ਅੱਜ ਦੀ ਤੇਜ਼ ਰਫ਼ਤਾਰ ਜ਼ਿੰਦਗੀ ਵਿੱਚ ਅਸੀਂ ਅਕਸਰ ਨਾਸ਼ਤੇ, ਦੁਪਹਿਰ ਦੇ ਖਾਣੇ ਅਤੇ ਰਾਤ ਦੇ ਖਾਣੇ ਦੇ ਵਿਚਕਾਰ ਕੁਝ ਨਾ ਕੁਝ ਖਾਂਦੇ ਰਹਿੰਦੇ ਹਾਂ। ਭਾਵੇਂ ਇਹ ਪੈਕ ਕੀਤੇ ਚਿਪਸ ਹੋਣ ਜਾਂ ਬਿਸਕੁਟ, ਸਨੈਕਿੰਗ ਦਾ ਰੁਝਾਨ ਭਾਰਤੀਆਂ ਵਿੱਚ ਤੇਜੀ ਨਾਲ ਵਧਿਆ ਹੈ।
ਜ਼ਿਆਦਾਤਰ ਭਾਰਤੀ ਦਿਨ ਵਿੱਚ ਘੱਟੋ-ਘੱਟ ਦੋ ਵਾਰ ਸਨੈਕਸ ਖਾ ਲੈਂਦੇ ਹਨ, ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਇਹ ਮਾਮੂਲੀ ਲੱਗਣ ਵਾਲੀ ਆਦਤ ਤੁਹਾਡੀ ਸਿਹਤ ਅਤੇ ਲੰਬੀ ਉਮਰ ‘ਤੇ ਮਾੜਾ ਪ੍ਰਭਾਵ ਪਾ ਰਹੀ ਹੈ? ਆਓ ਜਾਣਦੇ ਹਾਂ ਡਾ. ਮੋਹਿਤ ਸ਼ਰਮਾ (ਸੀਨੀਅਰ ਸਲਾਹਕਾਰ, ਇੰਟਰਨਲ ਮੈਡੀਸਨ, ਅੰਮ੍ਰਿਤਾ ਹਸਪਤਾਲ, ਫਰੀਦਾਬਾਦ) ਤੋਂ ਕਿਵੇਂ।
ਵਾਰ-ਵਾਰ ਖਾਣਾ ਮੈਟਾਬੋਲਿਜ਼ਮ ਲਈ ਹੈ ਇੱਕ ਰੋਲਰਕੋਸਟਰ
ਲੋਕ ਅਕਸਰ ਮੰਨਦੇ ਹਨ ਕਿ ਥੋੜ੍ਹੀ ਮਾਤਰਾ ਵਿੱਚ ਭੋਜਨ ਖਾਣ ਨਾਲ ਮੈਟਾਬੋਲਿਜ਼ਮ ਵਧਦਾ ਹੈ, ਪਰ ਅਸਲੀਅਤ ਇਸਦੇ ਉਲਟ ਹੈ। ਜਦੋਂ ਅਸੀਂ ਅਕਸਰ ਖਾਂਦੇ ਹਾਂ, ਖਾਸ ਕਰਕੇ ਚਿਪਸ ਅਤੇ ਬਿਸਕੁਟ, ਤਾਂ ਸਾਡੇ ਸਰੀਰ ਨੂੰ ਮੈਟਾਬੋਲਿਕ ਰੈਸਟ ਯਾਨੀ ਪਾਚਨ ਤੰਤਰ ਨੂੰ ਆਰਾਮ ਨਹੀਂ ਮਿਲ ਪਾਉਂਦਾ। ਇਸ ਕਾਰਨ ਸਰੀਰ ਵਿਚ ਕਈ ਸਮੱਸਿਆਵਾਂ ਹੋ ਸਕਦੀਆਂ ਹਨ ਜਿਵੇਂ –
ਇਨਸੁਲਿਨ ਅਸੰਤੁਲਨ – ਭਾਵੇਂ ਤੁਸੀਂ ਇੱਕ ਛੋਟਾ ਬਿਸਕੁਟ ਖਾਂਦੇ ਹੋ, ਸਰੀਰ ਹਰ ਵਾਰ ਇਨਸੁਲਿਨ ਦਾ ਰਿਸਪਾਂਸ ਟ੍ਰਿਗਰ ਹੁੰਦਾ ਹੈ।
ਫੈਟ ਸਟੋਰੇਜ – ਵਾਰ-ਵਾਰ ਖਾਣ ਨਾਲ ਸਰੀਰ ਨੂੰ ਫੈਟ ਬਰਨ ਕਰਨ ਦਾ ਸਮਾਂ ਨਹੀਂ ਮਿਲਦਾ, ਜਿਸ ਨਾਲ ਚਰਬੀ ਜਮ੍ਹਾ ਹੋਣ ਲੱਗਦੀ ਹੈ। ਇਹੀ ਕਾਰਨ ਹੈ ਕਿ ਜੋ ਲੋਕ ਜ਼ਿਆਦਾ ਸਨੈਕਿੰਗ ਕਰਦੇ ਹਨ ਉਨ੍ਹਾਂ ਨੂੰ ਢਿੱਡ ਦੇ ਕੋਲ ਚਰਬੀ ਜਮ੍ਹਾ ਹੋਣ ਦੀ ਸਮੱਸਿਆ ਜ਼ਿਆਦਾ ਹੁੰਦੀ ਹੈ।
ਪਾਚਨ ਸੰਬੰਧੀ ਸਮੱਸਿਆਵਾਂ – ਪਾਚਨ ਪ੍ਰਣਾਲੀ ਲਈ ਆਰਾਮ ਦੀ ਘਾਟ ਐਸਿਡਿਟੀ, ਬਲੋਟਿੰਗ ਅਤੇ ਮੈਟਾਬੋਲਿਕ ਫਟੀਗ ਵਰਗੀਆਂ ਸਮੱਸਿਆਵਾਂ ਦਾ ਕਾਰਨ ਬਣ ਸਕਦੀ ਹੈ।
ਅਸੀਂ ਜ਼ਿਆਦਾ ਕਿਉਂ ਖਾਂਦੇ ਹਾਂ?
ਲਗਭਗ ਹਰ ਕੋਈ ਜ਼ਿਆਦਾ ਖਾਣ ਦੇ ਨੁਕਸਾਨਦੇਹ ਪ੍ਰਭਾਵਾਂ ਨੂੰ ਜਾਣਦਾ ਹੈ, ਫਿਰ ਵੀ ਅਸੀਂ ਆਪਣੇ ਆਪ ਨੂੰ ਇੰਨੀ ਵਾਰ ਖਾਣ ਤੋਂ ਕਿਉਂ ਨਹੀਂ ਰੋਕ ਸਕਦੇ? ਕਈ ਵਾਰ, ਸਾਨੂੰ ਭੁੱਖ ਵੀ ਨਹੀਂ ਹੁੰਦੀ, ਪਰ ਅਸੀਂ ਫਿਰ ਵੀ ਖਾਂਦੇ ਹਾਂ। ਇਸ ਪਿੱਛੇ ਕੀ ਕਾਰਨ ਹੈ?
ਤਣਾਅ ਅਤੇ ਬੋਰੀਅਤ – ਬਹੁਤ ਸਾਰੇ ਲੋਕ ਤਣਾਅ ਜਾਂ ਬੋਰੀਅਤ ਨੂੰ ਦੂਰ ਕਰਨ ਲਈ ਖਾਂਦੇ ਹਨ। ਇਸਨੂੰ ਸਟ੍ਰੈਸ ਈਟਿੰਗ ਕਿਹਾ ਜਾਂਦਾ ਹੈ, ਅਤੇ ਅਕਸਰ ਹਾਈ-ਕੈਲੋਰੀ ਅਤੇ ਗੈਰ-ਸਿਹਤਮੰਦ ਫੈਟ ਨਾਲ ਭਰਪੂਰ ਭੋਜਨ ਚੁਣਨਾ ਸ਼ਾਮਲ ਹੁੰਦਾ ਹੈ।
ਪ੍ਰੋਟੀਨ ਦੀ ਘਾਟ – ਭਾਰਤੀ ਭੋਜਨ ਵਿੱਚ ਅਕਸਰ ਫਾਈਬਰ ਅਤੇ ਪ੍ਰੋਟੀਨ ਦੀ ਮਾਤਰਾ ਘੱਟ ਹੁੰਦੀ ਹੈ। ਜਦੋਂ ਭੋਜਨ ਵਿੱਚ ਜ਼ਰੂਰੀ ਪੌਸ਼ਟਿਕ ਤੱਤਾਂ ਦੀ ਘਾਟ ਹੁੰਦੀ ਹੈ, ਤਾਂ ਪੇਟ ਜਲਦੀ ਖਾਲੀ ਮਹਿਸੂਸ ਹੁੰਦਾ ਹੈ, ਜਿਸ ਨਾਲ ਲਾਲਸਾ ਹੁੰਦੀ ਹੈ।
ਆਸਾਨ ਉਪਲਬਧਤਾ – ਬਾਜ਼ਾਰ ਵਿੱਚ ਉਪਲਬਧ ਫੂਡ ਡਿਲੀਵਰੀ ਐਪਸ ਅਤੇ ਸਸਤੇ, ਪੈਕਟ ਬੰਦ ਸਨੈਕਸ ਨੇ ਇਸ ਆਦਤ ਨੂੰ ਉਤਸ਼ਾਹਿਤ ਕੀਤਾ ਹੈ।
ਗੰਭੀਰ ਸਿਹਤ ਪ੍ਰਭਾਵ ਅਤੇ ਸਮੇਂ ਤੋਂ ਪਹਿਲਾਂ ਬੁਢਾਪਾ
ਲਗਾਤਾਰ ਸਨੈਕਿੰਗ ਨਾ ਸਿਰਫ਼ ਭਾਰ ਵਧਾਉਂਦੀ ਹੈ, ਸਗੋਂ ਸਾਡੇ ਸਰੀਰ ਨੂੰ ਅੰਦਰੋਂ ਵੀ ਨੁਕਸਾਨ ਪਹੁੰਚਾਉਂਦੀ ਹੈ –
ਬੀਮਾਰੀਆਂ ਦਾ ਖਤਰਾ
ਇਸ ਨਾਲ ਇਨਸੁਲਿਨ ਰੇਜਿੰਸਟੈਂਸ, ਡਾਇਬਿਟੀਜ, ਹਾਈ ਬਲੱਡ ਪ੍ਰੈਸ਼ਰ ਅਤੇ ਦਿਲ ਦੀਆਂ ਬੀਮਾਰੀਆਂ ਦਾ ਖਤਰਾ ਵਧਦਾ ਹੈ।
ਜੀਨ ‘ਤੇ ਅਸਰ
ਵਾਰ-ਵਾਰ ਖਾਣ ਨਾਲ ਸਰੀਰ ਦੇ ਲਾਂਗੇਵਿਟੀ ਜੀਨਸ ਬਲਾਕ ਹੋ ਜਾਂਦੇ ਹਨ ਜੋ ਡੀਐੱਨਏ ਦੀ ਮੁਰੰਮਤ ਅਤੇ ਸੋਜ ਘੱਟ ਕਰਨ ਦਾ ਕੰਮ ਕਰਦੇ ਹਨ।
ਉਮਰ ਵਧਣਾ
ਇਹ ਸਰੀਰ ਦ ਆਟੋਫੈਗੀ ਯਾਨੀ ਸੈਲਸ ਦ ਸਫਾਈ ਦੀ ਪ੍ਰਕਿਰਿਆ ਨੂੰ ਰੋਕਦ ਹੈ, ਜਿਸ ਨਾਲ ਉਮਰ ਵਧਣ ਦੀ ਪ੍ਰਕਿਰਿਆ ਤੇਜ ਹੋ ਜਾਂਦੀ ਹੈ।
ਇਸ ਆਦਤ ਨੂੰ ਕਿਵੇਂ ਬਦਲਿਆ ਜਾਵੇ?
ਆਪਣੀ ਮੈਟਾਬਾਲਿਕ ਸਿਹਤ ਨੂੰ ਵਾਪਸ ਪਟੜੀ ‘ਤੇ ਲਿਆਉਣ ਲਈ ਕੁਝ ਸਧਾਰਨ ਬਦਲਾਅ ਕੀਤੇ ਜਾ ਸਕਦੇ ਹਨ, ਜਿਵੇਂ ਕਿ:
ਹੈਲਦੀ ਅਤੇ ਬੈਲੇਂਸਡ ਡਾਇਟ– ਆਪਣੀ ਖੁਰਾਕ ਵਿੱਚ ਪ੍ਰੋਟੀਨ ਅਤੇ ਫਾਈਬਰ ਦੀ ਮਾਤਰਾ ਵਧਾਓ ਤਾਂ ਜੋ ਤੁਹਾਨੂੰ ਲੰਬੇ ਸਮੇਂ ਤੱਕ ਭੁੱਖ ਨਾ ਲੱਗੇ।
ਫਾਸਟਿੰਗ – ਰਾਤ ਦੇ ਖਾਣੇ ਅਤੇ ਨਾਸ਼ਤੇ ਵਿਚਕਾਰ 12 ਤੋਂ 14 ਘੰਟਿਆਂ ਦਾ ਅੰਤਰ ਰੱਖਣ ਦੀ ਕੋਸ਼ਿਸ਼ ਕਰੋ। ਇਸ ਨਾਲ ਸਰੀਰ ਨੂੰ ਫੈਟ ਬਰਨ ਕਰਨ ਅਤੇ ਰਿਕਵਰੀ ਦਾ ਸਮਾਂ ਮਿਲਦਾ ਹੈ।
ਜਾਗਰੂਕਤਾ – ਖਾਣ ਤੋਂ ਪਹਿਲਾਂ ਆਪਣੇ ਆਪ ਤੋਂ ਪੁੱਛੋ ਕਿ ਕੀ ਤੁਸੀਂ ਸੱਚਮੁੱਚ ਭੁੱਖੇ ਹੋ ਜਾਂ ਕੀ ਤੁਸੀਂ ਸਿਰਫ਼ ਸਟ੍ਰੈਸ ਜਾਂ ਬੋਰੀਅਤ ਕਰਕੇ ਖਾ ਰਹੇ ਹੋ।
ਵੀਡੀਓ ਲਈ ਕਲਿੱਕ ਕਰੋ -:
