ਦੀਵਾਲੀ ਦਾ ਤਿਓਹਾਰ ਖੁਸ਼ੀਆਂ, ਮਠਿਆਈਆਂ ਤੇ ਰੌਸ਼ਨੀ ਦਾ ਤਿਓਹਾਰ ਹੁੰਦਾ ਹੈ। ਹਾਲਾਂਕਿ ਜਿਹੜੇ ਲੋਕਾਂ ਨੂੰ ਦਿਲ ਦੀ ਬੀਮਾਰੀ ਹੈ ਉਨ੍ਹਾਂ ਲਈ ਇਸ ਸਮੇਂ ਜ਼ਿਆਦਾ ਅਹਿਤਿਆਤ ਵਰਤਣ ਦਾ ਹੁੰਦਾ ਹੈ। ਪਟਾਕਿਆਂ ਦਾ ਧੂੰਆਂ ਤੇ ਅਚਾਨਕ ਹੋਣ ਵਾਲੀਆਂ ਤੇਜ਼ ਆਵਾਜ਼ਾਂ ਦਿਲ ਦੇ ਮਰੀਜ਼ਾਂ ਲਈ ਜ਼ਿਆਦਾ ਖਤਰਨਾਕ ਹੋ ਸਕਦੀਆਂ ਹਨ।
ਅਮਰੀਕਨ ਹਾਰਟ ਐਸੋਸੀਏਸ਼ਨ ਮੁਤਾਬਕ ਹਵਾ ਵਿਚ ਮੌਜੂਦ PM 2.5 ਫੇਫੜਿਆਂ ਵਿਚ ਡੂੰਘਾਈ ਤੱਕ ਜਾ ਕੇ ਸੋਜਿਸ਼ ਪੈਦਾ ਕਰਦੇ ਹਨ ਜੋ ਬਲੱਡ ਵੈਸਲਸ ਨੂੰ ਪ੍ਰਭਾਵਿਤ ਕਰਦੇ ਹਨ। ਪ੍ਰਦੂਸ਼ਣ ਦੇ ਥੋੜ੍ਹੇ ਸਮੇਂ ਦੇ ਸੰਪਰਕ ਵਿਚ ਆਉਣ ਨਾਲ ਵੀ ਦਿਲ ਦੇ ਮਰੀਜ਼ਾਂ ਵਿਚ ਹਾਰਟ ਅਟੈਕ, ਅਨਿਯਮਿਤ ਦਿਲ ਦੀਆਂ ਧੜਕਣਾਂ ਤੇ ਹਾਰਟ ਫੇਲੀਅਰ ਦਾ ਖਤਰਾ ਵਧ ਜਾਂਦਾ ਹੈ। ਇਸ ਲਈ ਤਿਓਹਾਰ ਸਮੇਂ ਜ਼ਿਆਦਾ ਸਾਵਧਾਨੀ ਦੀ ਲੋੜ ਹੁੰਦੀ ਹੈ।
ਤਿਓਹਾਰ ਦੌਰਾਨ ਪਟਾਕੇ ਚਲਾਉਣ ਜਾਂ ਉਸ ਦੇ ਅਗਲੇ ਦਿਨ ਵੀ ਪ੍ਰਦੂਸ਼ਣ ਦਾ ਪੱਧਰ ਕਾਫੀ ਵਧ ਜਾਂਦਾ ਹੈ। ਅਜਿਹੇ ਵਿਚ ਘਰ ਤੋਂ ਬਾਹਰ ਨਿਕਲਣ ਤੋਂ ਪਹਿਲਾਂ ਪ੍ਰਦੂਸ਼ਣ ਦਾ ਲੈਵਲ ਚੈੱਕ ਕਰੋ। ਜੇਕਰ ਪ੍ਰਦੂਸ਼ਣ ਜ਼ਿਆਦਾ ਹੈ ਤਾਂ ਘਰ ਦੇ ਅੰਦਰ ਹੀ ਰਹੋ। ਕਈ ਲੋਕ ਮੰਨਦੇ ਹਨ ਕਿ ਸਵੇਰ ਸਮੇਂ ਪ੍ਰਦੂਸ਼ਣ ਘੱਟ ਹੁੰਦਾ ਹੈ ਪਰ ਦੀਵਾਲੀ ਦੇ ਅਗਲੇ ਦਿਨ ਸਵੇਰੇ ਦੀ ਸੈਰ ‘ਤੇ ਜਾਣ ਤੋਂ ਬਚੋ ਕਿਉਂਕਿ ਰਾਤ ਭਰ ਚਲਾਏ ਪਟਾਕਿਆਂ ਦਾ ਧੂੰਆਂ ਲੰਬੇ ਸਮੇਂ ਤੱਕ ਹਵਾ ਵਿਚ ਰਹਿੰਦਾ ਹੈ।
ਘਰ ਦੇ ਅੰਦਰ ਦੀ ਹਵਾ ਸਾਫ ਰੱਖਣੀ ਵੀ ਜ਼ਰੂਰੀ ਹੈ। ਜੇਕਰ ਬਾਹਰ ਧੂੰਆਂ ਹੈ ਤਾਂ ਖਿੜਕੀਆਂ ਬੰਦ ਰੱਖੋ ਤੇ ਏਅਰ ਪਿਊਰਫਾਇਰ ਦਾ ਇਸਤੇਮਾਲ ਕਰੋ। ਨਾਲ ਹੀ ਘਰ ਦੇ ਅੰਦਰ ਅਗਰਬੱਤੀ ਜਾਂ ਤੰਬਾਕੂ ਦਾ ਇਸਤੇਮਾਲ ਨਾ ਕਰੋ। ਜੇਕਰ ਕਿਸੇ ਜ਼ਰੂਰੀ ਕੰਮ ਲਈ ਘਰ ਤੋਂ ਬਾਹਰ ਜਾ ਰਹੇ ਹੋ ਤਾਂ ਮਾਸਕ ਦੀ ਵਰਤੋਂ ਜ਼ਰੂਰ ਕਰ ਲਓ।
ਇਹ ਵੀ ਪੜ੍ਹੋ : ‘ਜਿੱਥੇ ਨਕਸਲੀਆਂ ਦਾ ਸੀ ਬੋਲਬਾਲਾ , ਉੱਥੇ ਹੁਣ ਵਿਕਾਸ ਦੀ ਬਹਾਰ’ ਬਸਤਰ ‘ਚ ਜਵਾਨਾਂ ਨਾਲ PM ਮੋਦੀ ਨੇ ਮਨਾਈ ਦੀਵਾਲੀ’
ਅਚਾਨਕ ਤੇਜ਼ ਆਵਾਜ਼ਾਂ ਸਰੀਰ ਵਿਚ ਸਟ੍ਰੈਸ ਰਿਸਪਾਂਸ ਟ੍ਰਿਗਰ ਕਰ ਸਕਦੀਆਂ ਹਨ ਜਿਸ ਨਾਲ ਦਿਲ ਦੀ ਧੜਕਣ ਤੇ ਬਲੱਡ ਪ੍ਰੈਸ਼ਰ ਵਧ ਸਕਦੇ ਹਨ। ਇਸ ਲਈ ਪਟਾਕਿਆਂ ਵਾਲੀ ਜਗ੍ਹਾ ਤੋਂ ਦੂਰ ਰਹੋ। ਅਚਾਨਕ ਪਟਾਕੇ ਦੀ ਤੇਜ਼ ਆਵਾਜ਼ ਨਾਲ ਦਿਲ ਦੀਆਂ ਧੜਕਣਾਂ ਤੇਜ਼ ਹੋ ਸਕਦੀਆਂ ਹਨ ਜੋ ਦਿਲ ਦੇ ਮਰੀਜ਼ਾਂ ਲਈ ਜ਼ਿਆਦਾ ਖਤਰਨਾਕ ਹੈ। ਦਿਲ ਦੇ ਮਰੀਜ਼ਾਂ ਲਈ ਜ਼ਰੂਰੀ ਹੈ ਕਿ ਉਹ ਆਪਣੀਆਂ ਦਵਾਈਆਂ ਸਮੇਂ ‘ਤੇ ਲੈਣ। ਡਾਕਟਰ ਦੀ ਸਲਾਹ ਦੇ ਬਿਨਾਂ ਅਹਿਤਿਆਤ ਵਜੋਂ ਕੋਈ ਵੀ ਬਲੱਡ ਪ੍ਰੈਸ਼ਰ ਦੀ ਗੋਲੀ ਬਿਲਕੁਲ ਨਾ ਲਓ। ਨਾਲ ਹੀ ਜੇਕਰ ਤੁਹਾਨੂੰ ਹਾਰਟ ਫੇਲੀਅਰ ਦੀ ਸਮੱਸਿਆ ਹੈ ਤਾਂ ਖਾਣੇ ਵਿਚ ਸੰਜਮ ਵਰਤੋਂ। ਜ਼ਿਆਦਾ ਤੇਲ ਤੇ ਨਮਕ ਵਾਲਾ ਨਾ ਖਾਓ। ਨਾਲ ਹੀ ਸ਼ਰਾਬ ਤੋਂ ਦੂਰੀ ਬਣਾ ਕੇ ਰੱਖੋ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
