ਪੰਜਾਬ ਵਿਧਾਨ ਸਭਾ ਵਿਚ ‘Prevention Of Cruelty To Animals’ ਸੋਧ ਬਿੱਲ ਸਰਬਸੰਮਤੀ ਨਾਲ ਪਾਸ ਹੋਇਆ। ਖੇਤੀਬਾੜੀ ਮੰਤਰੀ ਗੁਰਮੀਤ ਸਿੰਘ ਖੁੱਡੀਆਂ ਵੱਲੋਂ ਬਿੱਲ ਪੇਸ਼ ਕੀਤਾ ਗਿਆ ਸੀ।
ਸੀਐੱਮ ਮਾਨ ਨੇ ਵਿਧਾਨ ਸਭਾ ਵਿਚ ਇਸ ਬਿਲ ‘ਤੇ ਚਰਚਾ ਦੌਰਾਨ ਸੰਤ ਰਾਮ ਉਦਾਸੀ ਦੀ ਰਚਨਾ ਦੀਆਂ ਕੁਝ ਲਾਈਨਾਂ ਪੜ੍ਹ ਕੇ ਸੁਣਾਈਆਂ ਤੇ ਕਿਹਾ ਕਿ ਲੋਕ ਤੋਤੇ, ਕਬੂਤਰ ਤੇ ਕੁੱਤੇ ਪਾਲਦੇ ਹਨ। ਉਨ੍ਹਾਂ ਕਿਹਾ ਕਿ ਵਿਦੇਸ਼ਾਂ ਵਿਚ ਤਾਂ ਇਨ੍ਹਾ ਜਾਨਵਰਾਂ ਦੇ ਸਭ ਤੋਂ ਮਹਿੰਗੇ ਆਪ੍ਰੇਸ਼ਨ ਤਕ ਕਰਾਏ ਜਾਂਦੇ ਹਨ। ਸੀਐੱਮ ਮਾਨ ਨੇ ਕਿਹਾ ਕਿ ਪਹਿਲੀ ਵਾਰ ਬੇਜ਼ੁਬਾਨਾਂ ਦੇ ਹੱਕ ਵਿਚ ਆਵਾਜ਼ ਚੁੱਕੀ ਜਾ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਬੈਲਾਂ ਦੀ ਜੋੜੀ ਸਾਡੇ ਲਈ ਖਾਸ ਮਹੱਤਵ ਰੱਖਦੀ ਹੈ, ਸਾਡੇ ਗੁਰੂ ਸਾਹਿਬ ਨੇ ਵੀ ਕਰਤਾਰਪੁਰ ਸਾਹਿਬ ਵਿਚ 16 ਸਾਲ ਤੱਕ ਬੈਲਾਂ ਨਾਲ ਖੇਤੀ ਕੀਤੀ ਸੀ।
ਇਹ ਵੀ ਪੜ੍ਹੋ : ਅੰਮ੍ਰਿਤਸਰ ‘ਚ ਪੁਲਿਸ ਤੇ ਬ.ਦ.ਮਾ/ਸ਼ ਵਿਚਾਲੇ ਐ.ਨ.ਕਾਊਂ/ਟਰ, ਜਵਾਬੀ ਕਾਰਵਾਈ ‘ਚ ਤ.ਸ.ਕਰ ਨੂੰ ਜ਼ਖਮੀ ਹਾਲਤ ‘ਚ ਦਬੋਚਿਆ
ਸੀਐੱਮ ਨੇ ਤਮਿਲਨਾਡੂ ਦੀ ਜੱਲੀਕੱਟੂ ਤੇ ਪੰਜਾਬ ਦੀ ਬੈਲਾਂ ਦੀ ਦੌੜ ਦੀ ਤੁਲਨਾ ਕਰਦੇ ਹੋਏ ਕਿਹਾ ਕਿ ਦੋਵੇਂ ਇਕੋ ਜਿਹੀਆਂ ਪ੍ਰੰਪਰਾਵਾਂ ਹਨ। ਉਨ੍ਹਾਂ ਇਹ ਵੀ ਸਪੱਸ਼ਟ ਕੀਤਾ ਕਿ ਬਿੱਲ ਵਿਚ ਅਹਿਮ ਸ਼ਰਤ ਰੱਖੀ ਗਈ ਹੈ ਕਿ ਦੌੜ ਦੌਰਾਨ ਪਸ਼ੂਆਂ ਨੂੰ ਡੰਡਿਆਂ ਜਾਂ ਕਿਸੇ ਹੋਰ ਚੀਜ਼ ਨਾਲ ਮਾਰਿਆ ਨਹੀਂ ਜਾਵੇਗਾ ਸਿਰਫ ਹੱਥ ਨਾਲ ਥਪਥਪਾ ਕੇ ਉਨ੍ਹਾਂ ਨੂੰ ਅੱਗੇ ਵਧਾਇਆ ਜਾਵੇਗਾ।
ਵੀਡੀਓ ਲਈ ਕਲਿੱਕ ਕਰੋ -:
