ਉੱਤਰ ਪ੍ਰਦੇਸ਼ ਦੇ ਬਰੇਲੀ ਜ਼ਿਲ੍ਹੇ ਦੇ ਥਾਣਾ ਭਾਮੋਰਾ ਇਲਾਕੇ ਵਿੱਚ ਇੱਕ ਭਿਆਨਕ ਤੂਫ਼ਾਨ ਦੌਰਾਨ ਇੱਕ ਜੰਝ ਘਰ ਦੀ ਟੀਨ ਦੀ ਸ਼ੈੱਡ ਹਵਾ ਵਿੱਚ ਉੱਡ ਗਈ ਅਤੇ ਇੱਕ ਬੰਦਾ ਵੀ ਲਗਭਗ 50 ਫੁੱਟ ਦੀ ਉਚਾਈ ਤੱਕ ਉਛਲ ਗਿਆ। ਇਹ ਘਟਨਾ ਪਿਛਲੇ ਦੋ ਦਿਨਾਂ ਤੋਂ ਲਗਾਤਾਰ ਤੇਜ਼ ਤੂਫ਼ਾਨ ਅਤੇ ਪੱਛਮੀ ਗੜਬੜ ਕਾਰਨ ਵਾਪਰੀ। ਤਿੰਨ ਲੋਕ ਟੀਨ ਸ਼ੈੱਡ ਦੇ ਹੇਠਾਂ ਤੂਫ਼ਾਨ ਤੋਂ ਬਚਣ ਦੀ ਕੋਸ਼ਿਸ਼ ਕਰ ਰਹੇ ਸਨ ਕਿ ਅਚਾਨਕ ਪੂਰੀ ਛੱਤ ਹਵਾ ਵਿੱਚ ਉੱਡ ਗਈ, ਅਤੇ ਇੱਕ ਆਦਮੀ ਕਈ ਫੁੱਟ ਉੱਡ ਕੇ ਸਿੱਧਾ ਇੱਕ ਖੇਤ ਵਿੱਚ ਡਿੱਗ ਪਿਆ। ਪੀੜਤ ਗੰਭੀਰ ਜ਼ਖਮੀ ਹੋ ਗਿਆ ਅਤੇ ਪ੍ਰਸ਼ਾਸਨ ਵੱਲੋਂ ਉਸਨੂੰ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ ਹੈ।
ਪਹਿਲੀ ਨਜ਼ਰ ਵਿੱਚ ਇਹ ਵੀਡੀਓ ਜੋ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ, AI ਦੀ ਮਦਦ ਨਾਲ ਬਣਾਇਆ ਗਿਆ ਜਾਪਦਾ ਹੈ ਜਾਂ ਕਿਸੇ ਫਿਲਮ ਦਾ ਦ੍ਰਿਸ਼ ਲੱਗ ਰਿਹਾ ਹੈ। ਵੀਡੀਓ ਵਿੱਚ ਕਲਾਬਾਜੀਆਂ ਖਾਂਦੇ ਹੋਏ ਬੰਦੇ ਨੂੰ ਹਵਾ ਵਿੱਚ ਉੱਡਦੇ ਦੇਖ ਕੇ ਲੋਕ ਹੈਰਾਨ ਹਨ। ਹਾਲਾਂਕਿ, ਜਦੋਂ ਮੀਡੀਆ ਅਤੇ ਪ੍ਰਸ਼ਾਸਨ ਭਾਮੋਰਾ ਖੇਤਰ ਵਿੱਚ ਘਟਨਾ ਵਾਲੀ ਥਾਂ ‘ਤੇ ਪਹੁੰਚੇ ਅਤੇ ਜਾਂਚ ਕੀਤੀ, ਤਾਂ ਇਹ ਖੁਲਾਸਾ ਹੋਇਆ ਕਿ ਵੀਡੀਓ ਪੂਰੀ ਤਰ੍ਹਾਂ ਅਸਲੀ ਸੀ ਅਤੇ ਚੱਕਰਵਾਤ ਦੀ ਗਤੀ ਇੰਨੀ ਤੇਜ਼ ਸੀ ਕਿ ਇਸ ਨੇ ਭਾਰੀ ਟੀਨ ਸ਼ੈੱਡ ਨੂੰ ਤਿਨਕੇ ਵਾਂਗ ਉਡਾ ਦਿੱਤਾ।
ਘਟਨਾ ਵੇਲੇ ਤਿੰਨ ਲੋਕ ਇੱਕ ਜੰਝ ਘਰ ਦੇ ਉੱਪਰ ਇੱਕ ਟੀਨ ਸ਼ੈੱਡ ਦੇ ਹੇਠਾਂ ਖੜ੍ਹੇ ਸਨ। ਉਹ ਖੁਦ ਨੂੰ ਸੁਰੱਖਿਅਤ ਰੱਖਣ ਦੀ ਕੋਸ਼ਿਸ਼ ਕਰ ਰਹੇ ਸਨ, ਪਰ ਕੁਦਰਤ ਦੇ ਪ੍ਰਕੋਪ ਅੱਗੇ ਉਨ੍ਹਾਂ ਦੀਆਂ ਕੋਸ਼ਿਸ਼ਾਂ ਨਾਕਾਮ ਰਹੀਆਂ। ਚੱਕਰਵਾਤ ਨੇ ਪੂਰੀ ਦੀ ਪੂਰੀ ਛੱਤ ਉਖਾੜ ਦਿੱਤੀ ਅਤੇਆਪਣੇ ਨਾਲ ਇੱਕ ਬੰਦੇ ਨੂੰ ਵੀ ਅਸਮਾਨ ਵੱਲ ਖਿੱਚ ਲਿਆ। ਕਾਫੀ ਉਚਾਈ ਤੋਂ ਖੇਤ ਵਿਚ ਡਿੱਗਣ ਕਾਰਨ ਬੰਦਾ ਬੁਰੀ ਤਰ੍ਹਾਂ ਜਖਮੀ ਹੋ ਗਈ, ਜਿਲ੍ਹਾ ਪ੍ਰਸ਼ਾਸਨ ਨੇ ਤੁਰੰਤ ਸਰਗਰਮੀ ਦਿਖਾਉਂਦੇ ਹੋਏ ਜਖਮੀ ਨੂੰ ਉਚਿਤ ਇਲਾਜ ਦੇ ਲਈ ਹਸਪਤਾਲ ਪਹੁੰਚਾਇਆ।
ਇਹ ਵੀ ਪੜ੍ਹੋ : PU ‘ਚ ਸਾਈਨ ਬੋਰਡਾਂ ਤੋਂ ਪੰਜਾਬੀ ਹਟਾਉਣ ਦਾ ਮਾਮਲਾ, MP ਕੰਗ ਨੇ ਉਪ ਰਾਸ਼ਟਰਪਤੀ ਨੂੰ ਲਿਖਿਆ ਪੱਤਰ
ਪੱਛਮੀ ਗੜਬੜੀ ਕਾਰਨ ਬਰੇਲੀ ਪਿਛਲੇ ਦੋ ਦਿਨਾਂ ਤੋਂ ਲਗਾਤਾਰ ਤੂਫਾਨੀ ਹਵਾਵਾਂ ਦਾ ਸਾਹਮਣਾ ਕਰ ਰਿਹਾ ਹੈ। ਬੀਤੀ ਰਾਤ ਦੇ ਤੂਫਾਨ ਨੇ ਸ਼ਹਿਰ ਵਿੱਚ ਭਾਰੀ ਤਬਾਹੀ ਮਚਾਈ। ਕਈ ਵੱਡੇ ਦਰੱਖਤ ਉਖੜ ਗਏ ਅਤੇ ਸੜਕਾਂ ‘ਤੇ ਡਿੱਗ ਗਏ, ਜਿਸ ਨਾਲ ਕਈ ਦੋਪਹੀਆ ਵਾਹਨ ਅਤੇ ਚਾਰ ਪਹੀਆ ਵਾਹਨ ਦਬ ਕੇ ਨੁਕਸਾਨੇ ਗਏ। ਡਿੱਗੇ ਹੋਏ ਦਰੱਖਤਾਂ ਨੇ ਕਈ ਸੜਕਾਂ ਨੂੰ ਵੀ ਰੋਕ ਦਿੱਤਾ ਹੈ ਅਤੇ ਕਈ ਹੋਰ ਲੋਕਾਂ ਦੇ ਜ਼ਖਮੀ ਹੋਣ ਦੀ ਸੂਚਨਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
