਗਿਆ ਹੈ, ਜਿਸ ਕਰਕੇ ਦਿਲਜੀਤ ਵੱਲੋਂ Michael Jackson ਤੇ Queen ਦਾ ਰਿਕਾਰਡ ਤੋੜਿਆ ਗਿਆ ਹੈ। ਇੰਨਾ ਹੀ ਨਹੀਂ Wembley Stadium ‘ਚ ਪਰਫਾਰਮ ਕਰਨ ਵਾਲੇ ਦਿਲਜੀਤ ਪਹਿਲੇ ਪੰਜਾਬੀ ਗਾਇਕ ਵੀ ਬਣੇ ਹਨ। ਇਸੇ ਕੰਸਰਟ ਦੌਰਾਨ ਦਿਲਜੀਤ ਨੇ ਆਪਣੇ ਪ੍ਰਸ਼ੰਸਕਾਂ ਨੂੰ ਵੱਡੀ ਖੁਸ਼ਖਬਰੀ ਵੀ ਦਿੱਤੀ ਹੈ। ਉੁਨ੍ਹਾਂ ਨੇ ਜਲਦ ਹੀ ਭਾਰਤ ਦੇ ਸਭ ਤੋਂ ਵੱਡੇ ਸਟੇਡੀਅਮ ‘ਚ ਕੰਸਰਟ ਕਰਨ ਦਾ ਐਲਾਨ ਕੀਤਾ ਹੈ।
ਦੱਸ ਦੇਈਏ ਕਿ 12 ਸਤੰਬਰ ਨੂੰ ਦਿਲਜੀਤ ਨੇ ਲੰਡਨ ਦੇ Wembley Stadium ‘ਚ ਧਮਾਕੇਦਾਰ ਲਾਈਵ ਕੰਸਰਟ ਕੀਤਾ। ਦਰਸ਼ਕਾਂ ਨੇ ਦਿਲਜੀਤ ਦੇ ਗੀਤਾਂ ‘ਤੇ ਖੂਬ ਭੰਗੜਾ ਪਾਇਆ ਤੇ ਮਾਹੌਲ ਨੂੰ ਪੰਜਾਬੀ ਰੰਗ ਵਿਚ ਰੰਗ ਦਿੱਤਾ। ਸਭ ਤੋਂ ਵੱਡੀ ਗੱਲ ਇਹ ਰਹੀ ਕਿ Wembley Stadium ਵਿਚ ਪਰਫਾਰਮ ਕਰਨ ਵਾਲੇ ਪਹਿਲੇ ਗਾਇਕ ਬਣ ਗਏ ਹਨ।
ਰਿਪੋਰਟਾਂ ਮੁਤਾਬਕ ਹਾਊਸਫੁੱਲ ਕੰਸਰਟ ਵਿਚ ਹਜ਼ਾਰਾਂ ਲੋਕ ਉਨ੍ਹਾਂ ਦੀ ਇਕ ਝਲਕ ਪਾਉਣ ਵਾਸਤੇ ਪਹੁੰਚੇ ਸਨ ਤੇ ਹਜ਼ਾਰਾਂ ਲੋਕਾਂ ਦਾ ਇਕੋ ਆਵਾਜ਼ ਵਿਚ ਦਿਲਜੀਤ ਦੇ ਗੀਤ ਗਾਉਣਾ ਤੇ ਬੀਟ ‘ਤੇ ਨੱਚਣਾ ਇਹ ਦਰਸਾਉਂਦਾ ਹੈ ਕਿ ਪੰਜਾਬੀ ਮਿਊਜ਼ਿਕ ਦੀ ਗੂੰਜ ਗਲੋਬਲ ਹੋ ਚੁੱਕੀ ਹੈ। ਦਿਲਜੀਤ ਨੇ ਸਟੇਜ ‘ਤੇ ਆਪਣੇ ਹਿਟ ਗੀਤਾਂ ਨਾਲ ਮਾਹੌਲ ਬਣਇਆ ਤੇ ਵੈਂਬਲੇ ਕੰਸਰਟ ਤੋਂ ਬਾਅਦ ਸੋਸ਼ਲ ਮੀਡੀਆ ਦੀ ‘ਤੇ ਇਸ ਦੀ ਤੁਲਨਾ ਇਥੇ ਪਰਫਾਰਮ ਕਰਨ ਵਾਲੇ ਵੱਡੇ ਕਲਾਕਾਰਾਂ ਦੇ ਨਾਲ ਵੀ ਕੀਤੀ ਜਾ ਰਹੀ ਹੈ। ਮਾਈਕਲ ਜੈਕਸਨ ਤੇ ਕਵੀਨ ਨੇ ਵੀ ਵੈਂਬਲੇ ਸਟੇਡੀਅਮ ਵਿਚ ਪਰਫਾਰਮ ਕੀਤਾ ਸੀ ਤੇ ਉਨ੍ਹਾਂ ਦੇ ਸ਼ੋਅ ਵਿਚ ਲਗਭਗ 75000 ਦਰਸ਼ਕ ਮੌਜੂਦ ਸਨ ਜਦੋਂ ਕਿ ਦਿਲਜੀਤ ਨੇ ਇਨ੍ਹਾਂ ਦਾ ਰਿਕਾਰਡ ਤੋੜ ਦਿੱਤਾ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
